|
زميل لي في ورطه وناوي يطلق زوجته مساعدتكم
السلام عليكم ورحمة الله وبركاته
كل عام وانتم بخير عندي سؤال واتمنى من الرجال المتزوجين يجاوبون عليه بكل صراحه ونشوف ردة الفعل لا ن صار هذا مع احد زملائي وهو في حاله نفسيه متعبه ولا يدري وش يسوي وزي اخوي ومتزوج له سنتين وشاورني فقلت اسالكم الموضوع هو انه يقول فتش في اغراض زوجته بدون ما تدري ووجد ذاكره لجوال ركبها ووجد انها كانت ترسل رسايل لشخص ومن ظمنها انها ارسلت صورتها له وكم رساله كلام وما يدري هل هذا قبل الزواج او بعد لان تاريخها قديم مررره قبل زواجه لكن مومتاكد مره وهو كاتم وساكت وماني عارف كيف انصحه كل اللي قلتله له انا من قالك تفتش خربت على نفسك وجبته لنفسك قالي عاد صار اللي صار حتى يقول ما صار لي نفس اجلس بالبيت كيف يتصرف معاها وهو باقي ما عند اطفال يقول ودي اوديها بيت اهلها بدون ما اتكلم ولا كلمه وياليت من الرجال او النساء اللي يقرى موضوعي يرد علي |
طيب يمكن تكون وحدة من صحباتها!!!!
ليش هو وش دراه أنه الرسايل لواحد مو وحدة!!!؟؟؟ |
و عليكم السلام و رحمة الله و بركاته .. و أنت بألف صحة و عافية ..
على صديقك أن يواجهها بما اطلع عليه .. و لتكن بينهما جلسة مصارحة .. لأن كل ما صدر منه بعد أن اطلع على ما اطلع عليه ما هو إلا ظنون .. يجب أن يتبين من الأمر .. و يتأكد منه .. و ذلك بأن يسألها هي شخصيا .. وجها لوجه .. و بعدها سيكون لكل حادث حديث .. أتمنى لك و له التوفيق و السعادة .. سلام |
لاحول ولاقوة الا بالله
باختصار تعالي يافلانه ابيك وجلسه تفاهم ومصارحه يعرف وش الموضوع اصلا وقبل هذا يتاكد اذا الشريحه لها او لا ويمكن الي ترسل له بنت مو ولد وشدراه هو انه المرسل له رجل ؟؟؟ |
الله يكون بعونك اصعب حياة هي حياة الشك وعدم الثقة بين الزوجين
أخي لأبد من جلسة المصارحة والمواجهة حتى يرتاح صاحبك ويكون على بينة والله يسر أمورهم وأبعد الشيطان عنهم |
اقتباس:
اخي الكريم هذا الزمن يخوف بالمرة وانا هنا لا اريد ان اوقد نار الفتنة اخي الكريم من الواضح جداً ان هذه الشريحة جديدة ومازالت تستعمل لانها وجدت بين اغراض زوجتة وهذه الاغراض جاءت بعد الزواج اذا كانت هذه الصورة مرسلة لأمرأة مثلها فليس هناك داعي ان ترسل الصورة لأنها اما انها قد رأتها او تعرفت عليها بزواج او مناسبة وقد شاهدا بعضهما البعض وبكلا الحالتين سواء كانت الصورة مرسلة لرجل او امرأة فأنها مخطئة فلا احد يجرؤ على ارسال صورتة عبر رسالة وسائط وبما انه لايوجد من بينهم اولاد فلينظر للموضوع بكامل الجدية وعدم التهاون فيه او التساهل حتى وأن وصل الامر الى الطلاق لاحول ولا قوة الا بالله العظيم |
اهو مو شريحه ذاكره لجوال تخص زوجته لان فيها رسايل وصور لها
ومتاكد مليون بالميه انه رجل لان فيه اسمه ورقمه واستفسر عن الرقم وطلع باسمه ويقول انه مو مرتاح نفسيا حتى لو سكت ومشاها واهو يحبها ولا وده يخرب بيته واهو مو ملاحظ اي شي عليها يقولي واهو موجود معي الان انه بيتعب حتى لو اهو يحبها يقول الحين ساكت ولا مبين لها شي بس اجاملها |
اخى لا تستعجل راقب جوالها يا اخى ليس من المكالمات الصادرة او الواردة لانها ممكن تمسحها ولكن الجوالات الحديثة بها سجل للمحادثات بها كل المكالمات الصادرة والواردة والرسائل وكل بيانات المكالمة او الرسالة واحسن الظن أخى ان بعض الظن آثم واذا كان شىء قديم فلا تفاتحها لان كلنا نخطىء ولكن المهم من يتوب الى الله ولا يرجع الى الخطا مرة أخرى استعذ بالله من الشيطان ولا تتعجل الآمر فتخسر زوجتك بدون سبب ولكن ما داعك أخى لكى تفتش فى اشياءها هل لديك شك ما هو ما دفعك لهذا وما هو سبب هذا الشك |
يقول نفسي اوديها بيت اهلها يخليها فتره
وبيقولها واهي هناك ونها ماترجع للبيت حتى تعلمه بالحقيقه بينهم ووده يستر عليها ولا يقول لاهلها شي بشان ذلك الموضوع حتى ان وصل للطلاق محتار مره |
لو اتضح ان هالصور كانت قبل الزواج .. بصراحة مايحق له يعاتب عليها .. لان قبل الزواج كل واحد فيهم كان ساكن في بيت بروحه وله خصوصيااته ولا يدري عن الطرف الاخر
اما لو كانت هالصورة حديثة وبعد الزواج .. لازم يكون فيها سين وجيم .. للاستفسار .. وبعد ماتظهر النتيجة .. يقرر خيرا كان ام شر تحياتي |
| الساعة الآن 01:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©