|
من حقي اطلب زوج ودود ..يهمني رايكم اتمنى المساعده
[align=center] م[align=center][/align]ساء الخير عالجميع..
لثقتي بمنتداكم ومرتاديه حبيت اعرض عليكم مشكلتي واتمنى منكم مساعدتي فانا في حيره ... قبل مااقول المشكله ابعطيكم بعض مواصفات زوجي الزينه والشينه عشان تقدرون تحكمون .. زوجيمن النوع اللي مثل مايقولون فري عادي عنده اكشف اتغطى البس قصير طويل بنطلون غيره مايمانع هذا مايعني اني مستغله هالشي او شايفته ميزه او عيب انا اصف فقط يهتم بنفسه كثير من ناحيه الشكل كلامه حلو لاكن في بعض المواقف فقط يعني مثلا اذا دقيت عليه او هو اتصل يرد هلا جبيبتي هلا عمري كريم واذا زعل مايرفع صوته بس يقول كلام ماينطاق مثل حريم طبعا يقولها بصيغة استصغار او السخريه او انا مااحب الحرمه الغبيه .... اذا بغيت اناقشه بموضوع اما يرد بطيب خلاص كل اللي تبينه بيصير من باب التسكيت لاني طبعا مااشوف شي يتغير او يعصب ويطلع من يوم ابدا اتكلم ويرفض الكلام طبعا بتقولون اختاري الوقت والاسلوب مابقيت وقت ماجربته وما بقيت اسلوب ماجربته اذا رجع اقول هاه يفلان ممكن نتكلم يرفع صوته وبلهجه حاده يقول لو سمحتي ماني فاضي ابغى انام اقول له طيب ممكن تعطيني عشر دقايق اقولك اللي عندي وعقب نام يقول ان ماسكتتي بطلع انام بالصاله ولا يجلس يسمعني ويقول انتي مين حاشي راسك العلاقه الوديه بيننا مقطوعه يعني مثلا مزح مرح مافيه يعني ماكانه زوجي العلاقه رسميه نوعا ما ومن ناحية العلاقه الحميمة مايحصل بيننا شي الا كل ابوعين مره واحيانا ثلاث او اكثر غيره عنده جوالين ومقفله برقم سري ولما سالته قال انتي مريضه شهالتفكير وطلبت منه يخليهم بدون رقم سري قال انا اقدر افتحهم واخلي ثالث بالسياره وانتي ماتدرين ارضي فيهم كذا احسن لك اذا جاه اتصال اما مايرد واذا سالته يقول هذا واحد بالشني وماابي ارد عليه او يرد ويرفع صوت التلفزيون مع اني اللي اعرفه ان الناس اذا جت تكلم توطي الصوت او مايرد وعقب عشر دقايق ياخذ جواله ويطلع من البيت واكثر الاوقات اذا فتح باب البيت داخل من الدوام يكون ينهي مكالمه غيره ا فتح المسن ممنوع اجلس جنبه والتبرير يمكن واحد من زملائي عنده سر مايبي احد يعرفه طبعا كل هالاشياء زرعت بيننا بذره شك او على الاقل عندي غيره اذا مارحت لاهلي فتره طويله يقول ليه ماتروحين لاهلك روحي ونامي عندهم واذا رحت ورجعت لبيتي الاقيه مقفل على نفسه غرفة النوم ولما سالته قال انا متعود كذا قلت له طيب اذا قفلت اسحب مفتاحك عشان افتح انا بمفتاحي قال لاانا متعود اصلا كذا من يوم اني عزوبي مع ان الشي هذا ماشفته الا قريب وللعلم انا صار لي ثمان سنين متزوجته غيره سمعت له مره اتصال مع بنت ولما سالته قال تتوهمين مع ان اختي بعد سمعته مره يكلم بنت غيره طريقة تربيته للبنات جدا سيئه دائما يخانقهم وينفر فيهم واذا دخل البيت يجلس في غرفته حتى لو جيته المغرب