|
كيف اعتذر لزوجي ؟
هذا الرابط عشان تفهموا اللي عندي بالكامل
http://www.66n.com/forums/showthread.php?t=176061 قبل كم ليله تخانقنا انا وزوجي ودخل هو عشان ينام انا رحت وصحيته من النوم وسئلته انت تحبني؟ قال لي لا انا انقهرت مرررررره وصرت اصارخ بصوتي قوم اطلع برا واضربه وكنت اقول له انا عارفه ان محد يحبني وانت الحين اكدت لي هذا الشي وكنت اضربه وانا اقول له اطلع برا انا ما ابيك خلني لحالي (لاني اذا تضايقت احب اكون لحالي وابكي وافكر) وفجأه ماشفت زوجي الا دفني بقوة وضربني وقال لي اي انا ما احبك ومن بكره الصباح ما ابي اشوفك في البيت وان شفتك ياويلك وطلع من الغرفه وانا لا شعوري لبست عبايتي وطلعت وكانت الساعه بحدود 11 بالليل وضعت بالحاره ماعرفت وين اروح وهم ما ابي ارجع البيت وكنت ارسلت رساله لزوجي( الغرفه فضيتها لك واغراضي كلها موجوده وما اخذت شي وانتبه لكوثر) كان يدق علي وانا ما ارد ليش ما ادري بس بعدين رديت عليه سئلني انتي وين قلت له ما ادري قال لي شلون ماتدري قلت له والله ما ادري بس انا قريبه من محطه بنزين جى واخذني ومارضيت ارجع البيت بس رجعني غصب وحضني وقال لي انا اسف بس انتي عصبتيني بالحيل وماقدرت امسك نفسي عارفه اللي سويته خطأ وزوجي اليوم سافر ارسل له رسالة اعتذار او انتظر لين يجي واعطيه هديه (مع الرغم ان ظروفنا الماديه ماتسمح بهدايا)؟؟؟؟ |
الي سويتيه خطأ وبعد الي سواه خطأ ..!
خلاص الموضوع لحد هنا انتهى لاتعتذرين ولاتعطينه هدية ولاشي .. تصرفي بطبيعتك واانسي الموضوع .. |
اختي زوجك فريد من نوعه يصبر كل هذا منك ويعتذر
حافظي عليه ولاتزعلينه مافعلتيه حاولي لا يتكرر وخير هدية هو اسلوبك معك يكون رائع حتى تكوني اسرة متميزة عكس ما عشتي فيها |
ماكان المفروض تطلعين من البيت بالشكل هذا !!!
والصباح رباح وتنحل ان شاء الله كل شي الله يهديك بس |
كلكم غلطانين
وماله داعي الهديه الي المفروض يصير هو جلسة مصارحه ووضع النقط على الحروف والمعاهده من الطرفين بعدم تكرار الامر لان الي صار ماله داعي وكبرت السالفه على شئ بسيط |
الله يهديك مصحيه زوجك من النوم تقول تحبني الوقت مناسب جدا!! وبعدين تطلعين اخر الليل لحالك فيها خطر كبير اختي لو كان يموت فيك وصحيتيه من النوم بيقول لا مااحبك لازم اعتذار وجو رومانسي وعدم تكرار الخطر الله يسعدكما |
,
, لاحول ولا قوة إلا بالله إيش طلعت بالحاره وضعت ولا كأن في رجال بالبيت مع أن المشكلة بسيطة بعدين لأول مرة أسمع أن مرأة تضرب زوجها وتقوله إطلع بره الغرفة الظاهر زوجك قلبه طيب لو زوجتي تخرج وقت المشكلة إلى الحاره لدفنتها في المكان الذي لقيتها فيه أختي من شروط دخول الزوجة للجنة طاعتها لزوجها , مو ضربه والصراخ عليه وبعدين تبينه ينسى الي صار بهدية ..!! , , |
انا اعترفت بغلطي وقلت له انا غلطانه بس حابه اعتذر له بحركه تنسيه السالفه
بالنسبه للحركات الرومنسيه انا على طول اسويها له ما اتوقع راح يعتبرها اعتذار كمان كنت اسويه عشا اعتذار اذا غلطت في حاجه واعتذ له وبالنسبه لخروجي من البيت انا طلعت لاشعوري ولا كيف ارسلت لزوجي الرساله انا عارفه بصميمي انه راح يجي ياخذني بس ماكنت حاطه في بالي للبيت كنت حاطه في بالي اروح بيت اخوي |
الله يخلف على زوجك وشو اضربه واقوله اطلع برى الضاهر ان اهلك شماعه تعلقين عليه اخطائك اهلك اخطوا معك لكن انتي ليش الحين تخطأين بحق زوجك وبنتك المفروض بعد عملتك والكلام الفارغ الي قلتيه ... الله يهدي سركم
|
مهما قلت وتكلمت عن اللي سوه اهلي فيني ربي يسامحهم ماراح تحسوا باحساسي الا اللي عاشت الاضطهاد اللي عشته الحين انا ماعلقت خطأي باهلي بالعكس انا معترفه اني غلطانه وبليز بلاتجريح فيني بصراحه انتوا مو فاهميني ومستحيل احد راح يفهم شعوري لحظتها قمة في الانهيار العاطفي وان ضربت زوجي فهو عارف اني في لحظه انهيار عاطفي وتاثير نفسي لحد هنا ماراح اتناقش مع احد الا اللي يعطيني افكار لانكم ضايقتوني ونزلتوا دموعي وانا اذاكر وعندي اختبار شهري بكره وانا ما الومكم بالعكس انا مانزلت هذا الموضوع الا ومتاكده ان في ناس راح تجرح فيني بس ماتوقعت الجميع عموما مثل ماقلت لكم ماراح ارد على احد الا اللي يقول لي عن حاجه تخص الاعتذار
|
| الساعة الآن 04:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©