|
محتاره مع زوجي (بخيل)
بسم الله الرحمن الرحيم
مشغول بالي ونفسيتي تعبانه صار لي من ملكت 3 شهور زواجنا بيكون بعد سنتين بين ما اخلص دراستي وزوجي يخلص دراسته ويتوظف زوجي ماعنده احساس مايوديني مطاعم او يشتري لي شي اروح معاه مجمعات مايقولي خاطرك في شي او تبين شي طلبت منه اشياء بصيطه عطر مكياج قالي (انا طالب ماعندي وظيفه واخذ مصرف من ابوي يدوب يكفيني ما اقدر اشتري لك وقالي اذا تبيني اجي واجيب معاي واشتريلك ماراح اجي الا بعد سنه بس اتوظف او كان قلتي ما ابي املك الا بعد ما يتوظف ) قهرني طلعت اقي للعيد معاه لان امي مسافره وكل يوم اول ماركب السياره يقولي جبتي فلوس اقوله اي جبت يقولي طيب عطيني اياهم وفي العيد جاب لي مكياج وعطر بعدها صارت مناسبه وامي مسافره قلت له وديني محل بشتري لي شي قالي ما اقدر قلت له بليز ابي اروح قالي نشوف وراح جمب الصراف طلب كشف احساب وعطاني اياه قالي شفتي ماعدني بس كان عنده الفين في المحفظه ودايم يقولي لا تاكلين حلاويات خففي مع اني نحيفه مو متينه بالمرره بس طبيعت اكلي بطاطس وحلويات متعوده على كذا بس غيرت طريقه اكلي زوجت اخوه تقولي طلبي منه تراه عنده اخوانه كلهم كذا وابوهم يعطيهم طلبي منه ماني عارفه شسوي ساعدوني |
شوفي اختي انة ما عنده فلوس وظروفه على قده
هذا شيء عادي وما ينعاب منه ولازم بهذة الحالة تقدريه لين يكمل دراسته ويتوظف بس أنة اول ما تطلعي معه السيارة يسألك معاك فلوس هاتيها هذة مو حلوة تجي من راجل بشنبه وفي فترة ملكة بسألك أختي كيف دينه والتزامه يعني لو فرضنا انة هذا صفه مو حلوة فيه شو الصفات الإجابية فيه ؟؟ |
بصراحة اسمحيلي واضح انه بخيل والبخل عمرهمايتغير ياليت تراجعي نفسك لان البخل خصلة ذميمة وصعب التعايش معاها خصوصا لو انك من بيت عز
|
يمكن هو من النوع الى يصرف الريال في محلة يعنى لابخيل ولامبذر عقلانى
بس حكاية جيبى فلوس موبحلوة فى حقة والخوف انة يتعود على كذا بعد الزواج قللى خرجاتك معاة وادرسي شخصيتة وشوفي اذا كان هذا طبعة اوفى شئ يدفعة لذلك نفس ماقالت مشرفتنا الحنين كيف دينة والتزامة لان جوابك راح يوضح اشياء كثيرة نستشف منها شخصية زوجك بالتوفيق |
احنا الثنينا اعيال عز وحالتهم وحالتنا الماديه كثييييييييييييييير زينه
كيف التصرف معاه اقوله جيب لي عطني ولا ما اقول ساعدوني وادعو لي مشكورين على ردودكم |
حتى لو كان ماعنده عيب يرد عليك بهالطريقة ؟
انتي مو من حقك تطلبي لان لسا ما دخل عليك ولا رحتي بيته .. هذا من ناحية الشرع .. كان ممكن تكتفي بالتلميح عالهدايا ولو اني مااحبه .... بس نعطي بعض الرجال عذر ونقول يمكن مايعرفون ولا عنده خوات يعلمونه ... بس دامك لمحتي وتكلمتي بصراحه ورد عليك بطباعة كشف حسابه بصراحة مررة عيب هالحركة ولازم تنتبهي اما يسئلك جبتي فلوس واعطيني اياهم ؟؟؟؟؟؟؟؟؟؟ لا تعليــــــــــــق بصراحة هذا مو بخيل وبس الا استغلالي وبيطلع عينك بعد الزواج استخيري واسئلوا اكثر عن هالنقاط ولا تتسرعي بالزواج منه اذا تأكدتي من بخله واستغلالة لك الله يعينك |
بصراحه انا جربت هذي الطريقه مع زوجتي
كانت كثير تطلبني وانا صدق ماعندي فلوس في جيبي وكنت ادرس في مكان غربه واشوفها في الاسبوع يوم واحد بس ادا طلبت من عندي اي شي واقدر عليه اجيبه لها على طول والا في جيبي حتى لو كان ريال واحد اعطيها اياه واوقات كثيره كنت اتسلف علشان ارضيها >>>>>>>> زواجنا الحين مر عليه 10 شهور ومازلة اسدد في الديون :d و اول ما استلم المكافئه من المعهده اعطيها فلوس لها (خرجيه 300ريال) الا اقدر عليه وادا قالت لي خذ فلوس من عندي او تبي تعزمني في مطعم على حسابها انا نفسيتي تتعب وما ارضى بس انا عندي ملاحضة لك اختي زوجك يمكن كلامه صحيح ان ماعنده فلوس و حتى لو اهو ولد عزززززززززززززز يمكن ما يبي يطلب من ابوه شي يبي يعتمد على نفسه بس كلامه يقول لك جبتي معاك فلوس هذي مو من حقه انا انصحك تقللي طلاعتك معاه او ادا طلعتي معاه وطلب فلوس قولي له ماعندي شوفي ردة فعله ادا عصب وترفز وقال لك ما باجي يعني الرجال بخيل 100% ويحب نفسه وبيتعود على الاطراره منك اول شي شوفي ردة فعله كل مره قولي ماعندك عامل كما تعامل والله يكون في عونك |
أنصحك أن تعيدي التفكير في قرار الارتباط به ..
سلام |
اقتباس:
|
اذا تاكدي انوا بخيل
وماعنده احساس لطلب الفلوس وفعلا عيب في حقه لاتتسرعين بالزواج استخيري ووفقك الله لكل خير اللهم آميين |
| الساعة الآن 07:29 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©