ومايبيهم يدخلون عنده واذا دخلة تهزئ فيهم طول الوقت واذا كلمته انه يحسن من طريقة تربيته لهم وان الواحد كل ماكان قريب من اولاده يكسبهم وان احنا لازم نزع فيهم الثقه بانفسهم زعل وقال عيالي مثل ماهم عيالي ومو انتي اللي تعلميني التربيه انسان متناقض اللي يبغاه اليوم يخاصم عليه بكرا غيره دائما حسسني انه متفضل علي بعيشتي معه وبما يعطيني ودائما يردد علي احمدي ربك اني اخذتك وغيرك يتمناني او انتم حريم تنكرون العشير واذا سالته ليه تقول كذا انا شسويت يقول هذا كلام الرسول يتناقشين الرسول الرسول مايقول شي خطا وبشكل عام عايش حياته برا البيت وتاركني وللعلم انا شكليا مافيني شي وحلوه هذا اللي اسمعه من غيري وحبوبه واندمج مع الناس بسرعه ولا واسمع بعد من غيري اني دكيه او تفكيري حلو الان المشكله انا ماعاد اتحمل الجمود اللي بحياتي علاقتي الوديه ان صح التعبير مقطوعه من اخذته مافيه لامزح ولا مرح ابي احس اني زوجه اشتهيت مره يقول لي بي اطلع معاك لحالنا مافيه اذا رحت لاهلي فترة الاربعين مايجي الا اذا طلبت منه اجلس عند اهلي بالاسبوعين اوقات بالاجازات اشتهيت مره يقول لي متى تجين او بجي اخذك نطلع انا وياك ماعمره قالها ولما اساله انا عاجبتك ولا فيني عيب يقول بالعكس كل اللي اتمناه لقيته فيك واكثر العلاقه الحميمة مثل ماسبق وان ذكرت تعبت من المذله بانه عايش معي او مااخذني او معطيني تعبت من الشك طول الوقت افكر مين اللي اتصل وليه طلع من هالاتصال مع اني يشهد الله مو شكاكه بالعكس هو لظروف عمله يظطر يكلم حريم وكثير اوقات اذا اتصلو اطلع واترك له الغرفه عشان مايحس اني اراقبه او مو واثقه فيه بس بدات تظهر تصرفات شككتني الحاصل قلت له بروح بيت اهلي متضايقه قال شفيك قلت متضايقه قال ا عندك شي مزعلك قلت مافيني اتكلم اروح لبيت اهلي وعقب اقولك رحت لبيت اهلي ثالث يوم اتصلت فيه وقلت كل اللي عندي وهو الكلام اللي قريتوه وقلت له هلاشياء مضايقتني قفلنا وجلسنا اسبوع تقريبا لاكلمته ولا كلمني ولما عرفو اهلي واهله حاولو يتدخلون صارو يكلمونه يقولون له رح لزوجتك تفاهم معاها ورافض يقول اذا تبيني تجي لبيتي تتفاهم معي يجي يوصل لباب بيت اهلي يحط بناته ويروح نزلت له امي تترجاه يدخل قال مو انا مو فلان اللي يدخل يحطهم ويروح جلسنا اسبوع تقريبا وعقب كلم اخوي يقول له انا ماادري وش فيها مع اني قايلة له وقال كلمها شف وش تبي ورد لي حسيت بهالكلام ماعنده استعداد يتغير اولا ولا فيه معزه لي ثانيا مع اني اشوف انه من الطبيعي واذا هو شاريني بل وابسط حقوقي وحتى اللي مايحب زوجته يروح لها لبيت اهلها يتفاهم معاها صارو اهلي يقولون روحي له للبيت تفاهمي معه وانا رافضه طبعا لان الفكره خطا اولا من حقي انه يجي ثانيا نفترض اني رحت وماتقبل كلامي البس عباتي وارجع مثلا ولا شلون او قال هذا انا تبين ولا بكيفك ارجع ولا اقعد ولا ؟؟؟ الان انا محتاره جدا اعتقد انه من حقي اطلب زوج ودود وعلاقه حميمة سليمه او على الاقل اشوف اللي يحسسني انه فعلا يحبني مو كلام ونفسي طايبه وماني غارفه مين الصح ومين الخطا هل اسبا بي تستحق الطلاق او لا هل اذا رجعت راح اقدر اكمل ولا بيجي يوم واقول كفايه مثل ماحصل الان اتمنى منكم تساعدوني وتقولون رايكم مع العلم اني من قبل لااتزوجه اتفقت معاه اني مااطبخ وانه يجيب لي شغاله ووافق اوقات يقول انا اصلا ماابيك تطبخين شغاله هي اللي تطبخ واوقات يزعل ويقول اطبخي [/align] [align=right][/align][align=right][/align][align=right][/align][align=right][/align] عفواً تم تعديل العنوان ليتضح المضمون الإشراف |
[caution]عفوا يمنع الكتابة بغير اللغة العربية
يرجى منك استخدام الكيبورد المتوفر في المنتدى (صفحة كتابة الموضوع) http://www.66n.com/forums/mwaextraed...ttons/keyb.gif في حال لم يكن متوفراً عندك[/caution] |
حبيبتي
الفرق بين زوجك وباقي الرجال انو هادي بس يطلع خلقو بيتكلم بصوت خافت هذه صفه مش موجوده بباقي الرجال انا من جهت نظري ظل راجل ولا ظل حيطه خصوصا اذا ما يقصر معكم بالمصروف ستتوقف افعاله يوما ما يمكن سنه يمكن اثنان ويمكن عشره خصوصا انه لا يضربك ولا يشتك اهلك اعملي مثلي عايشين انو عنا رجال بالبيت الحياة انتي ومطلقه صعبه كتير ما تقدر عليها الا اللي عايشه تحت زل الضرب والاهانات اهتمي ببناتك وانظري الى الحياة بعيون بناتك هذه قدرنا سيحس بالملل يوما ما ويعود لك شوفي اسألي مجرب اذا رحتي وتكلمتي معه ولنفرض انه وافق على شروطك رح ينفذ الشروط يوم اثنان اسبوع اسبوعان ورح يرجع لعادته القديمه المعاهدات بين الدول ما بتدوم فما بالك بين الرجل وزوجته لي عوده للموضوع |
السلام عليكم
والله يا اختى اريدك تعرفين شى ان فى هذه الدنيا ما فى حدا مرتاح المتزوج مو مرتاح ولا الاعزب مرتاح!! انا اعرف اسر كثيرة عندها مشاكل اضعاف مشكلتك فاحمدى الله ان زوجك لايشرب خمر ولا يتعاطى مخدرات وانت مشكلتك مصيرك مع الايام تتعودى عليها ونصيحتى اكثرى من الاستغفار والاعمال الصالحة وزوجك مصيره بيردلك |
شكرا للي ردو شاكره وممتنه لكم
ام احمد يكفيني انك اعطيتي موضوعي اهتمام بالعربي بالانجليزي مو مهم الفكره وصلت ماقصرتي حبيبتي وبالنسبه لرايك اني قلتي ليه ماحليت الا مور معاه اول باول ولا انام وانا زعلانه انا قلت في الموضوع انه مايتقبل نقااااااااش اما يطلع او ينام ويسكتني او يقول احد حاشي راسك او يقول مريضه مايعطي فرصه للنقاش Green222 مشكوره على الرد والاهتمام هذا اولا ثانيا هل تعتقدين ان هذي حياه تنفع اعيشها انا شنو ماخذه من هالزواج لاشئ طبعا انا مااقول كذا بمعنى اني ابغى رد معين لاكن اقول اللي يخطر ببالي وابي ترون عليه انه لو جت هذي الفكره في بالي بايش اقنع نفسي اني اعيش وبس هم شي اكل واشرب طيب بناتي ربيتهم وكبرتهم وكل وحده راحت بحالها انا وقتها شنو يصفا لي اذا زوجي الحين قاعد يسوي كذا واحنا شباب اذا كبرنا شنو بيصير انتظر ردود الباقين بفارغ الصبر اتمنى ارتاح من الشعور بالذنب من اني اكون ظلمته از الشعور بالقهر واني ظالمه نفسي وتحياتي للجميع |
