اموت موت بطىء؟؟
 

السلام عليكم ورحمة الله :

انا في مصيبة الله يعلم كيف اطلع منها زوجى هاجرنى صار له سنة وكل ما اكلمه واحاول معاه علما ان هو معى بالبيت وعلاقتنا مثل الاخوان هو يستخدم حبوب للشعر لكى لا يطيح شعره والرغبة عنده تروح وانا شنو ذنبي على حساب علاقتنا الزوجية بذمتكم هذا الانسان ما يتعاقب على هذا الشي يبدي شعره على علاقته معاي قاعدة اذبل شبابي قاعد يضيع طبعا هو عايش حياته طول بعرض سهر سفر طلعات الى اخر الليل وانا محرومة من حقوقي شنو ذنبي وهو خيرنى اذا ما اقدر اصبر نتطلق بكل هدوء معقولة هذا هو الحب عندى منه 3 عيال اضيعهم يعنى بذمتكم ما بيتحاسب ويتعاقب يعنى يفضل جماله على حياته ..... دلونى انا اتعذب وصرت اكره نفسي محرومة السفر والجنس والطلعات شنو بقى اللهم ان هو يصرف على عياله وبعدين. وطبعا البيت فندق بالنسبة له.......... اعطونى الحل .......

الحل أن تجلسي معه وتتحدثي معه بصراحة وتطلبي منه تفسيراً منطقياً لما يحدث.


بصراحة لا أعتقد أن مسألة الشعر هذه حقيقية .. وإنما مجرد حجة يخفي بها أمراً آخر.

اشكركم بنات على ردودكم السريعة لي
 

انا كلمته الف مرة وخليت امه تكلمه بهاخصوص هو قال لي بصريح العبارة ان راح الدكتور وقال له اما تترك الحبوب وترجع حياتك الجنسية طبيعية او تصلع عاد ذبحيه صار له 8 سنوات يستخدم سبراي للشعر علشان ما يحت شعره وزرع له شعر بعد لكن لازم يواصل على الحبوب اذا ترك يطيح شعره وانا تاركه واشكى همى لله سبحانه وتعالى ان الله ياخذ حقي منه توه عمرى 33 سنة يعنى معقولة هذا الزواج لا جنس ولا طلعات وسفرات ولا ولا شي .. كارهة نفسي انى ظالمة روحى معاه شنو اعمل اتطلق او استمر بهالذل والعذاب والحرمان .......

اختى انا من سنة خبرت امه
 

وطليت ابكى وابكي بحرقه جدامها لكنها واقفه بصف ولدها تقول هاي بعد مو شي غصب المهم توها من اسبوع اتصلت فيه وكلمته عن الدين والشرع ان ما يجوز قال لها ان هاي حياته هو ما يرغب مو عاجبنى ننفصل بهدوء وهى معاه بهالكلام علشان ما انظلم وقلت له الى متى تستمر بهالحبوب بالفعل انا قرأت على العلبة انها تخف الرغبة الجنسية انزين شنو ذنبي يعنى يا ناس ما يتعاقب عند الله ان مفضل هالشي جمال شعره على حياته معاي ولا هامه ابدا وانا صايره باردة بكل شي جسمي تعود على هالشي .... انى اكون محرومة..... الله لا يبلي اي وحدة اتحمل خيانته اتحمل سهراته سفراته لكن وصل لهالمستوى هجره كلياً وانا تونى صغيرة ولا تقولون اتزوج مرة ثانية .........