|
صديقتي تطلبكم المساعده
بسم الله الرحمن الرحيم
يمكن أول مره اكتب في هذا القسم بس المشكله ماتخصني تخص وحده من صديقاتي وقلتلها حعرض مشكلتك في المنتدى لان اكيد الاعضاء ماحيقصرو معاكِ ومشكلتها بإختصار أنها مملكه على انسان من سنه تقريبا وكانت قبل تعرفه لمدة سنه المهم هو ابوه وامه متوفيين الله يرحمهم وعنده أخوان تقريبا 10 ماشاءالله مشكلته انه مو محسسها بوجودها في حياته دايما مشغول مع أخوانه ولها تقريبا ساعه في اليوم بس يكلمها وبعدها ممكن يغيب يومين او ثلاثه ولايسأل فيها وكمان جواله مقفل ولم يرجع يعتذر ويقولها معليش كنت تعبان لم تسأله ليش ماتقولي انك تعبان يقولها مااحب اقلقك وأخواتي دايما معايا مااقدر اكلمك وهذا العذر يمكن 10 مرات يعتذر لها به ودايما يطلعها هي الغلطانه وهي مسكينه ولاعمرها غلطت معاه لانها تحبه ودايما لم يحس ان هو اللي غلط يقلب الموضوع عليها ومره قلها انا مره مشغول مع أخواني فهي دخلت النت ومن ايميل مو ايميلها لان ايميلها عاملها بلوك فيه فجأة لقيته اون لاين يعني كان يكذب ماكان مشغول ولم واجهته قلها كنت على النت مع أخواني حست انو العذر مره غبي وبرضو مشتها له يعني انسان متناقض ويحب ان يكون هو الأول في اي شيء وهو اللي يفهم هي حاسته ان انسان غامض بالنسبه لها وكمان هي تركته تقريبا اكثر من 3مرات ويرجعو ثاني لبعض وأخر مره كانت قبل 3أيام كلمها اول يوم العيد وبعدها قفل جواله 3ايام ورا بعض ولا حتى أرسلها رساله هي قالت لغاية هنا وكفايه ارسلتله مسج بكل اللي في قلبها وبعدها ماردت عليه وقررت تتركه فسألتني اللي هي عملته صح ولالأ ؟؟ ماحبيت انصحها من عندي حبيت أخذ رأيكم ونصايحكم كمان علشان هي حتقرأ الردود كلها بليز ساعدوها ووجهوها لانها مرررررره تعبانه ومتضايقه واي كلمه او دعوه ممكن تساعدها |
يقولو الحب تضحيه
وهي عارفه انوه عنده اخوان من قبل وهو مسؤول امام الله على رعايتهم هي لازم تقف بجنبه وتصبر وتحتسب الأجر من الله |
اختي اساس علاقتهم غير متين من قبل الزواج بسنه تعرفه !
مابني على باطل فهو باطل يمكن كلامي هذا قاسي شوي عليها بس هذي الحقيقه وبما ان علاقتها وياه الحين شرعيه انتفى البطلان ولكن هل نسي زوجها انها قبلت ان تتعرف عليه قبل الزواج هل سألت نفسها لماذا هو غير مهتم فيها ؟؟ أرى ان علاقتهم على حافة الهاويه فانتي تقولين انهما يتركان بعض ويرجعان لا بد من جلسة مصارحه قبل الزواج هل يرغب فيها ام لا ربما له اسبابه قد يكون لايرد الا يكثر من مكالماتها قبل الزواج ولكن استغرابي كيف وهو يعرفها قبل سنة من الزواج ! اذن تصارحه هل لايزال يرغب فيها ام لا |
اقتباس:
لانه اصغر واحد فيهم وكلهم متزوجين |
اقتباس:
نفس وضعه واستمر عليه مشكلته يحب يقول انه مريض دايما وهي تعرف انه يكذب هي الان وقفت مع نفسها وفكرت كويس وقررت انها تتركه بس خايفه تندم |
يجب ان تصارحهه بما يضايقها ويعطيها سبب
يجب ان يتم النقاش قبل اي قرار لعله عنده سبب قوي فانتي اختي الغاليه لاتعلمين بما يجري بينهما من امور قد تجعله يغضب او لا يرضى عمها يعمل نفسه مريض حتى يحظى باهتمام منها |
قلبي قولي لها من اول الدرجة ولا من اخرها تفك ارتباطها معها لانة واضح انه مايبيها بيصرفها والمشكلة اخاف يتزوجها وتبلش منة بعيال وتروح فيها والله يرزقها باحسن منة
|
اقتباس:
والله حكاية المرض مخترعها مو علشان الاهتمام علشان يهرب من سؤالها لم تقوله فينك |
اقتباس:
بس المشكله لم تجي تتركه يسوي فلم علشان لا تتركه وهذا يحيرها اكثر |
انا اشوف ان تصرفاته غير طبيعيه وما تشجع على الارتباط فيه
لو انا مكانها راح امسك ورقه وقلم واكتب كل مميزاته وعيوبه واشوف مين يرجح وعلى هذا الاساس اختار وطبعا قبل ما تسوى هالحركه تصلى الاستخاره الله يوفقها يارب دمتى بود |
| الساعة الآن 04:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©