[grade="00008b Ff6347 008000 4b0082"]حبيبتي الله يهدي زوجك ويسخره لك 00
زوجك فيه أشياء كثيير طيبه والحمدلله000 يستحق انك تتعبين معاه عشان يكون لك مثل ماتردين راجعي نفسك لاتقولي انا مافيني شي وانا كامله الكمال لله لكل منا عيوب فتداركي نفسك وبيتك قبل ان تخسريه ثم تندمي حين لا ينفع الندم00 وأوصيكي ونفسي بتفقد أمور دينك وكثرة الاستغفار والصلاة في أوقاتها والدعاء00 حبيبتي كاني عرفت شخصية زوجك والله أعلم من كلامك وهو جنوبي هكذا تسمى في كتاب ((بوصلة الشخصيه)) لذا أنقل لك هذا الكلام على لسان صاحبته لعله يفيدك من منتدى آخر00 الحل : الرجل يريد الحنية في مواضع معينة : 1. عند دخول البيت ....احضنيه بحنية وسمعيه كم كلمة تقدير لتعبه . وضعي بين يديه ما لذ وطاب .... دعيه يأكل وشاركيه .... وانت صامته مبتسمه ردي عليه باقتضاب ونعومة دون ثرثرة . 2.في غرفة النوم .............. لا داعي للشرح 3. عند خروجه للعمل ودعيه بدعوة حنونة باقي الوقت انشغلي انشغلي انشغلي عنه ..... اذا بحث عنك وأقبل عليك قابليه بوجه مستبشر وكلمات حنونة ودلعيه كإنه بيبي إذا لم يقبل عليك وانزوى في كهفه ....انشغلي عنه باختصار علميه إذا اقبلت علي اخذت مني عناية إذا ادبرت عني ...انا مشغولة عنك ..... بهالطريقة لن يغتر او يتكبر ولن يتلف من كثرة الدلع .... يريدك صاحبة شخصية قوية .... ولو كنتي شمالية ، بعد فترة سيخاف منك وينظر لك كرجل خالية من الأنوثة والرقة الحل : خططي وارسمي مسار حياتكم ، وبرقة ونعومة ودلع اعرضي افكارك بوضوح : حبيبي العسل حابة نقضي يومين في المنطقة الفلانية نستمتع بها ...مو فكرة حلوة ؟؟؟؟؟ وافق وافق الله يخليييييك ! أكيد بيوافق على طول ... لإنك خططتي ورسمتي وبرقة عرضتي فكرتك وطلبتي منه يكون صاحب القرار !!!!! الجنوبي حساس وعاطفي لكنه قوي جدددددددددا بصمت ، غامض لأبعد درجة إن كنت معه منفتحه وواضحه استهبلك وربما أستنفذ طاقاتك بسلبيته يجب يجب ان تكوني غامضة مع الجنوبي ، ليقبل عليك ويعجب بك و ..... لأجل أن يفتح قلبه قليلا ويخرج من غموضه الحل : لا تكلميه بكلام وثرثة النساء ، لا تقوليله تفاصيل يومك عملت وقرأت واتصلت بفلانه وقالتلي كذا .... اصصصصصصصصصصمتي صممممممممممممت مطبق بس ابتسامات وكلام دلع وتقدير لتعبه إذا سألك شو عملتي : جاوبي جواب بكلمتين بتثيريه وبيعجب فيك اكثر إذا خرج من كهفه وبدأ يحدثك عن شغله تفاعلي معه بالتأكيد : نعم ! صحيح ! الله يقويك ما شاء الله عنك ! لا تعتلي المنبر وتبدأي تحللي وتشرحي وتوجهيه بيهررررررب منك ... يريد أن يستشعر رجولته معك يحب ان يشعر