|
خطيبتي مصرة إنها ماشافتني !!
السلام عليكم وكل عام وانتم بخير خطيبتي مصرة إنها ماشافتني الموضوع انا الان في فترة الخطوبة وبينا انا وخطيبتي رسائل على خفيف وسئلتها ما شفتيني ؟ ومصرة على إنها ماشافتني مع اني شبة متأكد انها شافتني و جاتها اكثر من ثلاث فرص وتقدر تشوفني فيها 100% ومتأكد انها ماضيعتهم وفي مرة ارسلت مع رحيمهم صورة لي وردو الصورة وقالو نأخذها قبل الزواج وبعدين رحيمهم رد لي الصورة وقال ماحد شاف الصورة شي غريب والله . مع العلم اني ماعمري شفتها واتوقع ممكن هم خايفين اني اقول ابشوف البنت !!!!!!!!!!!!!!! تصدقو ابوها رافض شي اسمة نظرة شرعية واكتفينا بس ان اهلي شافوها . . |
؟؟؟
أنا من ناحيتي مستحيل أقبل بوحدة بدون نظرة شرعية .. ولن أثق في أي كلام عن البنت حتى لو مدحوا جمالها .. لأن الأذواق تختلف ... وربما هم مايرونه جميلا, ينغصه عندي شيء ما لاأحبه .. وقد جربت هذا في أهلي وفعلا أذواقهم ليست مثل ماأريده أنا أو أحبه .. في مختلف أمور الحياة .. ـــــــــــــــــــــ وقبل هذا كله النبي عليه صلوات الله وسلامه حث على النظرة .. ولابد ياأخي تطلب ذلك فهو من حقك .. ليس من الجيد أن تتفاجأ بها .. خصوصا أنه لو مدح لك أحدهم شيئا فإنه يرتسم في خيالك صورة لأفضل شكل ممكن .. ولو مدحوا لك جمالها فإنك طبيعة ستتخيل صورة في خيالك أخشى أن تصدم بغير ماتخيلته عندما تراها .. أنا أنصحك وبشدة أن تطالب بحقك وإلا فغيرها الكثير .. ؟؟؟ تحياتي . |
اشلون ماتشوفها ذوقك يختلف عن اهلكـ والاهل بختارو البيت الطيب والسمعه الزينه وانت عليك تشوف ارتحت لها اعجبتك فيها موصفات والالا << من خلال النظره الشرعيه وهذا حقكـ
الحين وش تسوي ان ماعجبتكـ وانصدمت فيها والبنت نفس الشي وش ابوها مافي نظره مدري رافض في اي عصر الاخ ,,,, في دين حلال 100% وراهم يرفضون هالشي ماله حق نصحيه من اخت شووفها عشان ماتورط بعدين وهي تشوفك بعد وبعدين ان صار نصيب الحمد الله اتمني تقبل وجهت نظري |
ايش التخلف هذا رافض النظره الشرعيه
بجد فيه ناس عقولها متحجزه |
الأهل رافضين النظرة الشرعية؟؟؟
ومسموح لها الرسايل مع رجل أجنبي؟؟ عجبــــــــــــــــــــــــــــــــــي!!! |
اخى الكريم هذا شرع الله وسنة رسوله صلى الله علييه وسلم كن حازما اما النظرة الشرعية واما ان الله يوفقها بغيرك هذا افضل وكثير ما نسمع عن زيجات تعيسة بسبب عدم روئة العروس النظرة الشرعيه حتى الصورة أخى لا تنفع لا لانه يمكن يحدث لها بعض التحسبن وانت تعلم دخول الكمبيوتر فى هذه الاشياء ولكن الطبيعه غير الصورة الروح غير الخيال استخير وصدر أهلك وكن انت بعيد ولا تكثر من الرسائل لانها لا تجوز الان وحتى لا تتعلق بالبنت وترضخ لما يطلبوا يعنى شرع الله كله خير لك قبل اى احد آخر |
الف شكر لكم اخواني وجزاكم الله الف خير وجعلة في موازين حسناتكم . بصراحة انا مستحي اكلمهم واذا كلمت الوالدة تقول لي البنت مافيها شي والخطبة لها سنة وموعد الزواج ماتحدد لكن تقريباً إن شاء الله قبل عيد الحج ولما رحيمهم رجع لي صورتي قال لي إني ماشفت حرمتي ولا شافتني الا وقت الزواج زي اللي يقول ماراح تشوفها الا وقت الزواج وحتى ملكة مايبغون يسوو على طول يبغون الزواج . وخايف لو اوصل لهم هذا الكلام يقولون هذا يبغى يسوي مشاكل وبعدين ممكن يقولون الحين جاي بعد سنة تقول تبغى تشوفها والله مشكلة واعتقد انهم خايفين اشوف البنت وابطل لان عمرها 26 وانا 26 ودائماً رحيمهم لما اقابلة يقلي البنت صغيرة وتربيها على يدك وعمرها 23 او 22 يكذب علي ونا عارف إن عمرها 26. |
انصحك بشوفه الشرعيه الاهل يعجبهم شي يمكن ما يعجبك شوفها شوفه شرعيه احسن من انك تنصدم بعدين
|
وبصراحة انا ماني مقتنع بالرسائل هذي وخايف اقولها وتنجرح وتزعل كيف بالله عليكم مافي طريقة معينة اوقف فيها هذي الرسائل مع اني كلمت رحيمهم ومافي فايدة . |
اخي بارك الله فيك بعض العوائل عندهم هذا المبدا في رائي لاتراسلها ابد الين تتملكون
|
| الساعة الآن 12:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©