|
:: الصبغ عقب الحنا السوده ::
السلام عليكم ورحمة الله وبركاته ..
كيف حالكم يا جميلات منتدانا ؟؟ عندي لكم سؤال .. الصراحة ودي اصبغ شعري .. وانا من 7 شهور كنت محنيته بحنا سوده .. بس صديقتي قالت لي انه اخطر شي الصبع على الحنا السوده يحرق الشعر !!! فهل هالكلام سليم ؟؟ وهل حد منكم مجرب ؟ وشكرا :) = |
مايحرق الشعر اختي ... لكن لون الصبغه اللي اللي راح تصبغيها ماراح يبان لونها زين ...
واذا بعد اختي انتي عامله تمليس او يوكو لشعرك مايصبغ .. واذا صبغ راح يكون من مقدمه الراس لون واخر الشعر لون ثاني... بس انتي جربي حطي بطرف شعرك وشوفي اللون اللي يطلع لك ... يمكن يصبغ اذا كان الحنا من فتره طويله ... لأن شعرك بيكون طال شويه ... هموووم |
اقتباس:
ولا اهني مايعرفون حنا !! يعني لو قلت لهم بيقولون ماندري .. ماتخيلين اشلون ابي اصبغ شعري تمللت من الاسود ... مادري اشلون فكرت اني احنيه .. يلا الله يعيين .. عموما مشكوره اختي وماقصرتي :) |
انا مجربة حطيت ملعقة حنا سوداء مع حناء حمراء
ولما صبغت بعد تقريبا 6 شهور ما صبغ بس صبغ الشعر الجديد طلع شكلي يضحك خخخخخخخ :d انتظرت لما طال شعري وقصيته بعدين صبغت نصيحة من اختك لا تستخدمين الحنا السوداء نهائيا لان كثير منه مغشوش انا اعرف وحده استخدمت حنا اسود وطلع مغشوش وانعدم شعرها مررررة تحيااااااااااتي |
اللون الجديد ماراح يظهر ابدا الا في الجذور فقط لانها جديده ومافيها صبغه
وبيكون الشعر لونين وشكله مو حلو الله يعينك تنتظري سنه او سنتين الى ان يزول اللون الاسود الاسود حلو بس متعب لما نمل منه ونبغا نغيره |
شوفي اختي اني حطيت حنة سوداء والحلاقة نصحتني لي ان لا اصبغ شعري لمدة سنتين لان ذلك سيؤذي الشعر
والله اعلم........ ولك خالص تحياتي |
| الساعة الآن 12:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©