|
الى متى...........؟
اولا هذا الموضوع اول موضوع لي وهو كطلب استشارة وطبعا لرجاحه عقولكم اطلبكم تساعدوني
المشكله من الاساس انا مااعرف كيف اوصلها لكم واصيغها ... المشكله هي زوجي وشريك حياتي... زوجي انسان حساس وحبوب معاي ومافي منه بالنسبه لي ...لكن ما احس معاه بالامان..فقدت نشوتي للحياه ياناس كل من شافني قالوا وين فلانه الفرفوشه وضحكتها باخر الدنيا زوجي شخص محبط مكتئب من الحياه بكبرها يخاف من العين بشكل صار ينرفزني ... دايم ع لسانه انا ليه عايش ...اناقشه بهدوء وماراح امدح نفسي سويييييت كل شيء اقدر عليه عشان احببه بالحياه انا في البدايه قلت انه عين ... ولاسباب كثيره منها مثلا مايقدر يكمل سوره البقره ...مثلا يضحك ويسولف معاي ومافي احلى منه فجأه يقلب علي ... ينام معاي فجأه القاه يقوم ويروح بغرفه ثانيه اجي عنده شفيك معليه ضايق صدري خليني لحالي شوي ... طبعا بتقولون لي نروح لراقي بس هو رفض وقال انا اخر املي بالحياه الراقي لو مانفعني انا بنتحر والا راح اسافر واخلي العالم بكبره...وفيه شيء ثاني ياناس مايحبني اروح لاهله ابداااااااااااا الا بالشهر مره وهم معي بنفس المدينه والله اهله مافي منهم كافين خيرهم وشرهم وهو بالاسبوع يروح لهم مرتين او ثلاث صدقوني مالي وجه اذا شفتهم يحسبون اني انا ما ابيهم هم ما راح يقولون ولدهم هم بيقولون بنت الناس ماتعرف الاصول وهم مايدرون ان حتى امي تهاوشني اني قاطعه فيهم ... بس ... الي خلاني اقول انه مو عين ... انه بدايه قلت لكم انها عين بس قدر يكمل قراءه سوره البقره وحتى هو قال الي فيني احسه مو عين انا تعبان نفسيا... وراح اقولكم ليه احس انه مريض نفسيا .. لانه انسان محبط دايم يسالني يقول ودي اعرف وشو السعاده طيب انبسطنا الحين وطحكنا طيب وبعدين وين السعاده السعاده مو بس بالضحك فيه سعاده بس ماندري هي وشو...والله ياعالم معذب نفسه بشكل محد راح يتخيله وانا من جواي احترق ع وضعه لان هالوضع مردوده ع حياتنا دمار...هو شخص مايحب الاختلاط ويحب يقعد لحاله بس اذا مع كذا هو محبوب وجدا محترم معي ومع غيري من جد الكبير والصغير يحبونه مره . ياناس اكتب لكم هالموضوع والله والله والله ودموعي ع خدي اخرتها قبل ساعات ... جيت من دوامي طبعا وهو بعد طبعا كلماتي المعهوده له دايما كيف الحال وكيف شغلك ...واشتقت لك ومن هلالكلام ...طبعا يرد رد كل واحد يسم اكثر من الثاني كلها انا خلاص مليت من هالحياه والله تعبت انا بهاجر لمكان مااعرف فيه احد انا ظالمك معي ...والله اذا تحسين ان حياتك مع غيري افضل لك لاتترددين انتي وش تبين بواحد مثلي طبعا ما عطاني اي فرصه للرد ودخلنا للبيت..دخل قعد ع التلفزيون وطلع لعمله كم ساعه ورجع ولا كلمه صارت بيننا ...ارسل لي رساله انه متاسف ع هذي العيشه والله مو بيدي...رجع للبيت بعد كم ساعه دخل علي وانا بالغرفه ياناس يمشي طول وعرض بالغرفه انه متاسف وانه تعبان وحاسس انه ينفجر انه تعبان من المرضى ويقصد فيه مجتمعنا والله لدرجه قال شيء والله ما قدرت ارد عليه ..قال الله الحين كاتب لكل واحد ومقدر له جنه او نار طيب ليه حنا عايشين..طيب عايشين وش نسوي قلت له ان نعمل للاخره وللدنيا طبعا ما عطاني مجال اتكلم وبس يقول انتي بس اسمعيني طبعا مااقدرت ارد عليه والله ولا كلمه ... ابيكم تعلموني وش اسوي بتقولون لي احتويه والله اني لو يطلب عيوني ماتغلى عليه ..وهو دايم يقول انا المفروض ماتزوجت بس الحمد لله اني تزوجت وحده مثلك والله حرام تعيشين كذا معي.. بتقولون لي روحوا لشيخ قلت لكم باول الموضوع وجه نظره وحتى الدكتور النفسي جته فتره مقتنع انه يروح بعدين زي الي خلاص صرف النظر وقد قلت له ابيك تتعالج وتروح لدكتور نفسي والله مو عشاني عشانك انت ..طبعا لا حياه لمن تنادي بتقولون لي خلي احد من اهله والااهلي ...بقولوكم حاولت اكلم اهله بس اهله الي فيهم كافيهم والله حرام ينفجعون بولدهم يكفي فجعتهم بكم ولد منهم ...واهلي مااقدر لاني مستحيل اخلي احد يصلح شيء ببيتي مو نقص فيهم لا والله فيهم رجاحه عقل توزن بلد بس عندي مبدأ ان اهلي دايم يكونون خارج الصوره اتمنى تعطوني حلول وقبل كل شيء والله احتاج دعائكم لي |
الله يعينك
بس انتي ذكرتي ان اخوانه فيهم شي ممكن نعرفه؟ يعني نفس حالته ولا شي ثاني؟ |
مشكوره اختي
اخوانه فيه واحد منهم متوفي والثاني مريض الله يشفيه |
السلام عليكم ..
