ابنى جبان...لاياخذ حقه اذا انضرب...
 

السلام عليكم ورحمة الله وبركاته
بأكتب لكم المشكلة دى وأنا متعصبة جدا وهأتجنن من الغيظ .
طبعا أنتوا عارفين ان عندى ولد واحد بس ربنا يحميه ويحفظه يارب . الولد عمره تسع سنين .يعنى فى رابع ابتدائى. هو والحمد لله متفوق جدا ومؤدب جدا جدا وهادئ للغاية حتى فى البيت لعبه هادى وماشاء الله ماشاء الله بيسمع الكلام ومؤدب. لكن فيه عيب هيجننى انه جبان جدا .الأولاد اللى فى عمره فى المدرسة بيمسكوه يضربوه من غير ما يعمل لهم حاجه وهو جبان يخاف منهم وما يعرفش يضربهم ولا يرد عليهم :29::29::29::29::29::29:
تخيلوا النهارده وهو راجع من المدرسة ولد من فصله مسكة ضربه من غير اى سبب وهو ما قدرش يرد عليه بيقف زى المشلول وما بيعرفش حتى يبعده عنه لحد ما ولد جارنا معاه فى المدرسه هو اللى جاء وحاول يبعد الولد ده عن ابنى وتصادف مع قدوم زوجى ليأخذ ابنى من المدرسه وطبعا شاف الولد وهو نازل ضرب فى ابنى على وشه بالقلم وعلى قفاه وابنى موطى وما بيعملش حاجه واتنرفز جدا وطلع يجرى على ابنى علشان يدافع عنه والولد جرى طبعا وجوزى حاول يجرى وراه لكن الناس غلطته وقالت له انت هتضرب عيل صغير فقال لهم طيب ماهو ضرب ابنى وانا واقف يعنى قدامى قالوا له لأ انت ما تضربهوش وروح اشتكى عليه فى الشرطه. وذهب ابنى للناظر هو والولد جارنا اللى معاه فى نفس المدرسه واللى شهد الواقعه واشتكوا له فما كان من الناظر الا انه قال لهم انا ماليش دعوه بيكم مش هو ضربه خارج المدرسه يبقى مش مسؤوليتى!!!!!!:(:(:(وانتهى الموقف لكن جوزى وابنى راجعين من بره متنكدين وجوزى حكى لى على الموقف وقعد يزعق لإبنى ويقول له انت جبان وانا ما عدتش هأتدخل لك فى حاجه انت لازم تتعلم تدافع عن نفسك مش معقوله احنا هنمشى نحرسك فى كل مكان وقعد يهزأ فى الولد . وأنا حاولت أهديهم هم الاثنين وقلت لجوزى انت طبعا غلطان انك تجرى ورا عيل او تحاول تضربه وما تكررش ده تانى ابدا وخلى ابنك ياخد حقه بايده . ده من ناحية زوجى . أما من ناحية ابنى فحاولت معاه وقعدت اعطيته محاضرة طويله عريضه وفهمته ان اللى يضربك تضربه لكن طبعا هو شايف اننا مش فى غابه وان هو مش ممكن يمد ايده على حد وان ده تصرف مش كويس!!!!!!!!!!!! والله انه جننى . يعنى ايه؟ انت تضرب وما تاخدش حقك . طبعا اتنرفزت عليه وحلفت له انى لو عرفت ان حد ضربه وما ردش عليه انى انا اللى هأضربه وأموته من الضرب وهو لما شافنى متنرفزه خادنى على قد عقلى وقال لى حاضر ياماما لكن انا متأكده انه مش مقتنع أعمل ايه معاه!!!!!!!

الدفاع عن النفس شرف لصاحبه وعدم التصدي والرد على من بدأ بالعدوان نوع من الجبن "والبادئ أظلم".. وحالة ابنك سهل حلها وكل ما عليك أن تتبعي أسلوب زرع الثقة والشجاعة في قلبه ولا تسمعيه بأنه جبان حتى لا يأخذ عليها.. وأحذري في نصحك له ولا تتمادي حتى لا ينقلب الوضع ويكون هو البادئ والعدائي.

الله يحفظه لكى من كل شر