|
أم زوجي احرجتني عند المعازيم!
السلام عليكم
كنا بعزيمة غير رسمية يعني اجتماعات متكررة كل اسبوعين لكن المتواجدين كثييييييييييييير المهم صدر من ام زوجي كلام موجه لي واحرجني احرجني وكنت توي داخلة عندهم ابغى اجلس في مكان ماني شايفة الاماكن الفاضية من كثرة الدموع بعيوني ومن الربكة لانها احرجتني عند حريييييييييييييييم كثار وفشلتني قالت كلام فيما معناه اهانتي!! وماراح اقول السالفة كلها مالي خلق اكتبها المهم سكت وماقلت شي لكن انا بالعادة لما عمتي ام زوجي تتكلم احط عيني بعينها واخذ واعطي معها بالكلام هالمرة ماحطيتي عيني بعينها علما باني احسها وهي تتكلم تشوفني تبغاني اكلمها بس انا ماكلمتها بعد مرور نص ساعة طلعت عن لغرفة شوي وصرت امشي ابغى اخذ نفس عميييييييييق مرة منكتمة ليه تفشلني قدام العالم رجعت بعد شوي حاولت يكون وضعي عادي مابغى احد يحس واصير سالفتهم اليوم والفت نظرهم لأني من اول ماجيت ماكلمت احد حاولت اكلم اللي جنبي واسولف شوي بس ام زوجي ماقدرت اناظرها حقدت عليها من قلببببببببببببي ابغى اطلع من المكان باسرع وقت بس مابغى الفت نظر الغير انا ماغلطت معها ابد وهي مرة طيوبة معي واستغربت موقفها وقبل ماطلع قلت لهم مع السلامة ورحت لها من بينهم وضغطت على نفسي وابتسمت لها وقلت مع السلامة ياعمتي واول ماطلعت وركبت السيارة على طول زوجي حس فيني قال شفيك وانفجرت ابكي واقوله قال اكيد تمزح قلت اللي يمزح يبتسم يضحك مويتكلم جاد ورافعة صوتها قال خلاص امسحيها بوجهي هذي حرمة كبيرة بالسن ولازم نتحملها قلت طيب حصل خير بس لاتقولها طول الوقت احس بضيقة وكتمة الكلام اللي سمعته ماهو سهل كانها تهيني وماتكرمني قدامهم والمشكلة انها اعادت كلامها مرتين يعني ياللي ماسمعت اسمع زين!! المهم احس زوجي يبغى يقولها وانا مابغى السالفة تكبر اخاف تتضايق وبنفس الوقت ودي يقولها عشان تنتبه لكلامها لي شرايكم؟ اخلي يقولها ولالا مع العلم اني مصرة مايقول والشي الثاني ودي اصفي قلبي لها من بعد هالسالفة احس كرهتها اليوم زوجي يقول امي تسلم عليك بغيت اقول الله لايسلمها خخخخخخخخ << انجنت بس طبعا قلت الله يسلمها ويخليها لنا |
حبيبتي الله يكون بعونك ويصبرك على حماتك بس كنت بدي اعرف ايش قالتلك ليصير فيكي هيك ..
وعلشان اقدر انصحك اذا كان زوجك يكلمها ويعتب عليها ولا لأ ؟؟ يعني على حسب الاهانه او الكلام اللي قالته ممكن الواحد يقرر .. بس عموما خلي زوجك يعتب عليها عشان تفكر الف مرة بعد كدة قبل لا ترمي اي كلام وتعرف انه الك ظهر مو سايبه .. |
اقتباس:
هذي حرمه كبيره ومايصير تعامليها الند بالند خصوصا قدام الناس تصيرون فرجه لهم انا لو امي ايش ماتسوي ماارضى زوجة اخوي ترادها او تجادلها ومؤكد انها قالت اللي قالت بتنتقم منك بموقف حطيتي عينك بعينها عامليها مثل امك ولاتنقلي لزوجك اللي يصير تكبري بعينه بالتوفيق |
الله يكون في عونك
بس انا من رايي اول شي تنبهي عزوجك مايحكيلها لانو وقتها عمرها ماحتنساها الك انك رحتي تشكيها لزوجك من رايي روحي احكي معها بهدوء وحب عارفة صعب واكيد حاسة حالك مش طايقة اسمها بس اضغطي عحالك وروحي كلميها لانو مافي اشي حيرجع الصفاء بينك وبينها الا انك تفشي خلقك وتحكيلها الي بقلبك بادب واحترام طبعا مش خناق او تعصيب لانو صدقيني المواجهة والصراحة مع الي زعلانة منو بريح قلبك كتير وممكن يكون قصدها شي تاني بس مااخدت بالها انو ممكن تزعلك يعني ممكن تشرحلك الموقف وترتاحي وبما انها طيبة بتقولي وماعمرها زعلتك بشوف انو تستاهل تعطيها فرصة وتحكي معها و تتفاهمي يمكن مش قصدها والموقف يطلع اهون موفقة |
