ساعدوني يا اهل الكويت
 

مرحبا اخواني واخواتي

انا ان شاء الله على الاسبوع الجاي بروح مع زوجي واهلي الكويت طبعا انا واهلي اول مرة نروح الكويت بليييز دلوني على اماكن حلوة ممكن نروحها مجمعات واسواق الشعبيه وفي محلات زي المعلم رخيصة

فياريت افيدوني ابغا منكم
كل منطقة ايش فيها من مجمعات/ اماكن ترفيهيه/ مطاعم حلوة/اسواق شعبيه

وابغا منكم تدلوني على شقق فندقيه فخمة اهلي يبغون شقه فيها ثلاث غرف
وياريت تقولولي كيف اسعارها ..........
عندنا هنا بالجبيل شقق بودل الفندقية ولقيت فيها فرع في الكويت هل هي فخمة ونظيفه؟؟
الله يسعدكم ردو علي باقرب وقت لان ودي ارتب لهم الطلعات عارفين ودي ابيض الوجه مع اهلي:d

منت عاجبني يسلمووو
وياريت البقيه يفيدوني لاني ودي بالتفصيل

أهلا وسهلا بيكي وأهل السعودية الكرام بدولة الكويت .. و إن شاء الله تنورونها
وبالنسبة للآماكن الحلوة بالكويت عندكم مايلي :
1- الأفنيوز ( أكبر مجمع بالكويت مليان بالمحلات التجارية الشهيرة والمطاعم المعروفة والمقاهي والسينمات ) لا يطوفج
2- مجمع الكوت والمنشر بالفحيحيل ( مجمع جميل جدا يطل على البحر وفيه جلسات عائلية وايد حلوة ويحتوي على محلات وماركات عالمية )
3-المارينا مول والمارينا كريسنت ( مجمع بالسالمية يزخر بالمطاعم والمحلات التجارية والمقاهي المشهورة + مجمع مطاعم رائعة يطل على البحر ونادي لليخوت )
4- سوق السالمية الجديد ( ويقع عند دوار االجوازات وفيه محلات من جميع المستويات وأسواق شعبية ومطاعم وجبات سريعة صالة ألعاب للآطفال والسيتي سنتر ) أي تجدي فيه كل ماتحتاجينه
5- سوق المباركية للعطورات والبخور والملابس الشعبية والتقليدية واٍسعاره كويسة وحلو فيه من عبق الماضي .
6- أبراج الكويت مكان سياح حلو ويقدمون وجبات أفطار فقط للنساء يوميا ماعدا الجمعة
7- المدينة الترفيهية للأطفال والكبار
8- حديقة الشعب
9- حولي بارك
وغيره من المحلات الشعبية اللي تملأ الكويت ، أما النسبة للشقق الفندقية فأنا راح اسأل لكم و إن شاء الله اكون افدتكم لو بالقليل من المعلومات عن الكويت





[caution]الإشراف :إن شاء الله تكتب على هذا النحو (إن شاء الله)[/caution]

q8lady يسلمووو ماقصرت

وينكم ياهل الكويت

كويت ليدي ماقصرت
الشقق الفندقيه في حولي والفنطاس
اسعارهم من 60الى80 دينار لليله
اعتقد
وان شاءالله تستانسون

طيب اخواني حددولي وش افضل الشقق الفندقيه

أختي جودي و بس

الكويت قليل فيها الشقق الفندقية

أكثر ما عندهم الفنادق والاهيب ذاك الزود

هولدي ان السالمية معقول الغرفة بـ 60 دينار على ما أظن

و طالما أنك لقيتي بودل ، أنا ما شفتها في الكويت بس مستواها على العموم ممتاز

أن شفتها في الخبر مرة ممتازة

و يا مرحبا بأهل الجبيل