|
تعبت اكتم ألم قلبي وأداري دمعه عيوني .
إلى منتداي الكريم
تعبت أواسي غيري وانا أحاول أخفي حزني وهمي وماودي أعلم أحد باللي صار لي وأعلم ان كل شيء قضاء وقدر وهذا نصيبي ومحد ياخذ الا المقسوم من هالدنيا بس في بالي ودي أقولة وارتاااااااااح صحيح ولله الحمد انا جميلة ومعافين ربي وصغيرة ع 23 ومطلقة مرتين والكل يعلم قصتي واني دايم البسمة ماتفارقنني والحمدلله واهلي طيبين ولله الحمد بس سبحااااااااااان الله الحزن دولة لايعيش فيها سوى الدموووووووووع احمدالله اني مع الاثنين ماطولت ولاعندي عيال كان قلبي متقطععععععععععع ربي يسعدكم ويفرج همكم الله يالدنيا العام كنت اجهز لزواجي الثاني في هالوقت وهالسنة حايسة بين كتبي واختباراتي ماكنت طماعة كنت اتمنى بيت صغير وزوج يداري خاطري وأكون انا ملكة في بيتي لكن للاسف صحيت في واقع ماكنت اتمنى اكون مطلقة لمرة ثانية انا الحمدلله مو ناقصني شيء الحين بس ليش اللي تكلم وتغازل وهي متزوجة عايشة وانا الشريفات مالنا حظ وننفصل صحيت بعد حول سنة من ملكتي اقسم بالله اني احس بحلم والله بس مااقول اللهم آجرني في مصيبتي واخلف لي خيرا منهاااااااااا سامحوني غثيتكم معي بس وربي متضايقة مايتقدم لي الا متزوجين وانا صرت اخاف منهم عقب اللي صارلي واخرتها اليوم توه متزوج يبيني الثالثة وربي اكتب وانا دمعي على خدي اصيح بسكات حتى اهلي ماابي ابين لهم شيء لانهم جدا حاسين تكفون بحاجة دعووووووووووووووواتكم في ظهر الغيب ادعولي ربي يفرج همي وكل مسلمة قدتستغربون مني اليوووووووووم بس والله حيل حزنانة على نفسي وصدري ضايق وعندي اختبار يوم الثلاثاء تكفون ادعو لي فانا بامس الحاجة لكم |
كلامي مومرتب سووووووووووووري
|
الله يفرج همك ويعوضك خير ان شاء الله
والله يأاختي الانسان مايعرف وين الخير أسأل الله العلي القدير ان يعوضنا جميعا خير ويرزقنا الازواج الصالحين والذريه الصالحه . |
الله يعوضك يارب
رددي دائما حسبي الله لا اله الا هو عليه توكلت وهو رب العرش العظيم والخيره فيما اختاره الله لك ,, اصبري واحتسبي والحياة لاتتوقف على زوج وأطفال فحسب ,,, اشغلي وقنك بالدراسه والعمل ومساعدة الأخرين ولا تدعين وقتاُ للتفكير في الماضي أسأل الله ان يوفقك ويرزقك من حيث لاتحتسبي |
الله يستر عليكي يا اختننا الكريمه يوفقك ويشرح صدرك ويزقك بزوج وذريه تقرين بها عينك.....امين يارب
يا اختنا الكريمه أهم شئ رضى الله وطرق شرعيه بالزواج......والله هو من يحاسب وليس نحن .................. ويجب علينا الايمان بالقدر خيره وشره وانه من الله ................ فكل شئ وكل ما يحدث بهذا الكون بمشيئة الله انه يقول للشئ كن فيكون وعلينا جميعا تقوى الله.......... |
سلامتك من الهم والغم
بعدو قلبك صغير على الحزن انت كفي دراستك هلا وان شاء الله ربي بيعوضك بالأحسن ويـطعمك الزوج الي يسعدك ويدللك بس بدها صبر وتوكل على رب العالمين الله يطعمك شو ما تتمني وزيادة ويرضى عليك رضا ما تشوفي الشقا بعده أم وليد |
الله يسعدك ويخفف همك ويرزقك الزوج اللي تتمنيه
|
الله يعوضـــــك ان شاء الله خير....
حبيبتي لاتستعجلين على رزقك ولاتحزنين ... كل وحدة مننا يجيها وقت تحس فيه بضيق وحزن وتتحسر على حالها .. لكن مو معناته انها تستسلم.. الحياة ماااشية بحلوها وبمرها والشاطر هو اللي ماتوقفه وتخليه يستسلم للحزن أي عقبة مهما كانت .. كل ماحسيتي بضيق رددي((لاالــــــه الا أنت سبحانك اني كنت من الظالمـــــــين)) وأكثري من الاستغفاار وتعوذي من الشيطاان واقري توقيعك (( غدا باذن الله أجمل)) |
والله والله يازينة الغنادير ان من ينظر لمصيبة غيرة تهون علية مصيبتة فلو لاسمح الله طلعتي من هالزواجين باطفال ان تموتين حسرة من الهم والغم .................لكن انتي صغيرة وباذن الواحد الاحد وهذا انا اواسيك في عز همي وترددي بالرجوع لزوجي ان تفرج اكثري من صلاة اليل ومناجاة الرب واقسم بالله اني ادعو لي ولبنات المسلمين بالستر صادقة الوحدة ماتبي الا الستر فالدنيا حتى الحب ما ادورة مع زوجي كثر انة يخاف من الله ويداريني انا واطفالي ونستقر وهذا مطلب اي بنت فالحياة فانتي توكلي على الله ورددي في سجودك اللهم اصلح لي شاني كلة ولاتكلني الى نفسي طرفة عين يارحمن
|
حبيبتي انتي صغيره وباذن الله نصيبك جاي ان شاء الله لا ترمي بنفسك لاي رجل انتي ما زلتي صغيره لا تشعري انكي غير مرغوبه او فيكي عيب قوي انا اعلم ان للاسف الشديد مجتمعنا لا زال يفكر بسلبيه ولكن حبيبتي لا زال هناك طيبين كثر لا تحزني اقرئي توقيعك وخذي به فهو الحل السليم باذن الله غدا اجمل وانتي صغيره وجميله خذي وقتك في التفكير ولا تتسرعي والله لو كان عندك 30 سنه لا يجب ان تتسرعي تمهلي
الله يفك كربك ويفرح اهلك بيكي امانه اهلك لن يكونون مبسوطين وسعداء اذا تزوجتي الان وكان زوجك لا يراعي الله فيكي الله معك حبيبتي ويفرح قلبك |
| الساعة الآن 08:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©