احرجني ابني بسؤاله ...
 

النهارده كنت قاعده اتكلم مع ابنى وأقول له انه لازم يداوم على مراجعة القرآن اللى حافظه حتى لا ينساه وكذلك الانجليزى فقال لى يا ماما انا فى أجازه ومش عايز وزعل منه والده لأنه كان عايز يسمع له قرآن والولد رفض فقلت له يا ابنى يا حبيبى كل الناجحين فى الدنيا ماكانوش واخدين الدنيا لعب ونوم وهزار وبس لازم يكون لك هدف من صغرك ولازم تسعى لتحقيقه مثلا ام الدكتور اجمد زويل كتبت على باب حجرته من وهو صغير حجرة الدكتور احمد زويل فأصبح الدكتور أحمد زويل وهكذا حال كل الناجحين واعرف اننا مخلوقين اساسا لعبادة ربنا وللعمل الجاد فى الحياة وممكن نلعب بس مش كل الوقت.
كل ده كلام عادى لكن اللى مش عادى رده على ( ربنا يحفظه لى) قال لى يا ماما انتى ما بتقرأيش القرآن ولا ايه ده ربنا بيقول ( اعلموا ان الحياة الدنيا لعب ولهو وتفاخر بينكم وتكاثر فى الأموال والأنفس والثمرات) يبقى ربنا يقول الدنيا لعب وانتى تقولى لى ما تلعبش !!!!!!!!
لو كنتوا مكانى تردوا تقولوا ايه؟

شكرا لكى أختى الكريمة وقد أوضحت له هذا المعنى وزدت عليه ان ربنا قال لنا ايضا ( وما خلقت الجن والانس الا ليعبدون) وعرفته ان ربنا قال ليعبدون وليس ليلعبون. جزاكى الله كل الخير

شكرا لك فعلا نحن فهمنا المعلومة بطريقة مغلوطه وأنا فهمته والحمد لله وجزاك الله كل الخير.

تربية الأبناء صعبه الله يعيننا عليهم والله يهديهم ويصلحهم..

الله يهديلك ابنك ويصلحلك احوالهز

سبحان الله
الامام قرا هذه الايه اليوم في الصلاة
والله ابنك ذكي اضحكني