|
موقف لا احسد عليه؟؟؟
السلام عليكم ورحمة الله وبركاته
اليوم وقت صلاه العشاء في غرفه الجلوس جالسين نسولف انا ووحده من اخواتي تركت الاب توب علشان اجلس مع الاهل لاني بالعاده جالسه معاهم بس هو جنبي وياريته كان جنبي كنت واقفه اسولف دق التلفون رفعت السماعه الو ..... الو ......صوت صغير رجعت وقلت مين جاني شعور غريب الصوت مقارب لسوستي (ولدي الصغير) رجعت قلت ((( اانت؟؟؟؟؟؟ كيفيك ياماما ))) رجع الصوت تغير علي كل من حولي قاموا وقربوا وبدءت الابتسامه عليهم والي يقول انا بعدك فجأه الا صوت اختي الكبيره تقول الو وش فيك قلت مين الي كان يتكلم قالت بنتي وش فيه صوتها تغير مسويه صغيره لا شعوريا رميت السماعه وبكيت والكل يطالع فيني ردت امي عليها وقالت لها فكرتك ولدها كابرت ومسحت دموعي وقلت لا عادي مافيه شي قالت امي والله شكلك تسولفين بس عقلك مو عندنا سكت ومازلت ساكته في نفسي بكااااااااااااااء كثييييييييييييييييييييييييير وما ابغى اطلعه كاتمه في نفسي ويمكن راح اضل كاتمه ودي ابكي وارتاح بس مدري وش فيني كل الي اقوله حسبي الله ونعم الوكيل حسبي الله ونعم الوكيل حسبي الله ونعم الوكيل مدري انا السبب في اللي جالس يحصلي والا هو ابتلاء والا ايش بالضبط ؟؟؟ بس الحمد لله على كل حال اعذروني لاني متاكده اني ضايقتكم |
الله يصلحلك الحال ويجمعك بولدك يا رب .
|
يــــــــــــــاقلبي يأم السوسه
والله ماتنلامين عادي حبيبتي ليـــــــه تكتمين مشاعرك هذا شيء طبيعي يحدث من أي أم .... عبـــري عن مشاعرك ولاتكتمين شيء في قلبك عشان ينشرح صدرك دعواتــــــــــــــي لك بأن الله يجمعك مع أولادك عاجلا غير آجل ويعيشوووووون معك العمر كله وتشوفين أولادهم وأولاد أولادهم وكلكم بخير وصحة وسعادة... |
اللهم رد لها ابنائها لها ردا جميل
اللهم ارزقها برهم وحبهم اللهم اجرها في مصابها واخلف لها خيرا منها حسيت فيك يااختي والله .. الله يعينك ويقوي قلبك .. اذا انتي متطمنه عليهم وتدرين ان ماقاصرهم شي الحمدلله هذا شي يصبرك شوي البلوة بالي عيالها مو عندها مثلي واشوفهم بس مدام انا مو عندهم احس انهم تايهين ومحتاجيني الله يعين الام اذا شقت عند الزوج شقت بعد فراقه ربي يصبر قلبك ان شاء الله وعليك بالصلاو والدعاء بالثلث الاخير من الليل والله راح تلقين راحة البال وان شاء الله يفرجها عليك ودمتي بود |
اختي الغاليه لكي كل الحق بهذه المشاعر خاصه انكي لم تتركيهم برغبه منك اهذهم ظلما
ادعي الله ان ياخذ حقك معليش اطلع خارج الموضوع الدنيا مخيييييييييفه الظلمه بكل مكان ما اعرف ايش اقولك الله يصبرك وينصرك ويعوضك بالآخره السعاده |
ربنا يجمعك بأولادك عاجلا غير آجل و ينصرك على اللي ظلمك آمين
|
نسيـــــــــــت أقولك هذا ابتلاء
ولا يبتلى الاالمؤمــــــــــــن وكل ماضاق صدرك تذكري دعاء نبينا يونس عليه السلام (لاالـــــــــــه الا أنت سبحانك اني كنت من الظالمــــين) وحسبي الله ونعم الوكيل على من كان السبب... |
اقتباس:
الله يجمعني فيهم عاجلا غير اجل وينصرني على من حرمني منهم بحوله وقوته جزاك الله الف خير على الدعوه الطيبه يالغاليه |
بنت الحلوين
اللهم امين اللهم امين الله يسعد قلبك على دعواتك الطيبه ويسعد ايامك على تذكيري بدعوه سيدنا يونس عليه السلام صدقيني ودي ابكي بس تغيرت دائما كانت دمعتي على خدي لدرجه انهم كانوا يقولولي دموع التماسيح بس كنت ارتاح هالحين صار البكاء صعب ودي تنزل وارتااااااااااااااااااااااااااااااااااح الله يسعد ايامك تصوري عشره شهور ماشافتهم عيني حسبي الله ونعم الوكيل |
اقتباس:
انا عارفه انهم بخير بس من متى ماشافتهم عيني حسبي الله ونعم الوكيل الله يفرج همي وهمك وهم كل مهموم يارب يالله رحمتك يا ارحم الراحمين |
| الساعة الآن 07:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©