|
::: ما المناسب لنوم الطفل ؟ :::
السلام عليكم ورحمة الله و بركاته
كيفكم اكيد حتقولو يا ملك شادي كنتي مرابطة في قسم النسائية تسالي عن الحمل والان لزقتي في ركن الطفل تسالي عن الاطفال وامورهم سامحونيييييييي بس مالي غيركو وانا متاكدة اسئلتي هاي حتفيد الامهات الجدد امثال كريستالا و دانا المهم بالنسبة لنوم الطفل انااحترت في بيقولو الي وقت نومو سكري الضو وشغلي قران و خلي المكان هدوء ليميز الليل من النهار وبالنهار خلي دايما حواليه اصوات وهيك طيب بس في بقولو لو عملتي هيك افرض سافرتو كيف حينام وقتها لو ماتوفر الهدوء فانا محتارة خاصة اليوم بدات في الاسلوب الاول سكرت عليه الضو وشغلت قران بصوت قارئ دايما كنت افتحو وانا حامل وخليت الضو الخارجي تبع الممر مفتوح لحتى يكون ونس يعني ظلام لكن مش اسود حرام ليخاف وخرجت عالصالون اتفرج عالتفزيون طيب والله محتارة هيك كويس ولا شو؟؟؟ ولا شو نعمل؟؟؟؟؟؟؟؟؟؟ ولا يوم هيك ويوم هيك؟؟ بس انا بقول انو خلال النهار بينام عادي تحت الضوضاء والاصوات بالتاالي حيتعلم ينام في الحالتين شو رايكو من تجاربكو و خبراتكو؟؟شو الصح؟؟ واسفة عالازعاج وفهود بسلم عليكو وبقلكو انا مسكين ماما قاعدة بتجرب فية تجارب التربية وبابا بقلها انها بتبالغ وبدها كل اشي يكون منظم 100% بدون خطأ من اولها :11: |
اهلين ياملوكه ياحبيبتي اسألي متل مابدك احنا خواتك ولو ماسألتينا مين يعني رح تسألي :)
ابنك نومه هيك منيح انا عادة بنيم ابني في العتمه مو ظلام بس عتمه واحيانا ولادي بكونوا فاتحين الكرتون على الصوت العالي وبنام ماعنده مشكله مع انه اذا شبعان نوم اخف صوت بقوم عليه خليه على ماهو بيرتاح يعني نام خلص سواء ضو او غيره يعني مرات خاصه لما اروح عند اهلي بنيمه بالصاله بخاف ادخله الغرفه لانه بيزحف يقوم يوقع فبخليه على سرير صغير قريب تحت الضو بنام عادي يعني الخلاصه انت مرتاحه هو مرتاح خلص مافي مشكله ... موفقة حياتي تحياتي |
أختي ملك شادي اكتبي مواضيع و لا يهمك :)
بالنسبة للاطفال ابني حتى الآن (عمره سنة و نص) ما بيعرف انه الظلام أمر مخيف و استحالة بعمر ابنك يخاف من الظلام لكن على كل حال لا تتركيه في ظلام دامس مشان كل شوي و شوي تشيكي عليه من دون ما تشعلي النور فجأة و بالنسبة للهدوء و الضجة انا بيتي بشكل عام هادئ و هادئ جداً و ابني تعود على الهدوء و كان عندي مشكلة لما رحت عند أهلي في الوطن كانت ضجة السيارات و الزموووووووووور و المؤذن تخيف ابني كل يوم يفيق من صوت المؤذن و يطلع بالشباك و هو ببكييييييييي كان المسجد قريب جداً من بيت أهلي و المؤذن صوته عالي جداً و خاصة وقت أذان الفجر كنا نسكر النوافذ و نخنق أنفسنا في الصيف مع انه كان الجو جميل جداً في الليل لكن كنا نختنق من الاغلاق و ننام فقط لأني ابني كان معتاد على الهدوء التام و الحمد لله خلصت الاجازة و رجعنا بلدنا هون و ارتحنا من الضجة حتى أنا ما كنت مرتاحة ببيت أهلي في الليل انصحك تعوديه على الضجة و الهدوء كما تفعلين و لا تتوسوسي كتير مشان النظام شكلك كتير موسوسة ههههه |
أهلا أخت ملك
الله يخلي لك فهودي المكان اللي ينام فيه اتركيه لاتشيلينه اذا كان في النهار وخلي التلفزيون شغال عادي علشان يتعود على الصوت لانه لو تعود على الهدوء اذا طلعتي مكان او زارك احد وصار فيه ازعاج طول الوقت بيكون يبكي مايقدر ينام بس اهم شي اذا نام مهدية يعني تلفيه بالمهاد علشان مايحرك ايديه ويخاف بعدين يكون نومه متقطع وأي أسئله أحنا في الخدمة |
مبروك قدوم فودي ياملك بالنسبه لتجربتي مع أولادي الكبير جنني لأنو تعود ينام بهدوووووء شديد..لكن فودي عودته على جميع الأجواء فالحمدلله تيسرت الأمور وماغلبني..لذلك نصيحتي عودي ابنك يعيش كل الحالات تا مايغلبك..أتمنى لك كل ماهو أجمل بالوجود..في رعايه الله
|
مبروك حبيبتي صرتي ام :14:
ان شاء الله يتربى بعزك بالنسبه للنوم فأنا بنتي عمرها سنه ونص وبعدني بعاني معها يعني لسه طريقك طويله :d والله يعنا |
| الساعة الآن 01:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©