فيافي شفيك الله يهديك مافهمتيني
اقول بالعادة هي لما تسولف عيوني لها واخذ واعطي معها بالكلام ونسولف ونضحك يعني دايم اعبرها ولما تتكلم احاول اصير معها بالسوالف اما عاد اجااااااادلها وييييييين لو اني ماتربيت ماسويتها؟؟ وهي ماقد جادلتني محترمتني يارب لك الحمد لكن بعد كلمتها ماقدرت اشوفها وهي تسولف ماقدرت احط عيني بعينها فهمتي؟؟ وبعدين حتى لو امي تضايقني اسولف على زوجي عادي مو عشان امه قلت له زوجي ماعتبره زوج وبس |
أختى مش من موقف واحد تنسى كل اللى فات ولكن لا مانع من المصارحة حتى تصفوا النفوس اول بأول ولكن بأسلوب طيب أسلوب بنت الى امها وليس زوجة الى حماتها بارك الله فيك وجزاك خير الجزاء ولا تنسى أختى انهم ضيوف علينا سبحان الله لو هم بيننا اليوم غدا الله تعالى أعلى وأعلم بارك الله فيك أختى الكريمة |
اختي لاتفوتي لها الموضوع انتي قولي لها وواجهيهابس بأسلوب
شرهه يعني وش جاكي مني ياعمتي حتي تقولي كذا لايكون واصلك كلام غلط عني تراي استغربتها منك ولاهي عادتك معي بس لاتجيبينهاعن طريق زوجك علشان ماتكبر السالفةولاتقولين لها انك قلتي لولدها وخلي اعصابك باردة وانتي تقولين لهايعني سولفي معاها عادي بعدين جيبي الموضوع علشان تبينين لهاانك ماهمك الموضوع جربي ~~~والعجزكلهن كذا مايجيهن الكلام والتنغيزغيربالمجالس قدام الناس مريت بموقفك بس اطنش وبالبيت اتفاهم معاهافشله قدام الناس |
رومانسية عاطفية
ملك شادي ابو مريم بيلسان الف شكر لكم الله يجزاكم خير انا اخاف اذا قالها زوجي تحقد علي وانا بصراحة كاسبتها مررة وهي حبوبة معي وطيبة اخاف تتغير علي ومن ناحية اني اكلمها صعب جدااااااا بصراحة اخاف منها ومابغى اتعود اناقشها بهالامور ولو استجمعت قواي اخاف ابكي وانا اكلمها وطبعا هالشي ماهو بصالحي عموما انا استنتجت من كثر ماعصرت مخي ( لاني بجد استغربت حركتها) اكتشفت اننا متأخرين انا وزوجي في الوصول لظرف طارئ والكل يعرف هذا الظرف وهي توقعت انا سبب التأخير وزعلت |
الله يعينك بس مبين انك بنت اصول
ونعم فيك ولا يهون الباقين بس انا اكبر فيك صبرك وقوة تحملك والاهم انك ما قلبتيها مع زوجك هواش وبكره الايام تهدي النفوس لان نيتك سليمه وقدري سنها ووضعها وربي ماراح يخذلك وعلى قولة المثل يد ماتسرق ماتخاف يعني خلك واثقه بنفسك وكبري دماغك الله يكملك بعقلك |
شوبارد شو مالك بتحكي كانو حماتك كائن فضائي
يعني بتتصرفي كانها لو بكيتي قدامها حيكون موقف اسود كانو خصم او شي بعدين شو فيها لو تتعود تحكي معك بالامور هاي يعني انو لما تتزاعلو تتصافو وتكون قلوبكم مفتوحة شو فيها انا حاسة انك حاطة حاجز بينك وبينها يعني بتعامليها كويس و هيك لكن لحد معين وبس يعني مابدك العلاقة تتطور اكتر وتصير علاقة صداقة او ام ببنتها او علاقة مفتوحة طيب ليش؟ بالعكس هيك بتنسطي عليها كتير و بتضمني تكون معك في كل الاوقات عموما هاي حريتك واختيارك بس اكدي عزوجك مايقلها ابدا ابدا ابدا بس انا لو مكانك بحكي معها وبصارحها احسن بكتير من الي انتي فيه موفقة حبيبتي |
| الساعة الآن 02:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©