|
شقق ومطاعم وجلسات للشباب في الخبر؟
السلام علكيم
انا راح انتقل للسكن بمدين الخبر وذلك لظروف زوراجي وصعوبة نقل عمل زوجتي بينما انا سهل نقلي ابي اعرف اسعار الشقق او الفلل الصغيره؟ مطاعم مناسبه للعرسان ؟ كفيهات للشباب؟ ابغى حي حلو وهادي وشكرا |
المطااعم الي على الكورينش تشيليز وكودو وماك وستار بوكس وطبعاً هذا الي اقدر عليه ..
|
لي عوده وان شاء الله افيدك
|
الشقق .. عندك الشقق القريبه من الراشد مرة روعه انا دخلت روتانا وكانت جنان بس اسعارها غاليه شويتين ..
المطاعم .. طبعا هذا ذوقي والناس اذواق . للاسماك ... البانوش احبه موت واكله جنان وسمكه طازج وكمان عنده اكل هندي وصيني . لمشويات .. فيه مطعم حلو كان اسمه فاكهة لبنان واللحين اسمه الوزان مشوياته لذيذه وعصيراته تجنن .. الاكل الصيني ... القريه الصينيه اللي بشارع البيبسي اسعاره خيال . الهندي .. كوبر شندني وشيزان . الستيكات .. عندك تشيلز وابل بيز وتوماس في كورنيش افينو.. الفاست فود .. كنتاكي هارديز ماك .. طبعا معروفين . الكوفي .. ستار بكس .. د. كيف .. طبعا انت لما تروح على كورنيش الخبر بتلقى كل شي. في مطعم جديد لايفوتك اسمه الاصدقاء قعدته مرة خطيرة. نسيت اقولك اذا تبي رز ولحم ومندي وحركات .. عندك ملك المندي اكله لذيذ. |
فتحت عدة مطاعم على كورنيش الخبر
ضمن منطة اسمها كورنيش افنيو وفيها 5-6 مطاعم |
نسأل الله ان يتم لك على خير ويرزقك الذرية الصالحة ويقدرك على اسعاد زوجتك |
اذا تبي شقق سكنيه فيه حي الربوه بالظهران مررره هادي
وفيه حي العليا اللي مقابل الظهران مول وفيه حي الراكه نفس الشي حي جدا هادي المطاعم والكوفي شوبز كلهم في كورنيش الخبر فيه مطاعم ومقاهي بالراشد مول مررره حلوووه الخليج الصيني هذا افضل صيني بالشرقيه تلاقيه بالدور الثاني بجوار مصلى الرجال وفيه فوشيا هذا ياباني حلوو اكله وقعدته هاديه ورايقه تحصله بالتوسعه الدور الاخير اخر شي نصيييحه لازم تروح البانوش لان اكله خياااااااااااااااااااااااااااااااال بطل بطل بطل مره مره لذيذ بس جلسته شينه مع ان الكثير يحبونه لان فيه خصوصيه بارتشناتهم تتقفل .. وبالتوفيييق الله يسهل بك وييسر امورك ان شاء الله |
بسم الله الرحمن الرحيم
اخوي عندك بالنسبه للشق حي العليا وحي الراكه بس السعر غالي شوي من ال30 الف وفوق وتقدر تسوي مسح على مكاتب العقار وان شاء الله تلقى ياحياء ثانيه بس هذي الاحياء مشهوره بالعماير وربي ييسر لك واذا على المطاعم واجهه الخبر مااره مليانه مطاعم وكوفي شوبات عالميه وفيه عندك كوفي شوب بقرية القصيبي اسمه اوتاكوتشي وبعد له فرع مقابل الظهران مول مااره رايق وهو عباره عن مكتبه متنوعه يعني يوسع الصدر للي يحب القراءه وفيه كوفي شوب بالراشد مول اسمه امووري خطيير ورايق وعندك مطعم البانوش اذاك من محبين الاكل البحري المشاوي البحريه عندهم فظيعه بس جلسته مو ذاك الزود عندك مطعم جندولا ايطالي مااره فظيع بس غالي ترا وعندك مطعم السنبوك بحري هم غالي بس رايق وللعلم البانوش الذ منه بالف ماااره بس هذا يقالك كشخه وترتيب واذا ذكرت شئ رجعت الله ييسر لك اخوي |
مطعم بيت التنور الصيني والبانوش حلوين مرة بس جلساتهم شوي ضيقة وزحمة بس أكلهم روعة
|
طيب الله يعافيكم مطعم البانوش على اي شارع ..
|
| الساعة الآن 10:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©