الله يعينك اختي ويصبرك .. بس اللي فهمته من تصرفات زوجك .. انه بعيد عن الله .. لانه يبحث عن السعاده ولايجدها .. السعاده حبيبتي صح تجي بالضحك والفرفشه والوناسه .. بس بالاخر .. السعاده الحقيقه نلقاها في القرب من الله .. نلقاها بسجود لله ومناجاته في جوف الليل .. نلقها واحنا ماسكين كتاب الله ونتفكر في اياته .. حاولي تقنعين زوجك تروحون العمره او الحج .. راح يشوف كيف الناس مقبلين على الله .. منهم المعاق ومنهم الكبير بالسن ومنهم المراه الحامل .. راح يحس باحساس غريب ويتقرب من الله .. انتي ما قلتي هل عنكم اطفال والا لسى ربي ما رزقكم .. وكم عمر زوجك .. ؟؟ الله يهديه ويسعدكم |
أختى ربنا يفرج همه وهمك
لفت نظرى كلمة بآخر موضوعك قلتى (والله حرام ينفجعون بولدهم يكفي فجعتهم بكم ولد منهم ...) يعنى ايه ؟؟؟؟؟؟؟؟؟؟؟؟؟ هل أحد من إخوته عانى هذه الأعراض من قبل |
مشكوره عزيزتي
من ناحيه بعده عن الله بالعكس عزيزتي... مااقول انه شخص ملتزم بس الحمد لله يصلي باالمسجد يحب يسمع قران لما نطلع من البيت يحط قناه المجد وويخليه شغاله يحب اذا نمنا نشغلها ومن ناحيه العمره اتمناها معه بس يحاول يغير الموضوع انه ما يبي يروح بمواسم الزحمه لانه لا راح يتعبد زين وياذي خلق الله من ناحيه الاولاد هو يمووووووووووووووووووت عليهم بشكل اني اغار منهم احيانا ..بس اول زواجنا مأجلينه مع انه كان متحمس بس حاليا هو الي يقول ناجل الفكره شوي لين ارتاح شوي نفسيا لانه ما يبي يجيب بيبي ويكون جونا شوي بعيد عن العائلي طبعا اعرف ان البيبي هو الي راح يجمعنا بس اني اقتنعت بالموضوع لاني حاليا ادرس |
عزيزتي sa33
وضحت باول رد للاخت سله اوجاعي .. ومشكوره ع تفاعلك |
اختي ضروري زوجك يزور طبيب نفسي .. اعتقد انه عنده اكتئاااب .. واذا لم يتعالج راح تتطور حالته .. لا اريد ان اخيفك اختي .. الاكتئاب قد يوصله للانتحاااار .. اختي لا تتهاوني في المسأله .. بلغي اهله بأقرب فرصه عشان يساعدونه .. حتى بعدين ما يلومونك .... في عيله اعرفهم شخصيا .. صار والدهم عنده اكتئاب .. بدأ معه بالتدريج لكن للاسف عياله كأنهم انحرجوا من حالته و لا خبروا اعمامهم و لا عماتهم .. اللي صار ان ابنه الكبير هو ذهب الي طبيب نفسي و خبره بحالة والده .. قال له ابوك يعاني من اكتئاب و لازم يجي عشان افحصه و انتبه قد ينتحر .. و بالفعل بعدها دخلوا على ابوهم و وجدوه منتحر .. اطلق على نفسه الرصاص .. و الاهل والناس لاموهم ليش ما تكلموا .. اختي ضروري تخبري اهل زوجك وان شاء الله حالته تكون بسيطه .. |
اختي اميرات
كلامك فكرت فيه الف مره ... والمشكله دايم يردد ان لو الانتحار مب حرام كان انتحرت من زمان ولا اخفيك انه صارحني انه قبل الزواج حاول كذا مره اختي اميرات ... وضع اهله محزن مع ابنائهم... احيانا افكر ان اكلم ابيه ولكن ما عندي الشجاعه اضع نفسي مكانه والله مع اني ماعشت الامومه الا اني احسه شيء محزن علما اني مره صارحت امي وهددتني ان لم اخبرهم ان تجعل ابي هو من يخبر ابيه ومن يومها وانا لم اتكلم مع احد ...لا اعلم انا من النوع الحساس والذي يبكي بسرعه ماعندي الشجاعه اني اتكلم مع اهله ...انا ضعيفه حتى معه صدقيني ان تكلم وفضفض لي ابكي بحرقه حتى اني لا استطيع الكلام صدقيني دائما اوعد نفسي اني ساتكلم معه واحاوره لكن والله ما اقدر |
جى في بالي ,,
ممكن يعني مثلاً ... من كثر ما يفكر بإخوانه والي صار لهم ممكن عشان جذي يفكر بهالطريقة ؟؟؟ |
| الساعة الآن 01:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©