|
انا ماعندي ذووق------مااعرف اللي يناسبني
السلام عليكم ورحمة الله وبركاته
بصراحه ماعرفت المكان المناسب لموضوعي انا مشكلتي من يوم ماانخلقت الى الان ماعندي ذوق في الملابس ومااعرف ايش اللي يناسبني---------وانا مافيني انوثه زي باقي الحريم دائما عفشه بكل شي بملابس بالكلام بمشيتي بجلستي بكل شي-----وصوتي------- اللي يكلمني يقول من انت--- اشوف زوجة اخو زوجي ماشاءالله عليها اش ذوق اش اناقه-----ولا بنات اخت زوجي انحرج لما اروح معاهم السوق --لايشوفو ذوقي بالملابس---------- والله حتى زوجي يقولي انتي عفشهحتى مع عيالك-----مره رحت السوق مع زوجي وريته تايور اعجبني فتح عيونه على الاخر:eek:وقال هذي والله انتي ماعندك ذوق انا انحرجت لان الموقف دائما يتكرر وانا ماالبس الحين على ذوق زوجي----الكل يمدح ملابسي ---مايدرون انه ذق زوجي ملاحظه:انا ماني كبيره بالسن انا توني 23 وعندي ولد وبنت----- الله يخليكن هل فيه حل لمشكلتي لاني تعقدت فحياتي بسبب هالمشكله والله حتى اسلوبي في الكلام معدوم مافيه اسلوب--------- الله يخليكم اذا فيه حل لاتبخلون عليه فيه تكفون لاتطنشون------ استنى رايكم بفارغ الصبر |
حاول الأطلاع على ما هو جديد واختاري ما يناسبك ويناسب المكان الذي تعيشين فيه اخذي ذوق من حولك اذا تريهم يلبسون افضل منك اختي اعرف ناس ما عندهم في الذوق ومع الوقت واندماجهم مع صديقات لديهن ذوق راقي تحسن وضعهم وحتى حياتهم تغيرت الى الأفضل
عالم النت جميل وفي اشياء حلوه استفيدي منها وبيتغير اسلوبك الى الأحسن |
الحل بسيط كتير
انا دائما البس على ذوق الغير مثلا انزل السوق انا وصاحبتي الآن انا واولادي يقولون في الامثال: كل على ذوقك والبس على ذوق الناس انتي تقدري تغيري نفسك من غير ما حدا يحس انك عفشه ثم طريقة الجلوس كما تقولين افتحي اي قناة تلفزيون وخصوصا محطة الاناقه (ما تخبري زوجك) وراقبي العارضين وقلديهم ويوم ورا يوم الكل رح يلاحظ الفرق العارضين ما تحسبيهم نزلو من بطن امهم يمشو هيك كل يوم تدريب كذا ساعه حتى الرقص وهز الوسط ما فيها شي انتي عم تعدلي نفسك لزوجك تابعي الاناقه وآخر الموضه كل يوم وانتي تلاحظي التغير بنفسك واعتقد انو هناك محطات عن ترتيب الغرف والبرادي والشراشف وطريقة تنسيق الالوان صدقين اعطيكي شهر واحد مع هذه المحطات حتى المطبخ وتفنن الاكل وترتيبه بس تكوني عم تحضري اي برنامج عن الطبخ راقبي المطبخ وطريقة ترتيبو الحياة خبره وما حدا خلق معلم راقبي حواليكي بعيونك وبس بدك تشتري اي شي خذي معك حد وقولي له اليوم على ذوقك وكل مره يكون الشخص مختلف انا الآن مستحيل اشتري شي الا اذا اولادي مش معي خصوصا ابني عنده ذوق رفيع جدا اتمنى اكون افدتك ورفعت ثقتك بنفسك لأن اهم شي الثقه بالنفس ومعها تحل كل المشاكل |
انزلي السوق مع خواتك او صديقاتك ,
كل وحدة تختار لـ الثانية وتتشاورون مع بعض ومع تكرار المرات ,, راح تعرفين اللاشياء الي ذوقها حلو وبعدين الناس اذواق ورضى الناس غاية لا تدرك لا تتوقعين ان في شيء بالدنيا يعجب كل الناس حتى لو عجب الف والا الفين من الناس لازم يطلع لو واحد يقول لاا مو حلو ! |
وانصحك بعد تشوفي الملكان الي يعرضوا المحلات عليه اللبس الي يكون مثل وحده ملبسينها
راقبي التناسق كيف والتداخل في الألوان .. اما عن الأشياء الثانيه انصحك تشتري لك كتاب عن الأتيكيت .. بشكل عام في الحياة وراح تتعلمي منه الكثير |
بعطيك حل سهل ...
اذا رحتي لاي مجمع ودخلتيه شوفي ايش لابسه ( المانيكان ) .. والبسي مثلها ... او روحي محلات الماركه ..واخذي منهم .. انا احس انها تساعد ع الشياكه.. .. ولا تنسين الاكسسوارتا .. تراها تحلى .. وخليك لابسه كعب يعطيك انوثه .. واشتري تنوره مثلا حمرا حرير .. واخذي عليها ابيض ستان .. نسقي بس الوان .. وحطي اكسسوارت واستشوري الشعر .. تصيري روووووووووووعه .. ولا تنسين الروج :) اما بالنسبه للكلام .. والاسلوب تعلمي من الناس .. وحاولي تعودين نفسك ع التغير .. ولا تستحين لو احد قالك اش هالتغير |
أختي العزيزة ما راح أضيف على كلام العضوات بس عندي ملاحظة بسيطة وهي أنك لازم تكون عندك ثقة أكبر بنفسك وبذوقك.. وشوي شوي انزلي على السوق وشوفي المعروض ولا تنسي تدخلي على بيوت الأزياء دققي وطالعي في كل شيء و راح تتغيري ان شاء الله..
|
معلومة جديدة كنت اتوقع ان كل واحد يشوف ذوقة حلو
اعرف انو في تفاوات في الاذواق بس احسب كل واحد يشوف ذوقة حلو يعني بداية حلوة انك عرفتي نوعية ذوقك فااتوقع تقدري تغيرية بسهولة |
بتعرفي اذا دخلتي محل لتشتري وكنتي لوحدك اطلبي من صاحبة المحل
انو تعطيكي ثياب تناسب جسمك انا كنت احيانا اعملها وبس اجرب الثياب اسأل شو لايق عليي او نص نص مثل ما قالت الاخت انو اهم شي الثقه بالنفس |
شوفي حبيبتي اول شي لاتروحين محلات خرابيط حاولي تروحي محلات الماركات لكي ولعيالك ... هناك تلقين البضلعه معروضه على ملكانات زي ماقالوا الاخوات ... عندك مانجو هالسنه منزل بضاااااااعه خيال واسعارة تعتبر معقوله ... عندك زارا ... وعندك اكسسواريز ... ومحلات كثير لاتحظرني الان لكن البضاعه بشكل عام تكون جيده ... وتنفع للعيد
بالنسبه لمرت اخوكي ممكن تشاورينها وتاخذينها معك للسوق ... انا الحمدلله اعتبر نفسي انيقه ولكن هذا لايعني اني مااحب المشاورة ..حريم اخواني وخالتي ام زوجي وخوات زوجي وبنات عمي ...مااحب اروح بروحي اشاورهم ويشاوروني .. انتي بعد سووي كذا ولاتستحين من ذوقك هم بيعلمونك والخطأ يعلم .. |
| الساعة الآن 06:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©