|
مشاكلي مع ابني
السلام عليكم ورحمة الله وبركاته والله ماادري اش بقول بس حاسة اني مقهورة طبعا انا وولدي دايما في مشاكل كل يوم الصباح يتعبني لما يقوم وانتظره يطول بالحمام الله يكرمكم رغم اني اجهز ملابسه كل يوم من الليل وينام بدري بس ماادري اش فيه اليوم كذا يصحى بالقوة وفطرتو ولبستوا وكل شي جاهز ماعدا الجزمة مالبسها يبغى يلبس الجديدة واللي مخصصتها للخروج يعني زيارات او ملاهي مطاعم وغيره....... وانا من اول مجهزة كذا جزمة للمدرسة بس اليوم عصب ويقول ماابغى اللي بالحبال بس تنفك علية يبغى الجديدة ورفضت وجلس يبكي ولبستو وحدة ثانية بالحبال ودموعه على خدو جاني ابوه وقال حرام عليكي خليه يلبسها مرة وحدة بس وانا بشتري له بعدين انا رفضت وقلت لو ماعنده رياضة كان خليته يلبسها بس مع الرياضة بتتوسخ وتنعدم بالتراب طبعا خرجوا الإثنين زعلانين مني........... ياناس هل انا غلطت ..........حاسة بقهر على ولدي وطول الوقت افكر فيه ياليتني خليتو يلبسها .............أنا أحبه بجنوووون واخاف عليه بس الولد صار عنيد وعصبي ومايتفاهم اتغير من يوم دخل المدرسة كان حبوب ويسمع كلامي واي شي اقوله يقولي حاضر ماادري اش صار فيه...........هل يكون من المدرسة؟؟؟ ام اصحابه؟؟؟؟؟؟ والله احترت ونفسي يرجع مثل اول ........ ياليت احد فيكم يحكي لي تجربته مع اولاده اول مايدخلو للمدرسة كيف بيكون تعاملوهم وهل عادي هالتغيير .؟؟؟ وجزاكم الله خير تحيــــــــــــــــــــــــــاتي |
صباح الخير اختي الماسة
انا الصراحة ما عندي اطفال بس اتذكر و انا صغيرة كنت عنيده في روحتي للمدرسة بس الوالدة و الوالد الله يطول اعمارهم يارب كانو يطولو بالهم عليا حتى اروح كانت امي ترغبني بالروحة للمدرسة و تقول اذا صحيتي بدري بكرة اوعدك اعطيكي ريالين بدل ريال او بابا يعمل الفطور اللي احبه و اذا جا يصحيني يقول عملتلك اللي تحبيه و جبتلك حلاوة تاخذيها المدرسة لك و لصاحباتك و انا بنت للاسف سهلة الاغراء بالأكل :d:d:d يعني انتي قيسي على ذلك الامور اللي يحبها ابنك يعني مثلا اوعديه في يوم انه اذا اسبوع كامل صحي بدون تأخير و سمع كلامك اخر الاسبوع يقرر هو فين مكان الفسحة الاسبوعية العائلية او مثلا و هذي حركة حلوة تعطيه مصروف اخوانه امانه عنده و تقوليلو كل يوم تطلع منه مبلغ معين لاخوانك و بكذا يكون في نوع من المسؤولية منه تحسسه بانه مهم وجوده في الصباح و مهم يحضر اخوانه قبل الخروج للمدارس و هكذا وانتي ادرى بابنك و ما يحب سامحيني طولت عليكي بس افكاري مشتته |
:d:d:d:d:d
والله ضحكت غصب عني سامحيني غاليتي لو فكرتي فيها صح كان ما تضايقتي طبيعي الطفل ما يحب الجزمة (الله يكرمكم) اللي فيها حبل انا شخصيا اذا كنت ابا آخذ اليهال معاي مشوار انبه انهم ما يلبسون بو حبال لان كلنا نضايق منها.....وكل شوي لازم تفتح وهو طفل وفي المدرسة يتحرك كثير يلعب يمكن يضطر انه يخلعه فحوسه..... اقولك مثال عن أحفادنا هاذي صيحتهم للمدرسة كبيرهم على شطارته وفطانته ما شاء الله عليه بس عليه عنااااااااااد على قعدة الصبح والوالدة احيانا تجيبهم بالطيب واحيانا بالعصا او احيانا تاخذهم بالحيلة اتقول اللي يجهز قبل بعطيه حلاوة.... حبيبتي افتحي المجال قدامه انه يختار اللي يبا يلبسه حتى ولو كان جديد وخيريه بعدها اذا وسخه ماراح تشتريله واحد ثاني ولما يروح الالعاب ماراح يدخلونه لان الجزمة وسخة غير عن باقي الاطفال....اخذيه بالسياسة وحاولي تكلمينه على انه رجال كبير ومسؤول عن قراراته وبعدها راح يفكر فعلا اذا توسخ ماراح يقدر يلبسه مرة ثانية وما يقدر يلعب الالعاب.... اذا رجع حاولي تاخذين بخاطره واتسويله مفاجأة وديه السوق وخليه يختار الجزمة اللي يبيها باختياره.... طولي بالك ترا كل الاطفال نفس الحال ان شاء الله لو كان آخر يوم للمدرسة بس يحاولون يطلعون الأعذار الخيالية لأي شي.... |
اقتباس:
الله يسعدك ويرزقك الذرية الصالحة يارب بالنسبة اني اخذه بالسياسة فما قصرت والله كم مرة اصحيه بدلع واعطيه مصروف زيادة لكن طالع فيه عناد مو طبيعي افكارك حلوة والله وبإذن الله بجربها معاه وياليتها تنفع جزاك الله كل خير حبيبتي تحيـــــــــــــــــــــــاتي |
