|
برنامج ينقص الوزن الاسبوع التاني
كيفكم قبل أشهر وضعت برنامج لمده أسبوع للتنحيفhttp://www.66n.com/forums/showthread.php?t=167386 وانا مشيت عليه وبكره آخر يوم الي بالاسبوع الاول والحمد لله توزنت اليوم ونزلت 3 كيلو:22::22: طبعا التزمت بالبرنامج مزبوط وما خربطت ولا بشي حتى الطبخ الي بطبخو ما كنت أدوقو والحمد لله هذا البرنامج أحسه مريح ويشبع يعني ما بتجوعي بالمره وانا ان شاء الله يوم الاحد رح بلش بالاسبوع التاني من البرنامج وحبيت أنزلو عشان الي بحب يعمل ريجيم خصوصا الاكثريه نصحو برمضان وانا كمان شايله المراره يعني برمضان ويلا بغير رمضان بنصح بسرعه وطبعا لازم ألتزم مزبوط عشان صحتي وطبعا هاي نصائح الدكتور بالرغم اني دايما بقول اوكي رح ألتزم وما بلتزم بس هالمره انا مصّره اني أنحف الاسبوع التاني الافطار ثابت في كل الايام كوب حليب خالي الدسم او كوب عصير طازج+2توست مع ملعقه لبنه خاليه الدسم+ملعقه عسل صغيره اليوم الاول: الغداء:دجاج مشوي+سلطه+1توست العشاء:حليب خالي الدسم او عصير طازج+ 1 توست مع لبنه او جبنه+خضار+2فاكهه اليوم الثاني: الغداء:سلطه تونا من دون زيت+1توست العشاء:2فاكهه+حليب خالي الدسم+1توست مع جبنه او لبنه اليوم الثالث: الغداء:بيف ستيك+سلطه+1توست العشاء:شوربه خضار+1تفاحه+1توست اليوم الرابع: الغداء:كأس رز مسلوق+كأس لبن العشاء:حليب خالي الدسم+بيضه+1توست+1فاكهه اليوم الخامس: الغداء:دجاج+سلطه+1توست العشاء:عصير طازج+ساندوش جبنه مع 2 توست+2فاكهه اليوم السادس: الغداء:2بيض مسلوق+سلطه خس وبندوره مع خل التفاح+2 توست العشاء:اي نوع حلويات+تفاحه اليوم السابع: شوربه خضار+1توست+1فاكهه العشاء:1توست وقطعه جبنه بيضا+تفاحه+عصير برتقال طبعا لازم نلتزم بالملاحظات وهي موجوده في الاسبوع الاول موفقين...ادعولي أنحف... طبعا الاسبوع الاول بنزل 3 كيلو وبعدها كل اسبوع بتنزلي 2 كيلو على ضمانتي..عن تجربه تحياتي لكم |
جزاكى الله خيرا ويارب كلنا نخس
|
اقتباس:
هلا حبيبتي مشكوره على المرور وان شاء الله كلنا نخس |
اختي مو كأنه 3 كيلو في اسبوع واحد مره كثير؟ انا سمعت انه الوزن كل ما نزل بسرعه كل ما زاد اسرع بعدين، يعني اذا نزلتي 3 كيلو في اسبوع و وقفتي بتزيدين 5 كيلو لأنه الجسم يترجم انه يتعرض لخطر المجاعه فاول ما تبداي بالسكريات حتى لو قطعه صغيره على طول يخزن. فما ادري اذا هذا الرجيم مضمون %100. لأني بصراحه محتاجه انزل بس 3 الى 5 كيلو في شهر اذا امكن. وبعدين انا عليا صوم 20 يوم بسبب مرضي في رمضان وكنت بحاجه لأدويه، فكيف يمكن اتبع الرجيم خلال صومي؟(مدة الصوم في هذا الوقت في هذا البلد 11 ساعه، ارحم بكثير من رمضان الي فات كان 17 ساعه) على فكره انا عمري 21 سنه وطولي 160 سم و وزني 57 كغ، وزني المثالي لازم يكون 53 كغ. |
