|
ما هو غرض معايرة البنت من قبل الأهل بتأخرها ؟؟سؤال للنقاش
سلام الله عليكم ورحمته وبركاته
سؤال نتعرض له ونسمعه ونقرأ عن كثيرا يتكرر بأن الأهل او أقاربها يعايرونها بتاخرها أو بعدم تقدم خطاب لها وفي الوقت نفسه لا يحركون ساكنا هل هو من الضغوطات التي عليهم؟؟؟ هل البنت المتأخره تسبب لهم الحرج أمعقول لا يدركو ن المعاناه النفسيه التي تعيشها البنت وفوق هذه المعايره ؟؟ ما هو السبب وما هو التصرف السليم لمواجهة معايرة الاهل والأقارب |
السلام عليكم ورحمه الله وبركاته
هلا وغلا بحبيبتي نايت :d طمنينا عنك ان شاء الله انك مرتاحه الحين ربي يرياح بالك ويسر امرك ويرزقك الزوج الصالح شوفي يالغاليه انا الحين اتكلملك عن الوالدين :d الاب والام ترى والله فيها امهات واباء كثير يعايرون بناتهم بتاخرهم بالزواج الا من رحم الله بس ماقصدهم شماته او طنازة بالعكس والله انهم نفسهم يتزوجون بناتهم اليوم قبل بكرة ويكونو اسعد العالم بس احيانا من القهر او من شغله عملتها البنت يطلعون حرتهم بهالكلمه الى تتعب البنت وتحسسها انها جالسه على قلوبهم وانها عله على اهلها ويمكن حاجه في نفس يعقوب بعض الاهل يقولونها لبناتهم مثل البنت عليها خطاب ماشاء الله بس هي ترفضهم ويبغونها تستحي على نفسها وتوافق على واحد من خطاطيبها لكن في بعض الاباء والامهات هداهم الله عندهم طلعات عجيبه غريبه يوم يعايرون بناتهم اين كان السبب واين كان المقصد من الكلمه لكن والله انها كلمه تجرح وتتمنى ان الارض تنشق وتبلعك :29::29: بس وش نعمل اهالينا بالغصب بالطيب نتحملهم ونتحمل كلامهم ربي يهدينا ويهديهم :17::17: اما ان ليش مايحركون ساكنا الاب والام بعضهم يشوفها حاجه صعبه وكبيرة يعرض بناته لزواج كانهم سلع للبيع ويستكبرها بعينه والصراحه انا معاهم احسها صعبه اشوي الى يعرض بنته لزواج اما عن الاقااااااااااااااااااارب :29::29: صراحه الحمدلله هذا من فضل الله ماعمر احد وجه لي كلمه كذا بوجهي اني متاخرة اوشي مثل كذا الا اللهم يوم يدعووووووووووون لي احس بااحراج بسيط من دعواتهم ونظراتهم :25::25: اما وشلون تواجيهن اهلك الى هم ابوك وامك:d اول شي لشفتي الى عايرك منهم بعد الهوشه امك او ابوك هادي ورايق تروحين له تقولين لهم ترى الكلام الى تقولونه لي يوم تعصبون مايصلح ويجرحني ومن هالقبيل ويحسسني اني ثقلت عليكم يعني تحاولين تحننين قلوبهم عليك اذا مانفع هالكلام معاهم وعادوها مرة ثانيه وثالثه ابتسمي كل ماقالولك كذا وقولي لهم انا بنتكم تحملووووووني :d:d واذا ماتحملتوني انتم من يتحملني :29::29: واكثري من الدعااااااااااااااااااااااااء بان الله يفرج همك ويسر امرك ويرزقك الى يسترك بالحلال :22: اما اذا احد من قاريبك يعايرك :29::29: لاتسكتين لهم لانهم راح يتمادون معاك بكل مرة يشوفونك فيها يعني على قوله المثل اخلي الى تتكلم تبلع نص كلامها قبل ماتكمله :17::17: اياك يالغاليه تبينين لهم انك مهتمه بالموضوع او حاز بخاطرك حاولي كل ماشفتيهم تكونين على احسن حال والابتسامه شاقه الحلق :d دامهم من النوع الى يعاير لانهم من اصحاب النفوس الضعيفه والى تغرهم المنظاهر بس :11: ربي يالغاليه يسر امورك كلها ويشفيك ويعافيك ويرزقك الزوج الصالح الى نفرح فيك قريب وطمنينا قلبنا عليك يااااااااااااااااااارب ويسخر ميمتك لك ويحنن قلبها عليك :d:d نايت دايم بالقلب والله :22::22: |
والله نايت من اهل لاهل تفرق...
