|
كيس جنين وكيس دم ..... ما الحل ؟؟؟
السلام عليكم ورحمة الله وبركاته...
بداية انا عندي بنوتة 6 سنوات وولد سنتين وماكان ودي احمل بالهوقت وكنا نمنع عن طرق الحسبة الي هي اول ثلاث ايام بعد الدورة مسموح والعشرة ايام الي بعدها ممنوع والعشرة الاخيره مسموح.... المهم تأخرت علي الدورة لمدة اسبوع وشكيت في الامر مع اني ماكنت حاطه في بالي اني حامل الكن للأطمأنان شريت تحليل منزلي وحللت وهنا كانت المفاجأة (حااااامل) :24: حمدت الله وشكرته نعمة من الله اللهم لااعتراض الي هنا مافي مشكلة بعدها بأسبوع رحت للدكتورة عشان اطمن على البيبي وسوت لي فحص سونار المفاجأة ان الدكتورة شافت كيسين واحد صغير وواحد كبير قالت احتمال يكون توأم وواحد ضمرر مانمى وواحد كبر لكن بعد التدقيق شافت ان الكيس الكبير عمره شهرين وانا من تغسلت من الدورة ماصار لي شهرين آخر دورة كانت لي بتاريخ 21 رمضان فقالت احتمال يكون الكيس الكبير مو كيس جنين انما كيس دم متجمع وبيحصل لي نزيف فيما بعد وبيسقط معاه الجنين والكيس الصغير هو العمر الصحيح للجنين بحساب آخر دورة لي الدكتورة كانت محتارة فقالت لي مانقدر نعرف الحين انتظري اسبوعين بعدين تعالي نشوف ايش صار معاكِ ولازم تكوني محسورة اذا جيتي عشان نتأكد صراحة خوفتني اول مره اسمع بكيس يتجمع فيه الدم عشان ينزل بعدين وكمان اول مرة اشوف كيسين واحد صغير وواحد كبير هل احتمال يكون توأم او كلام الدكتورة صحيح كيس دم فيه احد منكن صار له نفس الي صار لي وهل سمعتوا من قبل بكيس يتجمع فيه الدم قلقانة جدا وهل اصبر اسبوعين ولا اروح لدكتورة ثانيه رأيكم لو سمحتم والسلام ختام |
إن شاء الله يكون توأم
روحي لدكتورة ثانية عشان تطمني أكثر |
روحي لاستشاريه احسن
|
اقتباس:
ان شاء الله يكون توأم من جد قلقانة وبحاول اروح لدكتورة ثانية وتأكد مشكورة على المرور |
اقتباس:
مشكورة على المرور |
على فكرة انا كنت حامل خارج الرحم قبل لاأنجب الطفلين فماادري له علاقه بلي حاصل لي الحين ولالا مخي مشوش ويودي ويجيب ياليت الي حصل لها نفسي تطمني ولهاكل الشكر |
اهلين حبيبتي .. ولاتخافين .. ان شاء الله امرك بسيط ..
انا مره صارت معي كذا وتاخرت الدوره وتوقعت اني حامل .. ولما رحت للدكتوره قالت ان فيه كيس بس مو جنين .. وهو بعد فتره ينزل من نفسه وبدون ما تحسين .. وبالفعل لما زرتها وشافت ما حصلت الكيس .. بس مو متذكره كم اخذ من فتره ونزل .. تطمني اختي وما يصير الا كل خير |
الله يطمنك يارب
قلقتيني الله يسامحك بجد شي غريب بس لا تنتظري كثير روحي دكتورة ثانية شاطرة أو دكتور وحاولي تتأكدي الله يريح بالك تحيـــــــــــــــــــاتي |
اقتباس:
مشكورة على ردك يعني اتوقع نزوله في اي وقت بس انا محلله وطلعت حامل يعني كيس جنين وكيس بينزل الله يستر مشكوره حبيبتي وان شاء الله مايصير الا الخير |
الله يكتب لك الخير يارب
بجد أمر غريــب كان ودي افيدك لكن ماعندي أي معلومات عن هالامر طيب الدكتوره الي رحتي لها ممتازه في الشغل ولا لا!!! |
| الساعة الآن 09:52 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©