ممكن يكون الطفل نايم وهو جوعان ؟؟
 

السلام عليكم انا صرت ام جديده ولدت في تاريخ 4-11-2008 :22:

وواجهت مشكله في الرضاعه انه كان صدري ينزل دم وبنتي رفضت ترضع مني وانا كمان رفضت اني ارضعها لحتى ما اعالج قصة الدم الي بنزل مع الحليب المهم الف شكر لربي راح الدم وصرت ارضعها بس بشعر انها ما بتشبع مني وكل شويه لازم ارضعها تعبتني كتير وهلكت وانا كل النهار بس جالسه ارضع فيها
وانا كتير حزينه وتعبانه نفسيا وشكلي رح ادخل في اكتئاب من قصة الرضاعه وبصبر في نفسي بس خايفه على البنت بأختصار مشكلتي اني مش عارفه ازا بتشبع مني وله لا البنت
مرات بتكون تبكي كل النهار وانا بضلني كل النهار قاعده برضع فيها ومرات بتقضي يومها نوم ولا بشعر فيها

الف الحمدلله على السلامة
لا الطفل بياخد كفايتو من حليب الام وبيشبع
ما تشتغرب يالاطفال بالشهر الاول بس يقضوا الوقت اما نوم او رضاعة
الله يخليها الك

شكرا على ردودكم وجزاكم الله كل خير

مادام انها نامت معناته انها شبعانة

الطفل لما يكون جوعان ماينام اصلا

واذا شبع ونام ، وبعدين جاع تلاقيه يبكي او يصحى

لاتقلقي البداية تكون صعبة عليكي وعليها لحد ماتتعود

انتي عموما حاولي ترضعيها كل ساعتين

والله يعينك