بحاجتك له .... اشتري وتدللي ودعيه يصرف عليك في البيت اجمدي لا تقومي بأي عمل في مجهود بدني حتى لو كان فتح علبة بيبسي ! اطبي منه سيشعر بأنه الفارس المغوار الذي تحتمين به وبقوته في العلاقة الخاصة الجنوبي مغرم ، ولكنه صبور وصامت وحساس اذا شعر بأنك غير مقبلة عليه أظهر لك بأنه بارد .... ولكن يا خوفي هالبرود يقلبه على راسك في يوم من الأيام ويقولك بايباي انا رايح للثانية إنت لم تشبعيني في يوم ولأنه لا يحب الحديث في العلاقة الخاصة يتركك محتارة ... ويقنعك انه فعلا غير جنـ... الصحيح هو العكس .... فالحقي نفسك وعدلي وضعك معه من هالناحية لإنه لن يحبك إلا إذا اشبعتيه ... وإلا شعر بأنك مستبده تحرميه من المتعة الحلال ...وسيكرهك في يوم ...كره صامت دون أن تشعري ... -------------------------------------------------------------------------------- الصراعات يتجنب الصراعات يحب السلام ، مع انه يستحق قطع راس على تقصيره وكسله وتأجيله حينما تبدأين بمواجته بتقصيره ، لا تظني بأنه سيلوم نفسه ويقول والله معها حق انا مقصر للأسف سيقول: إنسانة متوحشه ، قاسية وربما عديمة التربية ، نكدية كثيرة المشاكل الحل : دعيه يتحمل نتيجة تقصيره ، ارسليه للجمعية مرتين وثلاث إذا نقص اشياء ما جابها ، لا تطبخي إن لم يشتري مكون ولو بسيط ويمكن استبداله ، ولكنك تعالجينه بصمت فتصنعي بأن الطبخه لا يمكن اعدادها ... وطريقة ثانية مهمة جدا ان تحددي له انت ما يفعل .... هو يجلس لاهي على التفزيون ...تقدمي منه برقة وقولي : حبيبي قوم الله يخليك للجمعية اشتري لنا هالقائمة ...واسحبيه من يده مع شوية دلع .... الجنوبي مستفز ! يمكن ان يسحق شخصيتك بصمت وهدوء إن سمحت له .... إن علق تعليق سلبي دائما اثبتي لا تهتزي لرأيه فهو اصلا انسان متناقض قد يلعب بشخصيتك لعب ويقلب كيانك ويبقى بصورة المسكين البرييييييييييييييء لا تنتظري منه دعم لذاتك ، لأنه لن يدعمك إنه يشعر بكيانه وأهميته بمقدار ما يساعد (لاحظوا انها مساعدات آنية وخفيفة لإنه لا يعتبر تصليح التالف بالبيت مساعدة ولا التسوق مساعده بل يعتبرها هم على قلبه) إذا !!! تدللي عليه اطلبي منه النجدة والمساعدة في مواقف كثيرة ، حتى لو كنتي لا تحتاجيها !!! حبيبي حط لي مخدة وراء ظهري تعبانه حبيبي غطيني بالبطانية بردانة قشرلي حبتين هالبطاطا يا عيوني جبلي معك كاسة ماء عطشانة افتح لي علبة الجبن ! خض لي علبة المضاد محتاجة قوة ! :) عندي صداع حبيبي ممكن حبتين مسكن ! ظهري محتاج مساج تعبانة ! ساعدني بتنويم الولد من فضلك ! سمعلها القصيده لو سمحت ! وأهم شيء الكلكمات الحلوة والإطراء عند الطلب وبعد التنفيذ ، طيريه في السماء وعلميه ان الكلمات الحلوة هذي بيسمعها كل ما ساعدك ! الجنوبي يحب أن يصرف على من حوله 00 فإن كانت زوجته مشبعته حب ودلال ، وتقدير لذاته صرف عليها بكرم وإن كانت حارمته وغير مقدره له