|
زوجي يبغى يجيب بنته من طليقته عندي فمارأيكم ؟ (حُلت و الحمد لله )
السلام عليكم ورحمة الله وبركاته إخواني الكرام يامن أشغلتكم بمشاكلي وهمومي ولكن والله ليس لي في هذه الدنيا بعد الله إخوان غيركم فأنتم أهل الحكمه وأهل المشوره وفيكم الخير وعندما أشاروكم وأخذ برأيكم أرتاح ورب البيت الحكايه ومافيها إن زوجي طلب من أهل طليقته بنته ..كلكم عرفتم سالفة طلاق زوجي لزوجته الثانيه وإن عندهم بنت صغيره رضيعه البنت عمرها سنه و8 شهور.. وزوجي مصمم غيريجيب بنته عندي لكي أربيها بيقول إنتي إن شاء الله تربيها أفضل وتعوضيها عن حنان أمها هومايبغاها عند أمها على حسب كلامه إنهم ناس ماراح يطمن على بنته عندهم عندهم ألفاظ وحشه وعادات غريبه ....وغيرأن أمها قويه وكلامها وحش هو ضغط على أهل طليقته عشان البنت وهم بالقوه وافقوا وأم البنت أتنازلت عنها سألني إيش رايك ياروعه هل أجيب البنت ؟أنا قلت له اللى يريحك أعمله وأنا راح أستخيرالله عزوجل في مجئ البنت عندي واستخرت الله أنا بصراحه متردده لمجيئها عندي .رحمة وشفقة بأمها حرام راح تفقدها وأنا أم وأعرف قلب الأم ثاني شئ خايفه من المشاكل اللى راح تترتب على مجيئها ولوفكرزوجي إنه يجيبها عندي ماراح أرفض حرام إيش ذنب المسكينه الضايعه وسطهم أنا قلت له هي المفروض تكون بحضانة أمها وإنت ملزم بالنفقه عليها وتسقط حضانة الأم وتنتقل لأبوهاإما بعد بلوغ البنت سبع سنين أو تتزوج الأم لكني وجدته مصروبقوه على مجيئها عندنا هي البنت راح تنفطم والأب مصر تتربى عندي بين أخوانها فمارأيكم إخواني أحبابي في الله |
صراحه موقفك صعب وانتي مشفقه على حال امها وهي تنازلت عنها بهذه السهوله والمفروض انها في حضانتها غريبه
ما دام ان زوجك مصر وامها موافقه توكلي على الله واكسبي فيها الأجر وكمان اجر طاعة زوجك وربنا يكتب لك اللي فيه الخير ان شاء الله |
هو اكيد افضل انها تتربى عندكم
لكن التعب عليك انتي بما انها اقل من سنتين اكيد راح يكون تعب لكن كل شي باجره والله يوفقك |
حاولي مع زوجك يردها لامها
والله ياروعه انها مسؤلية الواجد عياله وبيضربهم فما بالك بابنات الناس والله التربية مو سهلة ابدا وبكرة البنت تتسلط عليك انا كمان نفس حكايتك بس بقنعة انها تكون عند امها مهما كان مافي زي حضن الام وطمنينا عليكي |
هذه أولـــى مشاركاتي و أحببت أن تكون رداً على الموضوع هذا : رأي زوجك بتربية بنته في بيتكِ حق من حقوقه فهي أولاً و أخيراً تحمل أسمه ,, وأعلمي أن أجرك مضاعف عند رب العباد أولا / طاعه لزوجك , ثانياً / في هذه الطفله وأختلف مع من سبقني من ردود بأن هناك تعب عليك , لا تضخمي الأمور وتجهزين الدواء قبل الجرح !! أجعلي من تربيتك العدل والتساوي بين هذه الطفله وبين أبناءك فجميعهم أخوه , أحسني من تعاملك وعدلك فلا تعلمي يمكن تكون هذه الطفله هي السند و أحن عليكٍ من أبناءك ,, روعه هنيئاً لكِ بالأجر من رب العباد , وكسب رضاء زوجك ربنا الموفق |
السلام عليكم
قرات قصتك رايي انك تكسبين فيها الاجر يمكن تعوضينها عن حنان امها وتيصير تربيتك افضل من امها مدامها البنت صغيره تقدرين تكسبينها بلمعامله الطيبه واذا احترت اختي روعه استخيري وربي يوفقك ان شاء الله |
والله انا لو منك ما اتردد اربيها حرام امها فرطت فيهابالساهل وبكدة تزدادى حبا عند زوجك ويحترمك اكتر ويقدرك لانو طلاما طلب منك تربية ابنتة واثق فيكى مليون بالمية بانك ام حنونة بالله عليكى لا تخذلى زوجك وربى ابنتة وتكتسبى الاجر عند الله انها تتربى وسط اخوتها وفى حضن ابوها وبام مثل حنونة صدقينى ما هتندمى حرام البنت تربيها انسانة تقول كلمات بذيئة الا البنات لازم يتربوا بجو ملىء بالطهارة والنظافة بالله عليكى للمرة المليون لا تترددى ووافقى على طول
|
اختي الغاليه روعه
باي حق زوجك ياخذ بنته بصراحه وبدون زعل ومع احترامي هو شكله بينتقم كل الناس الي فاهمه وتخاف الله يتركون بناتهم عند امهم لين سن البلوغ او سبع سنوت وعلى ما افتكر امها مطلقه مرتين يعني مو بالسهوله بتتزوج بس شكله ضغط عليها ورفض يعطي مصروف لبنته علشان ياخذها برائي انك تقولي حرام الي تسويه البنت راح تكبر وتكرههك لانك حرمتها من امها وان اصر والام تنازلت فا احسني الله لان الله يحب المحسنين واحنا كلنا عارفين انك بتكوني قد المسؤليه الي راح يفرضها زوجك عليك وماراح تقصري معاها ولاتحرميها من حنانك لاكن والله حرام الي جالسين يسوه هالرجال ليش الانسان مايطبق شرع الله في كل اموره سبحانك يارب رحمتك يا ارحم الراحمين |
ام السوسه بارك الله فيك انتي رائعه دائما اختي روعه لن اضيف علي كلام ام السوسه كلامها صح 100/100حاولي ثاني مع زوجك ان يترك البنت عند امها
والله يعمل اللي فيه الخير |
اقتباس:
كلامك سليم اختي ام السوسه .. بعض الازواج يشبعون نزواتهم واللي يتورط الامهات و الاولاد .. وربي يعينك اختي روعه .. |
| الساعة الآن 10:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©