|
والدته ستاتي لرؤيتي وانا لااريد...مارايكم؟
السلام عليكم
حابه استشيركم بموضوع من فترة مسبب لي قلق نفسي وهو انه وحده خاطبتني لولدها وناويه تجي تشوفني وانا براسي الف سيف وسيف مابغى اطلع لها لأني مليت من كثرة اللي اطلع لهم ومافية نتيجة عارفه بتقولون خيره بس صدقوني والله اتعب اذا قوبلت بالرفض منهم حتى هالموضوع صار يسبب لي حرج عند اهلي لدرجة حسيت ان فيني عين او شي يردهم عني بس والله مو مدحآلنفسي وبشهادة الجميع مقبوله وحبوبه وجامعيه ومن حموله طيبه ولله الحمد ومفكره اقول لأمي تقولها تجي تشوفني بمكان دوامي وتبلغها اني ماادري عن شي وبكذا اسهل المهمه لها ان ماعجبتها وانا مايصير لي احراج وش رايكم تحسونها كويسه الفكرة ولا فشيله من الناس تكفون ابغى رايكم بصراااااااااااااحه تامه تم تعديل العنوان |
عادي حبيبتي
توكلي على الله صحيح الفكره حلوه بس مايسير ماتزوركم صعبه جدا وربما تاخذ فكرة عنكم سيئه وانتي في غنى عنها ......؟!! افضل شي اذا وحده تخطبك لولدها لاااااااااااااااااااحد يدري الا بعد القعد حتى لو قبل الملكه باايام من جد كثر العيييين والحسسسسسسسد حسبى الله عليهم اكثري من الإستغفار والدعاء وقراءة سورة البقرة واحسن الظن بالله وحصني نفسك وخليك واثقه واعتبريها اي وحده تزوركم زياره عاديه حتى تكوني مرتاحه نفسيا خذي امور ببساطه وان شاء الله الخاطب محافظ على صلاته طيب وحبوب واخلاق ويكون من نصيبك اللهم آمييين وفقك الله لكل خير |
والله ياأختي الله يرحم خطوبه أيام زمان كانوا الرجال يخطبون واذا تمت الموافقه صارت النظره الشرعيه واذا وفق الله تم النصيب..
أما هالوقت الله يخلف علينا بخير تغيرت الطرق والمفاهيم وصار في موضه اسمها كلام الحريم بالأول ثم الرجال.. الله يوفقك وأتمنى لك كل ماهو أجمل بالوجود..اسأل الله ان كان فيه خير لك الله يتمم لك الموضوع على خير وان كان فيه شر لك الله يصرفه عنك ويعوضك بأحسن منه..في رعايه الله |
اقتباس:
بس وش بتستفيد اذا جت لمنا وانا ماراح اعجبها تشوفني بدوامي احسن وينفك الاحراج عني وعنها وتقولها امي الله يحييك لنا بس نتعرف بس البنت ماراح تطلع يالله والله احس اني في حيره من امري |
.
. ياحبيبتي والله حاسه فيك ، والموقف من جد مو هين ، بس هذه هي الحياة تلزمنا أننا نتنازل ونتحمل شوي حتى تسير الأمور ... قريبتي قوبلت بالرفض لما جت أم خطيبها تشوفها ، وبعدها بفترة إنخطبت ورفضت ان الام تجي تشوفها لإنها متعقده (مثل حالتك ) بس اللي صار ان الولد جاء وشافها وقال: ماشفت زين وابغى الوالدة تجي تشوف ...... فما كان من قريبتي المسكينة الا ان رضخت للأمر واستسلمت لإن بعد شوفة الرجال كل شي يهون ، وبالفعل جت ام خطيبها واخته وشافوها ، وماشاء الله الحين هي متزوجة -الله يوفقها ويتمم عليها- وأنا أشوف إن فكرتك مش بطاله في انها تجي تشوفك بالدوام ، بس الأفضل انها تجي للبيت وتقابلينها بكل ثقه وان قبلت اهلا وسهلا وان رفضت بيعوضك ربي خير منها ومن ولدها.... حبيبتي خوذيها نصيحة مني خليك واثقة ولاتفكرين في تجاربك السابقة وتخلينها عائق ، بالعكس استقبلوا الحرمه ببيتكم واكرموها واكشخي واطلعي لها وربك يدبر الصالح ... ملاحظه ... اقري أذكارك في ذاك اليوم ، وادعي ربك والزمي الإستغفار وماراح تشوفين شر -بإذن الله- الله يوفقك ويرزقك الزوج الصالح ، ويعوضك عن ماسبق كل خير |
اقتباس:
من جد هالزمن بايخ ومعد فيه رجال شاكرة لك اختي مرورك العطر ودعواتك الاحلى |
اقتباس:
ومشكورة اختي ع المرور الله يوفقك |
.
. طيب خلاص خلي الوالدة ترفض وتقول لها: الشوفة للرجال بس ... اذكر لما خطبنا لأخوي كثييير قالوا لنا كذا وعادي احترمنا رأيهم ... لاتضغطين على نفسك لإنه باين انك كارهه جدا للأمر ، سوي اللي يريحك وتوكلي على الله |
اختي الشوفة في الدوام ماتفيد
الام ماتبغي بس تشوف شكلك الام تبغي اتكلمك .. اتشوف كيف تتكلمين .. لبقة دفشة .. انيقة في المنزل .. وتحاكيك وتتعرف عليك يمكن رب العالمين يشرح صدرها من شوفتك وتصير تبغيك ؟ ويمكن انتي ماراح ترضين في الخاطب ومايعجبك اختي انتي عارفة ان الزواج قسمة ونصيــب ك جملة تنقال لكن ما تعرفينها حق المعرفة لو تعرفينها كنتي آمنتي فيها واقتعتني ان كل الي مروا عليك ماكان الله كاتب لكم نصيب انكم ترتبطون في بعض توكلي على الله وقابليها .. وانتظري نصيبك من رب العالمين .. انتي ماعليك إلا انك تدعين ربك وتتبعين الاسباب شكرا تحياتي |
اقتباس:
الله يسلمك ياعمري الله يهديك كيف وش بتستفيد بالعكس ربما خير لك ونصيبك وش يدريك وبعدين ليش تعقدين نفسك وتحطين على نفسك اشياء مالها داعي ياقلبي اختي .. عن نفسي محد قد جاني الا مره وحده وماصار نصيب وهذا من زماااااااان صحيح اتعب نفسيتي بس انسى اللي صار واعيش حياتي والباقي مجرد كلام لأمي وياليتهم يجون حتى مافي نصيب عادي اختي الحبيبه اقووووووووو ل لاتعقدين نفسك وتكوني ضعيفه شخصيه ..........!! عادي توكلي على الله واعتبريها هم اول ناس يجوكي وعادي اعتبريها مثل صديقاتك او خالاتك مجرد زياره اعتبرها مجرررررررررررررد زياره او ذهابك للمناااااااااااااااسبه لاتكوني محطمه من الماضي انسي الماضي وارميها بسلة المهملات خليكي اعقل من كذه فلا تجعلين الشيطان يستغلك وتندمين اذا كان هو صاحب دين وخلق ........!! هو صحيح نصيب بس كل شي سبب فاانتهبي سوي اللي عليك والباقي على الله اكثري من الأسغفار والدعاء وحصني نفسك كل يوم بالأذكااار لاحيرة ولاشي عادي استقبليها قولي حياكم الله تفضلي ياخالتي كيف اخبارك وكييف بناتك والللخ وفقك الله في حياتك طمنينا |
| الساعة الآن 08:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©