|
هل سأجد شهادتي الثانويه ؟
السلام عليكم ورحمة الله وبركاته
والله ياناس مرة قلقانة .. أنا كنت أدرس في الكلية (كلية الاداب في الرياض ) وحملت وانقطعت عن الدراسة وطلعت وتركت عندهم شهادتي الثانوية الأصل وعندي الصورة بس ومعايا بطاقتي الجامعية صار على هذا الكلام ثلاث سنوات أو أكثر الحين أفكر أرجع للكلية أسحب شهادتي الثانوية الأصل عشان أسجل في جامعة الإمام ولكن بعض الناس قالولي أكيد مابتلقيها لأنو صار لي فترة منقطعة وأكيد يا أتلفوها أو ضاعت ياربيييييييييي إيش بسوي معقول ... أنا أتوقعت والله تكون محفوظة وقت ما أسحبها ألقاها مدري ولو لاسمح الله ضاعت إيش أسوي من فين أجيب شهادة بدالها وأسجل ؟؟؟؟ المعذره تم تعديل العنوان لتوضيح المضمون الاشراف |
و عليكم السلام و رحمة الله و بركاته ..
أعتقد أن الدراسة لم تبدأ بعد ( ستبدأ السبت القادم ) .. لذا لا تستبقي الأحداث .. و لا تجعلي التوتر و الهم يأخذان منك كل مأخذ .. عندما تبدأ الدراسة .. اذهبي إلى الكلية و تحصلي على معلومات أكيدة لا شك فيها .. و بناء عليها سيكون لكل حادث حديث .. أتمنى لك التوفيق و السعادة .. سلام |
ان شاء الله تكون محفوظه يا اختي انا تركت الكليه لاربع سنوات وعدت وسحبت شهادتي ما اعتقد انهم بيضعون اوراق رسميه كهذه وان حصل تقدرين تطلعين بدل فاقد من الرئاسه بس تطمني بحول الله وقوته انه محفوظه لديهم ربي يطمنك ويريح بالك |
يارب .. أشكرك ياذو الفقار ..
صراحة أنا أستبقت الأحداث فعلا وفرضت إنها ضاعت وسألت كيف ممكن أطلع بدالها وقالولي الشغلة مو سهلة ... يوووووووووه ادعولي الله يسهلها |
اقتباس:
شكرا ليتني أسلي أنا كنت منتظرة وحدة تكون مثلي حتى أتطمن أشكرك جزيل الشكر وأدعيلي |
الحمد لله .. و لا شكر على واجب ..
سلام |
اقولج المعمول عندنا في البحرين
وصارت لبنت عمي هذي السالفة يوم كانت تبي تسجل للجامعة وحيت انها ضيعت الشهادة في خلال سنة من خلصنا المدرسة رحنا وزارة التربية والتعليم مكان يطلق عليه جهاز الامتحانات للشهادة الاعدادية والثانوية واعطيناهم الرقم الشخصي ورقم التسلسلي لبنت عمي في المدرسة واستخرجوا لنا شهادات جميع الكورسات وشهادة الثانوية وبختم اصلي بمبلغ معين اعتقد كان دينارين ونصف او اكثر مادري نسيت وقبل تقريبا 6 شهور كان عمتي تبحث عن شهادتها الثانوية ومالقتهاتبيها في شغل وهي متخرجة من زمااااااااان قبل 15 سنة يمكن وزود ورحت وزارة التربية والتعليم وعبيت نموذج استخراج شهادة وعطيتهم دينارين اعتقد وقالوا لي بعد يومين تعالي استلميها ورحت واسلتمتها ومحتومة بختم اصلي وان شاء الله تلاقين شهاداتج ومايضيعون واما مالقيتها استخرجي شهادة من وزارة التربية والتعليم وان شاء الله النظام عندكم مثلنا علشان لا يتوهونج والله معاج |
اختي تطمني
بالاول صعب جدا جدا ويمكن يكون مستحيل انهم ضيعوا شهادتك اذا ما وقعتي على ورقة نسيت اسمها بس مثل اخلاء الطرف ثاني شي انا طلعت شهادة بدل فاقد وكانت الاجراءات كالتالي اول شي تروحين لوزارة التربية قسم الشهادات ويعطونك استمارة تعبيها ثانيا تروحين لاي جريدة وتحطين اعلان عن فقدان الشهادة ثالثا تاخذين ايصال الجريدة ويشوفها موظف الوزارة وعلى طول يطبع لك شهادة جديدة ويختمها حسب مزاج المدير او المديرة هالاجراءت سويتها كلها بيوم واحد حتى لو ماطلت الجامعة باستخراج شهادتك طلعي بدل فاقد وماعليييييك :30: |
أشكر كل من مر على موضوعي وطمني الله يوفقكم يارب
الحمد لله اليوم رحت للكلية وأنا خااااايفة .. أخذت معايا كل الأوراق الرسمية وبطاقة العائلة وبطاقتي الجامعية وقالولي ربع ساعة ونطلع لك شهادتك وبالفعل أقل من ربع ساعة وسلموني اياها ووقعت على التسليم والحمد لله مرت الأمور بسلااااااام والله كنت شايلبه هم .... لكن ربي كريم أشكركم مرة أخرى |
الله يبشرك بالخير اختي والله تستاهلين حفله على هالفرحه وكنت والله شايل همك وافكر فيك اقول يارب تطمنا على شهادتها والحمدلله اختي اميره ان الله وفقك ويسر لك امرك بحفظ الله تعالى |
| الساعة الآن 03:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©