|
زوجي دائما يهددني بالزواج بسبب كرهي للبيت الي ساكنته
السلام عليكم
عندي مشكله وابغى احلها وعجزت تهاوشت انا وزوجي وصارت مشكله كبيره بسبب البيت الي انا فيه وماهو راضي يتنازل بالعكس بس يهدد في الاول كنت اخاف والان مايهمني شى انا ساكنه مع اهل زوجي في شقه لي بس العماره قديمه مره والشقه صغيره مره وانا عندي اربعه اطفال مالهم غرفه خاصه بهم ومااقدر استقبل فيها ضيوف وزوجي مقتدر ماديا وعنده بيت ملك بس مأجره انا وهو مانبغى نسكن في بيتنا الملك لان موقعه والجيران ماهم عاجبيننا بس بقيمة اجار البيت ابغى شقه ورااااافض ويهدد ان طلعني ان يتزوج ويسكن الجديده في الشقه الي انا حاليا فيها كنت اخاف واسكت على كره ومضض بس الان مايهمني وتهاوشنا اليوم وقلت له تزوج مع اخوك الي بيتزوج بعد كم شهر بس طلعني ماني قادره اتأقلم على الشقه هذي ولا انا طايله شى الا العناد والتهديد من زوجي انا متاكده ان زوجي راح يتزوج عاجلا واو اجل وخايفه انه مايطلعني الا اذا بغى يتزوج واو يتزوج ويتركني في هذي الشقه ويسكن الثانيه بعيد انصحوني لاني في عذاب ومشاكل مالها نهايه |
وعليكم السلام ورحمه الله وبركاته
اعانك الله اختى اغصان والله اذا زوجك من النوع العنيد لاتعانديه انت وسيبيك من تهديده لك بالزواج فهذه امور مقدره من رب العباد مو بيده هو فماانصحك الا بالصلاه فى اخر الليل والدعاء من قلب قلبك واطلب كل حاجتك من رب العباد هو ادرى من نفسك بحاجتك وارضى بقضاءه وقدره اكيد امورك كلها خير طالما ان الامر بيد الله وانت تؤمنى بهذا الكلام الله يوفقك ويسعدك ويحل امورك يارب الله يعطيك العافيه لك فائق احترامى |
يالغاليه اذا زوجك عنيد لا تعاندين انتي بعد علشان ماتكبر السالفه وكلميه بالهداوه
واذا عيالك كبار خليهم هم يحنون عليه :d الله يسخره لكم وييسر اموركم |
يا أختي
العناد ما راح يجيب لك شئ و مو علشان شقة تتخاصمي معه قولي له ترى بأرضى أعيش معك لو في غرفة وحدة بس المهم تكون راضي مو علشان تهديدك لا تخليه يستخدم التهديد وسيلة و الشئ هذا بيدك |
[info]الاشراف: ينقل إلى قسمه المناسب (عالم المتزوجين) [/info]
|
السلام عليك أختي
من حق الزوجة سكن ترضى به و بما أن زوجك مقتدر فمن حقك لكن مدام هو عصبي أخذيه بالمسكنة و الحيالة معليش اضغطي على نفسك شوي و ترجيه على الأقل شقة أكبر من كذا بحجرتين احداها للأطفال و أخرى مجلس قولي له انك ودك تحسسيه بهدوء المكان و مشتاقة للجلوس معه بهدوء و الشقة الصغيرة مزعجة و ضيقة و اصوات الأطفال لا تجعلني أقتنع بتقديم راحتك يازوجي.. و هكذا.. لعل و عسى يرضى و لا تنسي الدعاء و لا تعانديييه أبد لأن يبي يعاند الله يحقق مرادك و الله انك كدرتي خاطري من قصتك الله يفرج لك تحياتي ام فاطمة |
اختي اغصان .. الاخوان ما قصروا في النصحيه .. عليك اختي بكثرة الاستغفار و بسهام الليل .. و بقراءة القرآن بنيّة تفريج الهم .. الحّي اختي في الدعاء للعل الله يفرج عليك .. و مع ذلك اقول لك .. و عسى ان تكرهوا شيئا و هو خير لكم .. الدعاء ثم الدعاء ثم الدعاء .. اتركني عنك العناااد .. |
اختي الكريمة الاخوان ما قصروا بالنصيحة وانا بعد اقول لك ما تعندي زوجك ابدا واطلبي منه بكل حب وود انك تبغينين شقة اكبر قوليه له علشان اخد راحتي... ومن هذا الكلام ...
والله يسرلك ويوفقك ويهدي امورك |
عليك بالدعاء فهو سلاح المؤمن ولاتنسي بالاخلاص في العبادة
اعانك الله |
شكرا لك اختي ماء القمر على ردك الي ريحني مره الله يجزاك كل خير ومبروك البيت الجديد وعساه بيت سعاده لكم ااامين
*****************اختي jeansبارك الله فيك على نصيحتك وان شاء الله احاول ****************** روح الطير شكرا لك بس هو مكانك سر مايحاول يدور ولايفكر والتهديد عندك حق المفروض ماهو وسيله ***************** اخي المسداني شكرا لك انا كنت ساكته بس قبل كم سنه اشترى بيت ملك وكنا بنسكن فيه وثارت عليه ام زوجي وقالت له انا زمان كنت في بيت بس غرفه وحوش ومرتاحه ونكدت علينا لانا مسيطره درجه اولى وتقول عندي الي تاخذ زوجها من عند اهله تجي وحده ثانيه تسكن بدالها وغير زوجي رايه وهو يقول موعلشان امي لا بس لاني مرتاح وانا كاني اعاندها بتنكيدي على نفسي وزوجي وكرهت الشقه زياده وهو يشوف انها صغيره مره علينا بس يكابر ********** شكرا لك اختي اميرات والله اني احاول واضغط على نفسي بس ماهو بيدي ودعواتك *************8 الغامضه المنسيه شكرا لك ************8 سحابة الصحراء فعلا الدعاء سلاح المومن شكرا لك ********** دعواتكم لي بطولة البااااااااااااااال |
| الساعة الآن 10:55 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©