ولدت حديثاً و زوجي يهملني
 

السلام عليكم
انا عندي مشكله وابغى اعرف الي مكاني وش بيسوي من النساء
ومن الرجال ابغى رايكم
لي سنتين ونص متزوجه والحين انا في النفاس(والده) وباقي لي 5 ايام واخلص
زوجي من ولدت2 يوم انقلب علي صار ما يجيني ولا يكلمني واذا دقيت عليه يسفهني ويالله يرد علي
مره دقيت عليه وقلت له ابغى مصرووف لي ولولدي
قالي انا ماني ملزوم فيك والاشياء الي يبغاها ولدي ارسليها برساله لي وانا اجيبها
انا سكت وجا من بكره وارسلت له الاغراض الي يبغاها ولده ماجاب لي شي يوم دقيت عليه قلت له ليه ما جب الاغراض الي ارسلت لك قال ما نيب جايب شي وسكر في وجهي وقعدت ادق عليه يمكن 20 مره ولا يرد وارسلي ابجيب الي تبينه بس فكيني شرك
انا بعد الرساله طق الضغط وادق وقلت له وش قصتك امس تقول انا ماني ملزوم فيك واليوم فكيني من شرك وش عندك اذا ما عاد تبغاني قلي قال مدري قلت له انا ماني لعبه بيدك قال الا لعبه ونص قال اذا طلعتي من الاربعين تفاهمنا انا ما ادري على ايش نتفاهم لاننا ما كنا مختلفين
وانا اعرف ان امه الي تحشاه علي من اول ما تزوجنا بس كنت اتعوذ من ابليس واقول لا يتهيأ لي بس الحين انا تاكدت ان امه الي تقلبه علي لانه من راح لها انقلب علي ولا ادري وش اسوي والا وش اقول ساعدوني
ايه من يومين ودينا الولد عشان نطهره يوم جيت انزل من السياره قلت لاتسفهني لو ادق عليك لاقدر الله يصير شي للولد عشان على طول نوديه للاسعاف
قال انا برد عليك عشا ولدي مو عشانك وارح مع العلم واحنا بالمستشفى كان يتحاشاني
ساعدوني عطوني رايكم وش اسوي

كان الله في عونك

وحاولي هذا الفتره تتجنبيه قدر المستطاع


فبعض الازواج تستأ نفسيتهم في فترة النفاس


لان اشياء كثيره تتغير في حياتهم

فليست الام فقط م يحتاج رعايه واهتمام بعد الولاده

فهناك من الازواج من يحتاج الي ضعف ما تحتاجه الزوجه من اهتمام

وان اشاء الله بس تخلصي من النفاس

يرجع لك زوجك احسن من الاول

كان الله في عونك
أختي لابد من وجود سبب وسبب قوي لما يفعله زوجك
حاول تبحثي عن الاسباب ومن ثم معالجتها
وابتعدي عنه قليلاحتى يهدأ ومن ثم حاولي بذكاء ودهاء الأنثى معرفة مابداخله
أصلح الله حالكما وسخر لك زوجك
================================================== ================

الفارسه جوري و طعن قلبي الله يسمع منكم ومشكووووريين

حسبي الله على كل ام زوج تحرش ولدها

على زوجتة

الله يعينك

انا مجربة

حسبي الله ونعم الوكيل

الله يكون بعونك

ان شاء الله كل شي يتعدل بعد ما ترجعين بالسلامة

المهم مانوصيك على هدية حلوة له (تهادوا تحابوا)

وان شاء الله يرجع لك احسن من اول والله الله بالدعاء وكثرة الاستغفار

كلام أختي أميرات صحيح مليون في المية

يا أختي زوجك من النوع اللي ماينترك لحاله

لو أنا منك ما اتركه دقيقة

اجلس عند أهلي أسبوع بعد ولادتي وارجع بيتي اراعي زوجي واداريه واحطه جوا عيوني واقفل عليه عشان لا احد يتجرأ ويقرب منه

انتي تركتيه .. وحماتك استفردت فيه

ارجعي بيتك وراعي زوجك واحتويه عشان يرجع لك مثل اول

وخذي التجربة هذي درس لك لاعاد تتركي زوجك لا في نفاس ولا غيره

والله يهدي سركم ويوفق بينكم