طبيعي الأطفال لما تدخل المدرسة تتغير خصوصا الأولاد أنا شفت أخواني لما دخلوا المدرسة صارو مزعجين ومشاغبين وأهم شي صارو عنيديييييييييييييييييييين وكلما كانو يكبروا يزيد عنادهم حتى تخلص فترة المراهقة
بس بصراحه أبنك كسر خااااااطري لأنه راح المدرسة وهو زعلان أذكر نفسي لما كنت أروح المدرسة وأنا زعلانه أجلس حتى أرجع البيت وأنا متكدرة الله يوفقك |
اقتباس:
أقسم بالله حتى انا ضحكتيني الله يسامحك ياحرم انا عارفة انهم مايحبوا الجزمة ام الحبال بس هو اللي اختارها واشتراها لا وكمان اخذ وحدة سودا ووحدة حمرا والان جاي يتشرط علينا ماابغى البسها الله يحفظ لك اولاد اخوك واختك ويعينكم عليهم مع الصباح أنا إن شاء الله بخليه اليوم يختار بنفسه الجزمة اللي تعجبه والله المستعان لكن صدقيني مدلعته بمافيه الكفاية ومحسسته انه الكبير والفاهم والعاقل وطلباته مجابة.........يمكن هذا اللي خلاه يتمادى ويصير عنادي وعصبي في كل شي الله يسعد قلبك يارب وماتقصرين ياقمر وعقبال تفرحي بعيالك واشوفك تشتكين منهم وتطلبين مساعدتنا في هالقسم تحيــــــــــــــــــــــــاتي |
اقتباس:
اه لاتزيديني الله يسعدك ياندى والله انا اللي كاسر خاطري احبه موت موت الله يحفظه لي ........بس ماعاد اتحمل عناده وعصبيته زيدتيني شوق......إلى سن المراهقة ...........الله يصبرنا ويعينا الله يوفقك ويسعدك ياندى جزاك الله كل خير تحيـــــــــــــــــــــــــاتي |
حبيبتي كانك توصفي بنتي نفس الشي عمرها6ونص نفس الحركات كل يوم تطلعلي بشي
يعني مثلا هي ماتحب الكنادر (الله يكرمكم ) بتحب الصنادل طيب للشتا لازم كندره وطقم العيد كحلي واحمر تخيلي بعد مااخترت كندؤا حمرا جابتلي سودا ومو حلوه ابدااااااا حكتلها لا<<< صارت تبكي راح ابوها اخدلها اياها قال حرام بنفسها اما اللي انا اخترتها رجعها ليه ؟؟؟ لانها حكتله انه مارح تلبسها ابدا بنتي ماكانت هيك كانت وديعه من جد ماتطلب كنت البسها زي مابدها واعملها شعرها زي مابدي الحين مو على كيفي لا كلامها لازم يمشي وانا ويلي اخوانها وويلي البيت فبتركها غالبا ابوها يتفاهم معها مبارح جاتني بدي شنطه جديده للمدرسه وانا جايبالها اصلا شنطة فله الاصليه يعني غاليه مو رخيصه قلتلها التيرم الجاي بنجيب تانيه قالتلي لا انا بدي شنطة فله يلي بتنحط على الكتف قلتها ان شاء الله التيرم الجاي صارت تبكي طول اليوم وتجري وراي بدي شنطة جدييييييييييدة طيب اهدي مافي فايده اجا ابوها حكالها ولا يهمك طبعا انا رافضه مبدأ اعود الصغير انه كل مابده شي اعمله اياه وزوجي بقولي معليش حرام طيب بكره ماحقدر اسكرها اذا فتحتها الحين يعني حبيبتي كلنا بالهوا سوا وانا كنت مفكره اني انا مدلعاها زيادة او لاني التهيت عنها بتحاول تلفت الانتباه من جد الله يعين كل الامهات الحين حسينا بامهاتنا المساكين قديه تعبوا معنا موفقه حبيبتي تحياتي |
الله يهدي بنتك ويهدي ولدي ياكريستال
ويصبرنا عليهم بجد فيهم عنااااد مو طبيعي اليوم جاني حبيبي بعد الظهر لما رجع من المدرسة وسلم على يدي وراسي وقالي كيف حالك ياماما تصدقون اني ندمت اني زعلته اليوم الصباح ان شاء الله بحاول اهدي نفسي ولو إني اعرف بتضايق لما يدلع علية الله يصلحه شكرا لك كريستال ويعطيك العافية تحيـــــــــــــــــــــــــاتي |
الماسه ماشاء الله تبارك الرحمن عليه شكله هادي
بتعرفي احنا بيلين الهم قلبنا مهما عملوا لانهم بجننوا عقبال ابني عبودي في يوم من الايام يعملي هيك <<< حاله ميؤوس منها ابني ولايمكن بس بنتي والله كل ماازعلها ياحياتي بشفق عليها لانها لابتهش ولا بتنش حيلتها البكا بس عشان هيك بتلاقي ابوها بخاف على زعلها بدك الصراحه انا بضلني اخاف عليها يجي اليوم اللي مااقدر اسيطر عليها خاصه مع شوفتي لبنات هاليومين ياللي بطلع منهم كل شي نفسي اعودها انه مو اي شي بايد غيرك لازم يكون بايدك لازم تتعلم انها تكون مميزة ماتجري ورا الموضة والكلام الفاضي عشان هيك بتلاقيني نفسي ماتضل عنيده وكل مااشوف عنادها بخاف يصير عادة عندها .. الله يهدي ولادنا ويوفقهم ويجعلهم من الذرية الصالحه البارة يارب العالمين .. تحياتي |
| الساعة الآن 08:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©