آه ... يازوجي الحبيب .. كم اتمنى رجوعك .......
 

أنا متزوجه .. انسان .. طيب ..مؤدب ..خلوق .. حنون ... غني جداً .. ومايرفض لي طلب .. كريم ..

مشكلتي .. أن ... زوجي دائماً مشغول عني في عقاراته .. وأملاكه .. وتجاره اللي ماتنتهي ...

صدق موفر لي كل شي .. بس معتمد علي في كل حاجه ... يعني .. من .. الى ....

في يوم ميلادي فاجأني بهديه .. واللي هي BMW وجديده من الوكاله .... :confused:

شفتها قلت له .. حرام السايق بيلعب في السياره .. وانت دافع فيها الشي الفلاني ... قال لي .. حبيبتي .. هي حلالك .. وأنتي بتسوقينها ... عشان مايكون معاك رجال غريب في السياره .. وبالمره تاخذين راحتك .. وتروحين فيها الشغل والكليه ......

تضايقت ... كثير ...

لانه ومن بعد ماطلع لي السياره صار يعتمد علي بكل حاجه اكثر من قبل ....

أصلاً قبل ليطلع لي السياره .. كنت لحالي اطلع ..وارجع .. واروح اقضي مشاويري لحالي ..

حتى الجمعيه ... اروح واخذ متطلبات البيت وأنا لحالي ... وبصراحه اتحسر لما اشوف زوجين مع بعض ..........مش اني احسدهم لا والله بالعكس اتمنى للكل الخير ...

اقعد لحالي في البيت ... ولما قلت له اني اتضايق وأنا لحالي حط لي الانترنت و قنوات الشوتايم والاوربت ...... :confused:

فهمته ان قعدته تسوى الدنيا ومافيها ... بس لاحياه لمن تنادي ......!

الله ماعطاني عيال ... وصارلي 5سنوات ... عالجت كثير .. قلت يمكن يرجع لي لما احمل ... بس هو على باله الحياه كلها .. فلوس وبس ...

كل ماقلت له .. ابغي ... عطاني فلوس .. وانا ابغي حنانه ... وقلبه .......

أنا حزينه جداً جداً ....

آه .....

فديته ... قلبه طيب بالمره ... بس لويهتم فيني ....

المشكله .. أن لما يرجع البيت .. يضحك معاي ... ويتمنى انه يعوضني عن كل ثانيه قضاها برا البيت ....

والله موناقصني شي ..الا وجوده ..معاي ......

احس انه لاهي في هذي الدنيا ... بس الحمدلله ... محافظ على الصلاه ... ويصليها في المسجد ........

ولايحب يزعلني بحاجه ........ بس لو يرجع لي ......

ومشكلتي الثانيه ...معاه ..أنه ...

مايحب اني اساعد اهلي اذا احتاجوا لي مادياً ... مع انه يزكي .. ويتصدق ... والغريب يعطيني اللي ابغيه ومايحاسبني ....... :confused:

بس دم ضروسه اهلي .... لوساعدتهم.......

سألته وقلت له ..ليه انت ماتحبهم...قال لي بالعكس ...بس اخوانك كبار ولازم يتحملون مسؤوليه امك وابوك .......؟؟؟؟؟

قمت اعطي امي وابوي من راتبي وبالخش :(

هذا كله بس عشان مايزعل ........

وتركت هذا الموضوع للأيام ....

والمشكله الثالثه ...

أن انا طبعي ما احب اقول حق اي شخص حتى لوامي ..او اختي ...ماحب اقولهم عن مشاكلي ... او حتى لوكنت متضايقه ...ماحب اطلع الضيقه ...احب اكون مبتسمه دوم...

المهم ..... فتحت بوك زوجي عشان ادور بطاقتي الشخصيه وبدون استأذان منه .... وحصلت بطاقه فتح رصيد في امريكا......!!!!!!!

وأنا زعلانه ... لان مادري وش سالفه هذي البطاقه .....

المشكله ان ماعليها اسم ..بس الموجود رقم سري .......

وخايفه اساله ..بيقولي وشلون شفتي ........ :(

وماقدر اقوله اني فتحت البوك من غير استأذان........


بليز .. ابغي الحل منكم .... لاني متضايقه وايد .... وايد ... وايد .......

اختكم ....

الحزينه مؤقتاً انشاءالله ... :d

الهنــــــــــــــــــــــــــوف...

ان شاء الله المشكلة مؤقتة جدا وتنحل باذن الله..

المشكلة الاولى ... ما في داعي تكبرين الموضوع مادام انه يعوضك عن غيابه بضحكات وجلسات

آخر الليل ..والحمدلله... يا اخت هنوف غيرك زوجها يرجع بعد دوام طويييييييييل ..تعبان مايرده

الا السرير...

المشكلة الثانية... معاه حق لازم اخوانك الكبار يتحملوا المسؤولية .. وخليكي على وضعك

اعطي اهلك من مصروفك من غير علمه الين ربنا ييسرها..

اما المشكلة الثالثة .. ما ادرى ايش الحل انتي وعارفة شخصية زوجك... اذا كان يزعل .. مايزعل

تفتحي اوراقه وادراجه من غير اي تحفظ ... مانعك من هذا الشيئ ..ولا مو مانعك بس من رأيي

انك تستخيري الله عزوجل قبل مصارحته لان ممكن تصير مشكلة انتي في غنى عنها.. وبنفس الوقت

ممكن تزيد الشكوك .. فاستخارة الله هي الحل.. والله اعلم ..