وتتعامل معه بالعصبية واتختلق المشاكل اعتبر انه فلوسه خساره فيها ومستعد يصرف على غيرها .... والله أعلم للأمانه الكلام منقول أنصحك تسوي بحث عن الاستاذه ناعمه الهاشمي غاليتي00 الرجل بصفه عامه لا يحب المرأه التي تلتصق به وتخنقه بحبها يريد قليلا من المساحه لكي يستطيع ان يبادلك الحب ( الرجل كالنبته اذا اغدقتي عليها الماء تموت وذا اهملتيها تموت ولكن اسقيها بالقدر المعقول) وتذكري نصيحة الاعرابيه لابنتها كوني له أمة يكن لك عبدا أفهميه أفهميه أفهميه ومن ثم أعرفي الاسلوب الامثل في التعامل معه وعامليه به ================================================== ======= ودمتي بود[/grade] |
أضافه
ياحبذا تكون مشاكلك داخل بيتك ولا تتدخلي أحد لا من أهلك ولا من أهله أنت أكثر انسانه عارفته 00وبتدخل أهلك بيزيد عناد وأحتمال لا قدر الله تخسريه أيضا مو كل عند مشكله طرتي لبيت أهلك لاتظني هالاسلوب ينفع معاه حيزيد بعد ونفور منك وتعطيه مساحه ان يفكر بغيرك عالجي مشكلتك بنفسك واستعيني بالله في كل أمورك ================================================== ============ أتمنى اني افدتك 000 |
لا والله حبيبتي هذه مش حياة وانتي مظلومه مليون في الميه
انما قضا اخف من قضا هيك بيقولو بالامثال بعرف انو ٩٠ بالميه منا محرومين من ابسط حقوقنا وهي الحقوق الجنسيه الشيطان غاي ٩٩:٩٩من الرجال او الذكور لآني ما عتقد انو اذا كان الذكر رجل كان عملها ومن المؤمنين رجال يعني مش كل الذكور مؤمنين ومش كل المؤنين رجال هكذا سمعت الشيخ خالد الجندي يقول في احدى محاضراته اسآل الله لكي الفرج لما يحبه ويرضاه ما زال سآل اخوكي ما هي طلاباتك انا من رآي انو يك،ن حكم من اهله وحكم من اهلك بشرط انو تقولي كل شي ما تستحي ولا تخبي افتحي كل اوراقك حسيت من كلامك انو اهله واعين يا رب تكون نظرتي بمحله وتبشرينا قريبا |
,
, والله يا أختي زوجك حركاته مريبة أذا كان يعمل مع نساء وعنده رقمين ويقفل تلفونه ..!! أكيد بتكون هاذي حياته لأنه اذا لم يخاف الله في علاقاته فكيف تريدينه ان يعيشك بسلام وحب او ان يخاف الله فيك ..؟؟ أختي أنا أستغرب من معرفتك انه يكلم نساء حتى ولو داخل العمل فالمرأة في العمل هي نفسها المرأة خارج العمل بل التي في العمل أخطر ( إن كانت لاتخاف الله ) لأنها ملاصقه له .. أولا يجب عليك إكثار الدعاء لزوجك بأن يهديه الله عزوجل ثانيا قدر الإمكان إبعاد أهلك عن الموضوع ثالثا إجلسي معه جلسة وأفرغي كل مافي صدرك واطلبي منه الحل وقولي له ان هذه ليست حياة صحيحة الحياة يجب ان تكون على أحسن من هذه الحال بين الزوجين أتمنى لكِ التوفيق في الدنيا والآخرة , , |
انا لي رائي اخر ممكن يكون زوجك مدمن ولكن تأكدي واقرأي كويس عن الادمان واذا لاحضتي اي شي انا في الخدمة
|
| الساعة الآن 11:12 AM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©