زوجي ينام في غرفة اخرى...ياهل الخبرة كيف ارجعه الي ؟
 

حصلت بيني وزوجي مشكلة كبيرة بسبب اهلة خرج من غرفه النوم واصبح ينام في غرفه اخرى تركته لكي يهدا بالرغم اني حاولت ان احل المشكله واصلح الحال
الى الان وبعد اسابيع مازال الحال كذالك بل اصبح يقفل الباب بالمفتاح لكي لا ادخل عليه
انا متضايقه من هذا الوضع لانه سيادي الى امور كبيرة وانفصال جسدي وتعود على هذا الحال
يااهل الخبرة من الرجال كيف ارجعه الي ؟؟؟؟بالرغم انه متهور وممكن ان يفعل اي شي غير متوقع ؟؟؟
عفوا قصتي غير مكتمله لكن اعدكم ان اكتبها قريبا ....انتظر ردودكم

عفواً تم تعديل العنوان ليتضح المضمون
الإشراف

حبيت بس ادعيلك الله يهدي زوجك ويصلحلك الاحوال ..
احكيلنا قصتك وان شاء الله نلاقيلها حل ..

يا اختي العزيزة اكتبي قصتك علاشان نساعدك

منتظرينج

طلعى مفتاح تانى للغرفة وافتحيها عليه و صالحيه قبل ما تتطور الأمور

رغبتك في مصالحته فهذه اول الخطوات الجيده بالنسبه

لك فحاولي معه وبأذه الله سوف يلين قلبه لك ويرجع

وتقبلي خااالص شكررررري

مساء الخير عليك

بادري باصلاح الحال قبل لايتعود علي النوم بمفرده

وحتي لو صارت مشكله مع اهله مو مبرر انه يترك غرفه النوم
الله يسير لك الخير

اشكركم جميعا فعلا كنت احتاج لمن يسمعني ... عشت مع زوجي مشاكل مختلفه بكل انواعها وتشعباتها
من العلاقات الخارجيه وانا عروس ترك الصلاة الى الطلاق وانا حامل الى اتساع الفجوة بيننا الى عدم الاتصال والتواصل فقط ازواج بدون روح واذا تكلمت او شكيت له شيئا اندم لانه سوف يذكرك به ويتخذه ضدك طول العمر ؟؟؟
سبحان الله الذي يسمع عنه او يجلس معه الجلسه الاولى تقولون ماهذا الرجل المثقف والمتفتح لكنه في الحقيقه ليس هكذا ....
اصبر على تهوره وكلامه الاذع والجارح في وفي اهلي وعلى ضربه
والديه يسكنان معنا
قبل اسابيع كانت امه جايه واخوة والله ماعرفت الا قبل ساعات حتى كنت نايمه وانا الي اتصلت ولا ماكنت ادري ...حسيت اني شي غير مهم في البيت حتى الشغالة يقولولها عندنا ضيوف وانا اخر من اعلم
فقط سالته هذا السؤال ليه ماقلت لي ؟؟؟انهال علي بكل الشتايم واني ماتربيت وتهديد وكان ابوة يسمع بس
تجهزت وجهزت البيت سريع الي اقدر عليه لا نوم ولا اكل لاني جيت من الدوام انتظره
جا واعطاني النصيب من التهديد والوعيد احسست انه الى متى انتظر واصبر على هذا الحال ؟؟؟
دخلت الحمام وجلست لين هدات ؟؟؟؟؟؟؟؟المفاجاة انه جا وقال انه ايستاجر لاهله برى ؟؟؟؟؟؟انا الى الان لا اصدق جلست على السرير من الصدمه مثل الخشبه
وما اصدق خرج معاه ابوة وفعلا استاجر لهم واستقبلهم في شقه مفروشه ؟؟؟؟؟؟؟
ترى انا اكتب وماني مصدقه الي اكتبه
ليه ؟؟؟اعرفه انه متهور لكن مالهذه الدرجه طيب انا ايش ذنبي ؟؟؟للمعلوميه من خبرتي مع المشاكل معاه اذا حس انه هوالي اينلام يقلب الطاوله ضدك وهو الاقوى اولا واخيرا
الحين الحال متراكم ومشابك جهه من اهله الي سووا مشكله مع اهلي وانهم ايزوجوة من معاملتي هذه لاني رفضت استقبلهم ومن جه زوجي الي قرر الخروج من الغرفة والنوم في غرفه ابوة
الصاعقه اني بعد ماطلبت اني اذهب اتسامح معاهم رفضوا بشدة وهذا الي المني لاني والله العظيم لم اقصر معهم عندما كانوا هنا بل كنت تاركه البيت لامه مثل ماتريد ولا افتح فمي ابد
واذا تكلمت معاه قال مافي مشكله ليه تتسامحي
احس انه هو الي كان يبغى يخرجهم وحطها علي ؟؟؟
لكن الله المستعان ولدي اصبح متاثر ؟؟لا اعرف كيف اتصرف القطيعه صعبه الكل يعرف نهايتها ...
اريد ان يتربى اولادي في جو عائلي مهمها كان الثمن من
قبلي تركته حتى يهدا فانا حامل واحتاج للهدوء الان نزل وزني 2كيلو صار واضح علي الهم بس ياترى ايش اتكون النتيجه ؟؟
بالنسبه للمفتاح ماعندي مفتاح ثاني بس افكر اكسر مفتاح في القفل عشان مايقدر يقفل الباب
هذا الاسلوب يريد ان يستثيرني لاعمل مشكله واقول انه رجع لعلاقاته ....
كيف الحل ماذا اعمل ؟؟؟