اقتباس:
الوزن الي برجع بسرعه طبعا اذا كان البرنامج قاسي ويعتمد على نوع واحد من الاطعمه انا جربت قبل هذا البرنامج برنامج أسرع كل يوم كيلو ماتحملت الجوع وكنت أخبص شوي لانو كان جسمي محتاج للكربوهيدرات والسكريات فوقفت بسرعه وطبعا البرنامج الي اتبعتو قبل هاد اوكي بنزل كيلو باليوم بس الاغلب بتكون سوائل الي بتنزل من الجسم مو دهون عشان هيك برجع الوزن بسرعه أما هذا البرنامج لأني ما حرمت جسمي من كل شي كل شي متوفر فيه وما بجوع بالمره التزمت فيه لاني مرتاحه عليه وجسمي ماخد كل العناصر الغذائيه بكون هيك مطمئنه على جسمي وأساسو تغيير العادات الغذائيه بسعرات أقل وبنفس الوقت في كل شي يعني انا ما كنت أشرب حليب وطبعا بدل العسل الصبح نوع حلو مع القهوه وبتعرفي معظم أكلاتنا مدهنه والسلطه والخضار مو كل يوم وطبعا السهر بالليل بيخلي الواحد طول الليل بياكل مجرد التزامي بملاحظات البرنامج وأهمها ممنوع الاكل بعد الساعه 7.30هاي لحالها بتنحف وبتصغر المعده وطبعا أنا كل يوم بشرب حبه فيتامين والحمد لله على سلامتك وما تشوفي شر... خلصي الصيام الي عليكي بعدها بتعملي ريجيم لانو الوزن الي حابه تنزليه مو كتير 3-5 ......طبعا أنا أكتر :30: مشكوره حبيبتي على المرور موفقه تحياتي لك |
يسلمو غالتي المشكلة انة اكل اقل من الي كتبيته
بس وزني ثابث مو راضي يتحرك لا طلوع ولانزول 62 نفسي يكون 55 حلو |
اقتباس:
هلا مشرفتنا الغاليه مشكوره على مرورك العطر بس 62 كتير ممتاز وأهم شي انو ما في طلوع ...والنزول مقدور عليه اذا الوزن ما بيزيد تحياتي لك |
اختي مادام الاء اسفه على ازعاجك، بس والله حبيت الرجيم هذا مره وناويه ابدء الأسبوع الأول يوم الأثنين الجاي(10.11.2008) ان شاء الله :22: بس عندي كم سؤال مهمين بخصوص الرجيم: :rolleyes: ـ كيفية عمل شوربة الخضار(نفس طريقتك يعني)؟ ـ ماهي اللبنه؟ واذا ما لاقيته هنا هل له بديل؟ ذبادي يعني؟ ـ كأس الأرز، ياريت تعطيني المقدار بالغرام لو تقدري؟ ـ الدجاج لازم يكون الصدر؟ ما ينفع الفخوذ؟ لأنه هذا المتوفر حاليا ـ خضار مسلوقه، يعني بس ماء بدون ملح وبهارات :( ؟ ـ ما ينفع استعمال بدائل السكر في المشروبات الساخنه؟ العسل مثلا؟ ـ في اليوم السابع من البرنامج الأول ذكرتي دجاج مشوي، مشوي بالزيت يعني؟ ولا كده بالفرن بدون زيت وبهارات وملح؟ ـ يسمح بأكل الخضروات وليس الفواكه بين الوجبات ما عدا الجزر، مثل شو :confused: ؟ ـ طيب ما يحتاج ممارسة الرياضه مع هذا الرجيم لشد الجسم؟ ـ ماهي الفتره المحدده بين الوجبات؟ وماهي الفتره المطلوبه بين وجبة العشاء والنوم؟ ـ ومدة الرجيم بس اسبوعين؟ بما انك بس كتبتي برنامجين؟ اسفه حبيبتي على اسئلتي الي ممكن بايخه:23:، بس ناويه التزم %100 الله يجزيك خير دائما |
