![]() |
20 سنه زواج عايشه في نقد من زوجي)ساعدوني الله يفتح ويفرج علي من يرد علي
السلام عليكم
اروح وارجع لكم اعضاء منتدى عالم الحياة الزوجيه الغالي ..... المشكله هذي مشكلت قريبه لي وحبيت انكم تساعدونها بليز بعد عشرين سنه من الزواج ونقد على اقل كلمه تقولها حتى لو بسيطه او تطلب منه حاجه بسيطه الصباح وهو متوتر على الاسهم وكان قاعد يحاول يدخل في الاسهم لشراء وماكان يشبك النت معاه البطاقه مو عنه بالبيت والرقم السري مال المحفظه ناسيه وكان متوتر ومعصب ان كل الابواب متسكره في وجهه جهزت ملابسه وفوطته وقلت له قوم اسبح وصلي وادعي ربك يسهل لك امورك ويفتحها في وجهك بس قلت كذا صار مثل البارود يصرخ ويقول اشدخل مشكلتي في ان اروح اصلي وبتدا يقط كلام انتي مو شايفتني متوتر ليش تقولين قوم صلي واذا مو عاجبك الكلام روحي بيت اهلك وانا مو مرتاح معاك بس راح اجاملك قلت له خذ وحده غيري ترتاح معاها قالي روحي لعيالكو صيري مره قلت له صر رجال و انتي الكلمه الي اقولها لك تقولين لا(انا ما ارد له طلب بس في اشياء ما اقدر اسويها مثل اخذ فلوس من اهلي واشتري بيت)وانا كل مصاريف البيت علي حده يعطي عياله فلوس الفسحه هو رجل اعمل عنده محلين وشغله ماشي ثاني يوم نزلت الاسهم وحمد ربه انه ماقام صله عشان تتسهل اموره وخسر زياده فلوس صار يدخل يسلم ومتزيعل اني انا الغطانه وغير اسمه في جوالي سماه (حماري) بادرت اني اصالحه قلت له قوم نطلع قالي خليها بعدين حاولت كثير بس ما صالح ساعدوني الله يفتح ويفرج علي من يرد علي |
لا حول ولاقوة الا بالله
زوجك مو مقدر النعمه |
كان الله في عونك اختي .. انت وش طلبك .. نعطيك حل على هذه المشكله او نعطيك حل على وضعك بشكل عام ؟؟ اذا كان على هذه المشكله .. دام انك اعتذرتي وهو لسه ما طحن الحب اللي في راسه الافضل انك تطنشيه .. اما الحل على وضعك مع زوجك بشكل عام فأعتقد ان عشرة 20 سنه و هذا هو اسلوبه معك فيا اختي لا تتوقعي ان زوجك راح يتغير .. مالك يا اختي الا الصبر .. و التطنيش .. و تجنب الاحتكاك معه وقت ما يكون معصب وطبطبي عليه مثل الطفل عشان تتعايشين معه .. الصبر يا اختي الصبر .. |
سبحان الله
هو الواحد بيعصب بس ليس على أمور فرضها الله لا حول و لا قوة إلا بالله العلي العظيم الله يصلح حالك و يفرج همك |
مشكوووووووووووووره على ردودكم
الله يساعد ويفرج همي وهمكم |
الله يعينها ويساعدها عليه ويفرج همها
|
الله يهدي يا رب ويفرج همك وكربك حبيبتي
لكن هذا حال اغلب الرجال عصبية زيادة عن الحد وكلام جارح بلا تفكير حبيبتي لا تحاولي تتكلمي معاه وهو معصب او متضايق سيبيه الى ان يهدأ تماما |
دخلت بما اني خبره اكثر من سنواتك العشرين
وما اقول الا الله يعينك على (( ...... )) هذا اللي هو فيه الفتيل ,,,, الله يستر تحلي بالصبر ياختي وعيشي حياتك ,,, يعني لاتخلينه ينكد عليك ترى الدنيا ما تسوى زعلك يالغاليه الله يخليك لولادك . |
اقتباس:
وهو في هذا الحال كان المفروض ان لا يقترب اليه احد لأن حالته نار تتأجج في داخله ويريد وجهة ينفثها فيه يرجى الابتعاد عنه قدر الامكان الله يكون بعونك |
اختي العزيزة
الله يفتحها عليك يارب والله ما عليك الا انك تدعي الله عزوجل من قلبك وتشيه مشكلتك لأنه كل دا قدر ومكتوب من ربنا واكيد خير وتذكري قول النبي صلى الله عليه وسلم (ان امر المؤمن كله خير ) ودمت في حفظ المولى |
الساعة الآن 05:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©