|
زوجي والحشيش
السلام عليكم
انا متزوجه منذ سنه بدات حياتي معه بفرح كاي متزوجين سفر شهر عسل وبعد تلاته اشهر اكتشف انو يكلم بنات ماصدقت فسرت اضحك معاه انو لاتكون تكلم بنت ونضحك انو موضوع مو حقيقي الا يوم شفت رساله من رسالاتو على الجوال كان يكلم اكتر من بنت اتحطمت نفسيا جدا جدا طيب واجهتو وقلتلو لو اني مقصر عليك في شي قولي يعني حتى لو في اي شي حسبت انو العيب مني لاني لسه عقلي صغير طيب وقعدنا كم يوم لانتكلم الين جا يبكي ويعتذرلي وسامحتو المهم كفشتو مرتين وتلاته وبرضو نعتذر وييبكيلي والله ماقدر ارد اسفو لانو جدا اخلاق معايا طيب طيب لابعد الحدود الصلاه يصلي فرض ويترك عشره اكتشفت دحين انو يتعاطى حشيش لانو شفت عندو دخان غريب فايش حيكون اكيد حشيش قلت لاهلو بدون مايدري وحضرو وكلموه ووعدهم يبطل وكانت امه تبكي ليل نهار لما عرفت وبعد فتره برضي شفتو عندو في البيت شايلو اعترفتلو اني شفت عندو فدحين سار ينقلب عليا ويقول انا بس اراقبو وانا انسانه تحب المشاكل ونكديه وسار يدقق على اتفه الاسباب وبدا يطول لسانو عليا بس (في اخر الليل يمسد على راسي كانو يقول حقك علياويسلم عليا وينام) وعلى الصلاه كم مره نصحتو فهو طفش مني من كتر النصايح بس اعمل ا يه اسيبو عندي اطفال منو واحسن انو هو يبغى يتغير كنت اسامح اسامح بهدف انو يتغير ولكن لا تغير ولما اعتلرفتلو اخر مره على الدخان (الحشيش ) كتبتلو هيا في رساله وحاطيتها في ظرف وكانت الرساله جدا رومانسيه ابين له قدي ايش احنا محتاجين له وانو هو سند البيت والطريق دا كلو ضياع وهدم المستقبل فمن جد اريد حلا والله انا بدعي من كل قلبي انو ربي يهديلي هو |
لالالا الا الحشيس اعوذ بالله انا زوجي احيان يدخن واعصب عليه ويتركه فكيف بالحشيش
عندي لك فكره جهنميه خليه في يوم يكون رايق مررره وخذي طرحتك وقوليله بلعب معك لعبه وقفلي عيونه وخليه يمشي مثلا من باب الغرفه للسرير واتمنى يوافق وبعدها لمن يفك الربطه قوليه شوف ربي كيف رحمك وعطاك نعمة البصر والصحه فليش انت تنكرها وتعصيه صدقيني راح يخاف ويعتبر وقوليله وش راح تستفيد من الحشيش غير الذنوب وذهاب العقل؟ وهذا ما عندي |
شكرا على ردك بس اقلك نصحتو بطرق كتير الين ماقلي انتي ماطفشتي مراقبه ونصايح والله يكتبلي الي في الخير
|
والله ماعندي حل
بي بدعيلك الله يفرج همك وعليك بسهام الليل فانها لاتخيب |
سؤال هل زوجك يصلي ام لا
|
لا حول ولا قوة الا بالله
اختي اكثري من الدعاء له و الاستغفار عندي سؤال هل ابوه يعرف انه يتعاطى حشيش ؟ لان دائما تأثير الام يكون ضعيف على الابن الله يصبرك خيتو و يفتح على بصائر زوجك و يهدي كل زوج ضال اللهم آمين |
اختي زوجك يتعاطى حشيش !!!.. ايش اللي تكتبي له رساله رومانسيه ..؟؟؟؟!!!!! زوجك محتاج لهزه قويه و موقف قوي منك .. مو كلام رومانسي ... هذه اشياء ممنوعه و محرمه شرعا .. و عواقبها وخيمه جدا .. اختي لا تتهاوني ابدا بما يفعله زوجك .. اليوم يتعاطى حشيش الله العالم بكره ايش راح يتعاطى قد يتعاطى مخدرات .. اليوم يدخن الحشيش بعيد عنك مع ربعه .. بكره يدخل ربعه البيت يدخنون الحشيش .. اليوم عنده فلوس يشتري الحشيش .. بكره ما تتوفر عنده الماده و يستلف من الغير عشان يشتري هذه البلوى بعدها الله اعلم من وين راح يجيب الفلوس .. اختي اصحي والحقي بيتك قبل ما ينهدم .. اتخذي موقف قوي من زوجك او خبري اهلك و لا تسكتي .. |
اقتباس:
الحقيقه انا اقف بصف اختنا لان الموضوع قوي والحشيش اتوقع انه بدايه للمخدرات اعنك الله صبراً جميل والله المستعان،،،،،،،،، |
صراحه زوجي قلت في كلامي يصلي فرض وعشره لإ. انا قلت لامه وامه قالت لابوه وكلموه وساب اعز اصحابو عشان امرو يتركه لانهم حسبوه بشرب مع صاحبه فلما تركه اعتقدو انو بطل تنصحوني اكلم اهلو تاني ولا اخد موقف واروح لاهلي وتكبر المشكله لو دخلو اهلي
|
اشكركم جميعا انكم رديتو عليا والله يوفقكم جميعا في حياتكم وينور بصايركم وبصاير الي تحبوهم
|
| الساعة الآن 02:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©