انا ضدها تماما.. بس صدقيني النار ما تحرق غير رجل واطيها... ممكن انتي وانا نتكلم ساعات مع ناس في كلام عادي.. هوبالنسبة لنا.. لكن للطرف الاخر يمثل عقده.. كل انسان وشخصيته.. مشكلة بعض الاهل.. ومنهم ابوي الله يهديه..من النوع اللي زمان يلوم بعض الاباء على تصرفاتهم.. وانهم سبب جلسوا بناتهم ما تزوجوا.. بس الحين سكت ما يلوم أحد.. لانه صارت براسه وبنته تاخرت عن الزواج.. نا ساعات اسمعها.. على سبيل... ارضي باللي يخطبونك.. لا تطلبين المستحيل.. مع اني طلباتي مو مستحيله..بس يمكن في هذا الزمن مستحيله.. 1- دين (( يصلي ويصوم)) 2- اخلاق.. 3 - من اصل معروف... صحيح كلمة جارحه جدا... بس مالنا غير الله.. وصدقيني فكري في مصيبة غيرك تهون عليك مصيبتك.. اقولها لاني عايشتها مصيبة لوحده من اخواتي.. وابتلاء من الرحمن.. اسأل الله يعجل فرجها ويأذن بشفاءها.. شوفي المعاقات.. والمعاقين..كيف المجتمع يرفضهم.. ويطالع لهم بدونية.. امس منزل موضوع يتكلم على انه الزواج منهم شفقه..وفاشل.. تخيلي وقعها عليك لو انتي معاقه.. وانتي عارفه صعب من يتزوجك.. واهلك يبعدونك عنهم.. ولا يخلونك تشاركينهم فرحهم.. بالنسبة لسؤال كيف تتعاملين .. امك وابوك.. توددي لهم وبعدين اطلبي من امك الدعاء.. ادعي الله يسخر قلوبهم لك.. ويحننها.. الناس اللي برى.. لاتسكتين لهم.. قولي لهم هذا من الله..وهذي ارادته.. |
اختي الحبيبه غموض السنين ، الله يشفي والدك ويفرج همك ويرزقك إنتي وخواتك الرجال الصالحين الطيبين
الف شكر لكي غاليتي أختي الحبيبه دلوعه ، الله يشفي أختك ويفرج همها ويصبرها ويعوضها كل خير ويرزقها الزوج الصالح ويرزقك الرجل المناسب بخصوص المرض وغيره ، لا اود ان أتكلم عن معاناتي وان طرحتها مسبقا ، لكن المجتمع اصبح لا يرحم يا أختي حتى بالمرض او العمليات وسبق اني عانيت من هذا الأمر والى الآن اتجرع وحسبي الله والنعم الوكيل في كل من استغلت هذا بالتخريب علي لكن الله سبحانه اذا اراد للشيء أن يكون فيكون ادعي لها وتصدقي وان شاء الله يفرج همها ويشفين اويشفي مرضانا ومرضاكم برحمته أرحم الراحمين |
والله يا اختي هذا نصيب ومكتوب لكن راح اتكلم عن مجتمعي اختي
نحن ولله الحمد مجتمع محافض على المرأه ومؤمنين بقسمت الله ولكن لا نحسس البنت بل نقويها ونقول انتي في عيوناا وانشاء الله راح يجيك نصيبك ونتي جالسه عندنا فوق روسناااا هذي مهما كان لحمك ودمك .. وجزاك الله خيرررر وانشاء الله يكثر التعدد عشان تقل العنوسه .. |
اذا اتتك مذمتي من ناقص فهي شهاده لي باني كامل
اكيد هذول يعانون من مشاكل ويترحمون على هذيك الايام اللي كانو فيها في بيوت اهلهم ومقهورين ليه انت ماتعانين زيهم وخايفين تتفرحين عليهم فيبغون يتغدون فيك قبل تتعشين فيهم اقهريهم وكل مره يقولون لك شيء قولي الحمدلله مني زيكم من شافكم مابغى العرس واضحكي واتركيهم عشان ماتعطينهم فرصه يردون ولا تنسين الحمد لله الذي عافانا مما ابلاهم وفظلنا على كثيرا من خلقه |
ياقلبي يانايت
في ناس نفوسهم مريضه والله وقصدهم فقط يقهروكِ مليوووووووووووووووون مره قلتلك لاتبيني ضعفك لأحد ولاتتحسسي من هذا الموضوع قدامهم شوفيني انا والله محد يجروؤ يعايرني او حتى يسألني لانهم يعرفو ردي ويعرفو ان هذا الموضوع مقويني مو مضعفني عيشي وانبسطي وخلي ضحكتك دايما مرافقتك ولم تروحي فرح ولاخطوبه البسي واتكشخي وارقصي وكأن الكل مو هامك كذا محد حيقولك انتِ متأخره أبدا وبيني لهم حتى لو كنتِ في داخلك تتألمي بأن حياتك كذا حلوه ومتى ماجا الزواج اهلا وسهلا ماجا عادي جدا يانايت والله العظيم احسك مثل أختي وزعلانه عليكِ بس كمان أنتِ لازم تساعدي نفسك وتنبسطي بحياتك لاتخلي تفكيرك كلو في الزواج ولا مين اتكلم عليكِ طنشيهم كلهم حبي نفسك واتقوي فيها علشان يخافو من قوتك (القافله تسير والكلاب تنبح) يارب ارزقها الرجل الصالح النقي التقي الذي يصون قلبها الطيب يارب |
| الساعة الآن 02:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©