|
عصبية و اكتئاب ... من الحبوب
السلام عليكم ورحمة الله أخواتي أنا قررت أترك حبوب منع الحمل رغم إني لسه ماعدت على ولادتي 4 شهور تعبتني أحس تزيدني عصبية وإكتئاب والمعدة متعبتني مررررررررررررررة سمعت ان الحبوب بتأثر على المعدة قلت يمكن صح منها أنا استخدم ميكروجينون 30 قولولي في حل ثاني غير هالحبوب .............مثلا نوع ثاني اخف لا تقولولي اركب لولب لأني من كثر ماسمعت عنه خفت منه ياليت تساعدوني وجزاكم الله خيرا تحيــــــــــــــــــــــــــــاتي |
في اختراع جديد اسمه نوفا رينج عباره عن حلقه مطاطيه تضعينها بنفسك في اعلى منطقه في المهبل وتعمل عمل الحبوب لكن موضعيا فقط .
تضعينها لمدة 3 اسابيع ثم تزيليها فتنزل الدورة وطول ماهي محطوطه ما تجيك الدورة الا لما تزيليها.. انا ما جربتها لأنه هي جديدة وانا الان حامل بس احدى قريباتي استخدمتها ومرتاحه عليها .. الله يكتبلك العافيه والخير يا رب .. |
انا من اسبوع رحت نزلت اللولب وقلت للدكتورة تعطيني حبوب ماتسوي اكتئاب فكتبتلي ياسمين تقول خفيفة بس ماراح اخبي عليك لخبطت معدتي شوي ونفسيتي قلت عن الاكل
بس بصراحة انصحك تسوين لولب خاصة اذا جبتي اثنين انا كنت مرتاحة عليه بس لاني ماعندي الا واحد فالدكتورة قالت لازم تشيليه عشان مايسويلك التصاقات |
اقتباس:
هلا فيكي رومانسية غريب هالإختراع بس احسه متعب ومقرف شوي يعني ثلاثة أسابيع اجلس عليها ماأدري مو يكون اللولب بس نوع جديد انا بسأل عنها وبشوف كيف تستعمل؟؟؟؟؟؟؟؟ الله يقومك بالسلامة انتي والبيبي ويسهل ولادتك يارب شكرا لك تحيــــــــــــــــــــــاتي |
كل موانع الحمل متعبة
بس اعتقد اللولب اخفها لانه مايتدخل بعمل الهرمونات زي الحبوب والابر العزل والجدول والواقي كلها طرق للمنع ما يمديك تستخدمي واحد منها؟ والله يحفظ طفلك |
اقتباس:
شكرا لك أختي بس أنا جربت ياسمين بعد ولادتي بولدي الثاني وسببت لي لخبطة أيام طاهرة و أيام لا لحد مااكتشفت اني حامل وبالنسبة لقلت الأكل فصحيح أنا نحفت بعدها كثيييير بس مش أمان لي خاصة بعد الحمل الثالث بس اللولب يقولو متعب ويزيد عدد أيام الدورة صح؟؟؟ وكمان كثير سمعتهم حملو وهما مركبين اللولب ياليت تشرحي لي كيف كان معاك وهل هو العادي ولا الهرموني؟؟؟ وجزاكي الله خيرا تحيـــــــــــــــــــــاتي |
معقوله حملت وانتي تاخذين حبوب اكيد نسيتي يوم او ماتاخذينها بوقتها الصراحة خوفتيني
وليش مش امان ممكن تشرحين كيف؟ بالنسبة للولب اللي ركبته سالت الدكتورة تقول الفضي البلاتيني وصحيح ان ايام الدورة مرة تطول اول كم شهر بس بعدين ترجع ثمانية تسعة ايام بس واالله اهون بكثييييييير من الحبوب وبلاويها الصراحة اصبر على اللولب ودورته ولا الحبوب وبهذلتها في كل شئ واللي حملو عليه اكيد ومتاكدة مليون بالمية انهم اهملو نفسهم ولا سمعوا الكلام لان له شوية شروط يعني اول ماتركبينه ممنوع الجماع مدة اسبوع وممنوع الثقيل طول منتي مركبته ولااااازم الزيارات الدوريةكل ثلاثة اشهر اوستة بالكثييير للاطمئنان عليه وبس واذا عندك التهابات تعالجينها يعني بالله عليك مو اهون من الحبوب ؟:( |
اقتباس:
حبيبتي عبير انا زوجي اقترح يستخدم الواقي بس قال مااضمن لك اذا أكيد يمنع ولا لا حتى هو خايف .........جننوه العيال :23: بس اللولب نفسي اركبه بس مترددددة الله يوفقك ويسعدك لإهتمامك تحيــــــــــــــــاتي |
اقتباس:
والله ياحبيبتي زي ماقلت لك بس يمكن مو كل واحدة يصير معاها كذا لأن الدكتورة قالت لي شكلها مش مناسبتك ورغم استخدامي لها كانت بتنزل علية الدورة بعض الأحيان وشكرا لك على التوضيح يعني حتى اللولب له شروط................ بس مش صعبة والله شجعتيني شوي بس ممكن سؤال كيف يركبوا اللولب ؟؟؟؟؟؟؟؟؟؟ وهل تركيبه مؤلم ؟؟؟؟؟؟؟؟؟ وشكرا لك لإهتمامك وسعة صدرك تحيــــــــــــــــــــــاتي |
والله انصحك وترى تركيبه ماياخذ ثلاث دقايق او اقل ومرة مايوجع انا ماحسيت الا بالحديدة الي تحطها عشان تخلي الرحم مفتوح بس لاني كنت ميتة خوف وشادة على نفسي حتى هي تقولي ليش كذا ارخي عشان اقدر ادخل اللولب
قولي لزوجك وتوكلي بس توقعي انه اول ثلاث شهور بيطفشك بس خليك حريصة وهذي اهم شغلة حطيها في بالك الزيارات للدكتورة عشان تكشفي عليه واساليها عن الجماع كيف وعن اي سؤال لان في بعض دكاترة مايتكلمون الا اذا احد سالهم ولاتنسي تبشرينا اذا ركبتيه:d |
| الساعة الآن 06:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©