|
أول سنة دراسية لولدك.......كيف مرت عليك
السلام عليكم ورحمة الله ياليت اي أم جربت لما ولدها يدخل المدرسة لأول مرة ترد علي والله مانمت من القلق خايفة على ولدي كثير خايفة يطيح او احد يضربه او يخرج من المدرسة في وقت الإنصراف لوحده والله وساوس كثيرة تعبتني هل حصلكم مثلي؟؟؟؟؟؟؟؟؟؟؟؟؟؟؟ وفي استفسار بسيط عندي ولدي الصغير عمره شهرين من وقت ابغى انام يصحى وياليت يسكت يبكي ويصرخ بأعلى صوته رضعته وغيرت له وحتى موية الغريب اعطيه ودوا للمغص بس مافي فايدة يبغاني اشيله واخوه عمره سنتين كمل الناقص يسوي زيه يبغى رضاعة ويجي ينام عندي ويبكي زي اخوه والله ماانام الا 6 صباحا يكونو هم كمان تعبوا ويبغوا يناموا ومتى اصحى واسوي الغدا ............ اعطوني حل الله يرضى عليكم انا ماتعبت لا في الولد الأول ولا الثاني ماشاء الله عليهم لكن الثالث هلكني الله يحفظه ياليت تساعدوني تحيــــــــــــــــــــــــــاتي |
الله يبارك لك فيهم الثلاثه
اختي الطفل الاول غييييييييييييييييييير كل اول يوم باي مرحله لها طعم اما الي بعده خلاص بتتعودي و تشوفيه دايما هو الكبير الله يقر عينك بصلاحهم انصحك بشي ماي غريب كان يعمل لاولادي مغص غير طبيعي غيريه بنوع اخف اما الطفل الثاني بعده صغير سنتين خليه بحضنك دائما و لعبيه خلال النهار و ما تخليه ينام الا وهو تعبان من اللعب و الجري و ما ينام الظهر كثير و اكليه وشربيه و بعدين تنيميه و الصغير مثل ما قلتلك لا تعطيه ماء غريب و اسالي الصيدلي على البديل |
حبيبتي الغربة مرة
الله يسعدك ويجزاكِ كل خير خوفتيني من موية الغريب لأني باستخدمها مع كل أولادي وماضرتهم الحمد لله انا بشتريها من مصر واحسها تهدي الطفل كثير لكن ولدي الصغير مانفعت معاه أما بالنسبة للحلو ابو سنتين فهو من بعد الولادة اتغير وصار عدواني ويضرب ومايخلي احد بحاله وانا مااخليه ينام الظهر كثير بس هو هالك نفسه ماادري اش فيه الله يكون في العون شكرا على نصايحك اللي افدتني بيها وبارك الله فيكِ تحيــــــــــــــــــــاتي |
موضوعك شيق وبستفاد منه من خلال تجارب الاخوات لاكن الغريب انكم تتناقشوون في امور غير الموضووع او انا فاهمه غلط !!!!
|
وعليكم السلام ورحمة الله وبركاته
هلا والله بأم غانم ربي يحفظهم لك ويقر عينك بصلاحهم بالنسبة لغانم أعتقد هو سنة اولى ابتدائي صح؟؟ إذا كان صح فمعناه بيروح بدونك علشان كذا أنتِ خايفة بس لاتخافين قولي كل يوم وهو خارج (اللهم أني أستودعك ابني فاحفظه من كل شر) ولازم تنبهي عليه مايخرج بره المدرسة وينتظر إلى أن توصل السيارة ولازم اللي بيأخذه من المدرسة يكون منتظر امام البوابة من قبل الصرفة بدقائق علشان ينصرف ويخرج على السيارة بسرعة ومايتعرض للأولاد ومضايقاتهم وبصراحة زوجي يعلم أولادي من يوم يدخلوا المدرسة إذا أحد ضربك اضربه ولاتخاف ويقويهم ويشجعهم وانا ماأحب هذا الأسلوب وأقله لاتعلم الأولاد المضاربة يقول لي : أنتِ ماتعرفي عالم الأولاد وماتعرفي أساليبهم لازم يتعلم يرد ويأخذ حقه وإلا بيضربوه الأولاد ويستهينوا به وفعلاً طلع كلامه صح وقلت له أنت أعرف بعالمكم واتصرف معاهم على كيفك **** نجي الحين لجاسر الله يهديه والله ياأختي العزيزة كله منكم لكل شخص نصيب من اسمه وهذا ماشاء الله عليه جااااااااااسر فتحملوا عاد جسارته اقول اشرايكم تسموه عبدالهادي ترى بيصير هاااااااااااااادي وماله صوت......:15: المهم بقلك طريقة من تطبيقات الوالدة ربي يشفيها ويعافيها وتؤتي ثمارها الرااااائعةبإذن الله اولاً : من صلاة العشاء صحي جاسر وطريقة صحيان الطفل بسيطة فككي ملابسه الداخلية وفكي البامبرز وبتلاقيه صحي وهو مبسوط وحطي تحته شيء نايلون او حطي بامبرز مفتوحة وغطيه بشرشف وخليه مهوي وبيلعب وهو مبسوط وخليه صاحي لاقصى درجة ممكنة وبعدين إذا جاء وقت نومكم حمميه بماء دافيء وجففيه ولبسيه وشربيه رضعة كاملة بالرضاعة مو طبيعي علشان يشبع وبعدها بإذن الله بينام للفجر جربي الطريقة وإذا نفعت بشريني وفيه في محلات البقالة الإندونوسية دهان للبطن للأطفال مريح جداااااا وعائلة زوجي كلهم يستعملونه وفيه نوع للكبار لنا ونوع للأطفال ومانستغنى عنه في كل بيت قولي للبائع اعطيني (كراباش للأطفال) وهو بيعطيك وشربيه النعناع والشمر أفضل من ماء غريب **** أما ولدك الوسط فلا تلومينه استحمليه وخذي بخاطره مسكين الله يعينه على الطبينة اللي جات فوق رأسه:29: ربي يبارك لك في أولادك ويقر عينكم بصلاحهم |
اقتباس:
هو طبينة من جد طبينة تعبنا الله يحميه وصار غريب الأطوار حتى لما أضربه يضحك :23: الله يعينا على تربيتهم ويبارك لك ربي بأولادك ويصلحهم لك ويجعلهم حفظة كتابه الكريم تحيــــــــــــــــــــــاتي |
| الساعة الآن 12:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©