هلا بالعكس والله ما في أي ازعاج
ـ كيفية عمل شوربة الخضار(نفس طريقتك يعني)؟ أنا بشتري كيس خضار مشكله وبسلقها اذا عندك مرقه دجاج بدون زيت حطيها واذا ما عندك أسلقي الخضار وكليها بدون شي ـ ماهي اللبنه؟ واذا ما لاقيته هنا هل له بديل؟ ذبادي يعني؟ اللبنه موجوده في كل مكان اللبنه متل الزبادي بس تكون جامده وتندهن على الخبز بنزلك صوره العلبه قريبا ـ كأس الأرز، ياريت تعطيني المقدار بالغرام لو تقدري؟ أنا بسلق رز بسمتي بماء وشويه ملح وعيري أي كاسه كبيره ـ الدجاج لازم يكون الصدر؟ ما ينفع الفخوذ؟ لأنه هذا المتوفر حاليا نعم فقط الصدر لأنو الدهون فيه أقل من الافخاد ـ خضار مسلوقه، يعني بس ماء بدون ملح وبهارات :( ؟ بتقدري تحطي شويه ملح وبهار بس مو كتير ـ ما ينفع استعمال بدائل السكر في المشروبات الساخنه؟ العسل مثلا؟ بدائل السكر بتقدري تستعمليها متل سكر الفواكه او الذره بس العسل فقط ملعقه صغيره صباحا ـ في اليوم السابع من البرنامج الأول ذكرتي دجاج مشوي، مشوي بالزيت يعني؟ ولا كده بالفرن بدون زيت وبهارات وملح؟ الزيت ممنوع أنا بقطع صدور الدجاج وبنقعها بليمون وشويه ملح وبهار من دون زيت وبحطها بالفرن واذا كنت مستعجله بسلقها عادي...وما تنسي انو في الملاحظات اي وجبه ستيك او دجاج ما بتقدري تعمليها او مش متوفره بالبيت افتحي علبه تونا بدالها وحطيها بمصفايه وأغسليها بماء المهم الزيت يروح ـ يسمح بأكل الخضروات وليس الفواكه بين الوجبات ما عدا الجزر، مثل شو :confused: ؟ خس خيار بندوره جرجير ملفوف فلفل أخضر حلو كمان بتقدري تسلقي فاصوليا ـ طيب ما يحتاج ممارسة الرياضه مع هذا الرجيم لشد الجسم؟ طبعا الرياضه مهمه بس انتي رح تنزلي من دون رياضه واذا عملتي رياضه أحسن وأحسن ـ ماهي الفتره المحدده بين الوجبات؟ وماهي الفتره المطلوبه بين وجبة العشاء والنوم؟ ما في فتره محدده بس دايما بأي برنامج بيقولو لازم نلتزم بمواعيد الاكل أول ما تصحي الصبح أفطري والغدا تقريبا بين الساعه1-2.30 والعشا انا دايما بأخرو شوي يعني على 7 لانو بعد 7.30ممنوع الاكل وهيك بضمن اني ما جوع بالليل خصوصا اذا سهرت ـ ومدة الرجيم بس اسبوعين؟ بما انك بس كتبتي برنامجين؟ عندي اكتر من أسبوع بس مرات بلاقي ما حد طلب البرامج بكسل أكمل كتابه بما انك بدك تنزلي بس 5 كيلو اسبوعين كافي ولما تخلصيهم اذا بدك الاسبوع الثالث بنزلو لعيونك هلا يا عمري بالعكس انا مبسوطه كتير وأسئلتك مهمه ... واي استفسار انا جاهزه وان شاء الله بس تبلشي أعطينا النتائج...موفقه وما تنسي الالتزام100% وممنوع حتى تذوقي الاكل الي بتطبخيه..الزيت ممنوع...وممنوع الاكل بعد7.30 |
اللبنة أكيد موجوده في قسم الالبان والاجبان
|
| الساعة الآن 03:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©