ان شاء الله اكون افدتك0

اشكرك ... يا اخي العزيز .. ابوازهار .....

وبصراحه ...كلامك ...يطمن القلب .... بس هو من تزوجته وهو مشغول عني دائماً ... بس مسكين ماقصر بصراحه ...

تخيل .. ان البنات اللي معاي في الشغل ..يقولون لي ... اني اتعرف على شباب واطلع معاهم واضيع وقتي .....!!

ويقولون لي مدامك انك في بدايه العمر ونسي نفسك ............


المهم ....

اشكرك على هذه الوقفه ...الغاليه في قلبي...........وانتظر المزيد من الردود اللي تريحني......من صاحب الرائي السديد قيم اوفر ... واخواني البقايه في المنتدى واخواتي الاعزاء .....

اختي الفاضلة / الهنوف

غالبية الرجال لديهم أعمال كثيرة ولا يرجعون للبيت الا قبل منتصف الليل في معظم الاوقات..

وانا اعرف ناس كثيرين بهذا الشكل..

ومع ذلك لم يغدقوا على زوجاتهم كا يفعل زوجك بك ...

فهو لم يستكثر عليك شيء اشترى لك السيارة غالية الثمن ...

ولا يبخل عليك بالمال..

وكذلك يحاول ويضغط على نفسه إذا رجع وهو متعب ان يعوضك عن عدم وجوده معك

معظم الوقت ... وهذا لايفعله الا القليل من الرجال اللذين فعلا يحسون بمعاناة زوجاتهم ويقدرون ذلك..

فأرجوك ان لا تستمعي أقوال البنات اللاتي ذكرتي .. فالظاهر والله يعلم انهن يحسدنك على النعمة التي انت فيها..

وذلك من خلال محاولاتهن لإخراجك مع الشباب ... يردن تدميرك واخراجك عن سلوكك القويم..

فلا تستمعي لهن ويجب عليك مقاطعتهن ... فالصاحب ساحب والله المستعان..

تحياتي..

بسم الله الرحمن الرحيم

انا ارى زوجك ما شاء الله تمام
وسالفة البطاقة انسيها لان راح تفتح عليك ابواب

عموما ممكن تطلبين من زوجك ان يتفرغ لك يوم في الاسبوع يكون لك لوحدك
وبين فترة وفترو اخذوا اجازة اقضوا في مكان رومانسي مثل فندق ولا منتجع جميل

ينقل.....للمتزوجين

عزيزتى ربنا دايما يسعدك. زى ما قالوا الاخوان كتيييير من الرجال الآن يجروا ورا لقمة العيش من الصبح لآخر الليل ويرجعوا منهكى القوى زى زوجك مع الفرق انة برضة مهتم يجلس معاك ويحاول يعوضك عن فترة غيابة.اكيد عدم وجود اطفال عندك هو اللى مكبر الموضوع فى دماغك لكن ان شاء الله ربنا يرزقك ويرزقنى الاولاد واكيد ساعتها مش هيكون عندك لحظة تفكرى فيها ان كان زوجك غايب عنك او مهتم بيكى.وانا مع اللى قالوا لك ابتعدى عن صديقات السوء اللى بيحرضوكى على الضياع وانك تخصرى دينك ودنياك. اشغلى وقتك بشئ له فايدة وياريت يكون عمل الخير سواء مساعدة محتاج او مريض او رعاية يتيموبكدة هتشيلى زوجك من دماغك شوية وكمان تكسبى ثواب وربنا يسعدك واحمدى ربنا على النعمة اللى انتى فيها.

اعزائي ......

اشكركم على كلامكم اللي جد والله يهون علي كل حاجه ......

جزاكم الله الف خير

الاخت العزيزة : الهـنـوف

طبيعي ان يكون الزوج مشغول وخاصة اذا كان رجل اعمال ...

ولكن مهما كانت اعماله يجب ان يخصص لك وله يوم في الاسبوع على الاقل

يفضل ان تكلمين زوجك وتحاولي اقناعه بأن يكون قريب منك .. فالمال وحدة ليس السعادة ، وانما وسيلة للسعادة

تمنياتي لك بحياة زوجيه سعيدة دائماً

وتقبلي خالص وارق تحياتي

ابغي ارائكم اللي تحل لي هذي المشكله ....

وينكم يا اخواني الاعزاء ...

فاهم احساسك ... هاامس... vip...chessbase ...ضئ القمر .... فرووته الحلوه ..بلوبيرد..زيتونه..سابرينا..حمدبن جاسم..صقر الجنوب..ابوحلموس..زوج واقعي.. وكل عضو اعزه [سامحوني ان نسيت اي احد والله من الهم اللي احاتيه]...يمكن نسيت اسمه .. بس معزته في قلبي ... ابغي مساعدتكم ورايكم ....

وانا لما اطلب بالاسم مش معنى اني مش مقدره الباقي ...بالعكس كلكم على عيني وراسي بس لان اللي طلبت اساميهم احس انهم مروا بهذي الاشياء .....ولهم خبر ...وذلك من خلال قرائتي لهم ....