|
فين أعمل تصوير ثلاثي ابعاد للجنين في جدة؟؟وبكم؟
السلام عليكم ورحمة الله وبركاته...
انا حامل في شهري الخامس وسألت الدكتورة عن أفضل توقيت لعمل التصوير ثلاثي الابعاد "اللي يوضح تفاصيل شكل الجنين وملامحه" وقالت لي في الشهر السادس يعني الشهر الجاي ان شاء الله بس قالت لي مافي في مكة مافي الا في جدة... مين تقدر تحدد لي اسم مستشفى معين يعمل هذا التصوير؟؟ وبكم ســــعـــــــــره؟؟ وهل له اضرار على الجنين لا قدر الله؟؟ الناس اللي جربوه هل هو فعلا يعرض شكل ملامح الجنين بصوره واااااااضحه؟؟ وجزاكم الله خير،،، |
حبيبتي الله يقومك بالسلامة
بالنسبة للتصوير اللي يظهر ملامح الجنين يسمى الرباعي وهو موجود بمستشفى عرفان أنا عملت الثلاثي وسبحان الله يبان لون الجلد والجسم والوجه بس مش واضح زي الرباعي رغم اني ماعملت الرباعي بس حاطين اعلانات بالمستشفى عنه وصور ملامح لأجنة والله مااتذكر سعره بالضبط.............لكن عندي ملف كامل عن هالتصوير واش فايدته ومتى يتعمل للحامل أعطتني اياه دكتورتي لأني كنت اراجع عندهم في الحمل اذا تنتظري لبكرة الصباح اشوفه واعطيكي المعلومات ........لأن زوجي نايم وماأقدر افتح الأنوار وادور الله يسهلك حملك وولادتك على خير تحيـــــــــــــــــــــــاتي |
انتظرك لو بعد اسبوووع مو بس لبكره بس ياريت تسألي زوجك يمكن يكون متذكر بكم سعره؟؟
حتى لو سعر تقريبي وجزاكي الله خير... |
شوفي حبيبتي
لما تعمليها أهم شي مايكون تعديت الأسبوع 31 وتبين تفاصيل وملامح الجنين بصورة واضحة ويعطوكي كمان شريط دي في دي للتصوير تحتفظي فيه زوجي يقولي والله أعلم حطي بحسبتك 700 ريال ويمكن 600 أنا لما عملت الثلاثية كنت مضطرة لأن المشيمة كانت منفصلة جزئيا والدكتور جلس يشوقنا للرباعي وإنكم تشوفوا وجه البيبي وغيره أنا اتمنيت اسويها بس زوجي اقنعني إنها غالية وماتستاهل هالسعر قلي خلاص هانت قريب إن شاء الله والبيبي قدامك اتفرجي فيه زي ماتبغي أنا بنصحك خذي من الإستعلامات رقم عدة مستشفيات تعملها مثل التخصصي ........فقيه..............المتحدون واسألي عن اسعارها وشوفي الأرخص لأن عرفان لاحظتهم كل شي عندهم أغلى من المستشفيات الثانية الله يقومك بالسلامة حبيبتي تحيــــــــــــــــــــــاتي |
حبيبتي انا سويته بمستشفي باقدو والدكتور عرفان ..
الدكتور اسامه عبد الغني .. المبلغ حوالي 600 ريال .. |
انا عملت الثلاثي والرباعي
بس بالاردن مش بالسعودية ... ما بيكون واضح متل ما بتتخيلي خصوصا اذا ما كان وجه الجنين لقدام طبعا الرباعي افضل وعملتو ب 40 دينار ... بتعادل 200 ريال ما بعرف ليش غالي عندكم هيك مع العلم 40 دينار غالي عنا والغالبية ما بيعملو |
جزااااكي الله خير الماسه كفيتي ووفيتي اقر الله عينيك بأولادك ورزقك برهم...
والشكر موصول لاختي رومانسية عاطفيه وعزيزتي ام عبدالله جزاكم الله خير جميعا... بانتظار تفاصيل اكثررر لمن تستطيع افادتي... |
| الساعة الآن 05:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©