كيف اتصرف مع ابني الرضيع في الطائرة
 

السلام عليكم ورحمة الله وبركاته

اول مره اكتب موضوع في قسم الاطفال...الحمدلله على نعمته كما ينبغي لجلال وجهه وعظيم سلطانه..


عبودي صار عمره 40 يوم ما شاء الله ...ومسافرين انا وهو لعند ابوه بالطياره ان شاء الله يوم الخميس...مدة الرحله ساعه ونصف..ماني عارفه كيف اتصرف معاه واحنا بالطياره..اخاف يقعد يبكي ويفضحني عند الركاب وينزعجو من وجودنا..اذانيه رح تتسكر ويمكن تجيه غازات ومادري هل اشربه اشياء معينه ؟

احتاج تجاربكم في السفر مع رضيع ...لا تبخلو علي وانا بانتظاركم.

الاشراف : تم تعديل العنوان

ماشاالله والحمد الله يخليلك اياه يارب وعقبال فرحتك بزواجه وتكتب بقسم الحمايه ههه احنا بنفتحه
وياستي ذكرتيني بحالي قولي الحمد لله ساعه ونصف ولا شي انا كنت انزل هو وعمرهم اسبوعين من كندا 13 ساعه طياره و2-3 ساعات ترانزيت وممكن اكتر ومره انزلت وكان عمر بنتي شهر ورجعت كانت شهرين ونصف جننتني
هلاء ماراح تحسي ان شاالله يادوب تجلسي تربطي الحزام تلاقي حالك وصلتي
وعادي مافي شي تعمليه ممكن اذا بدك خليه يرضع وقت الاقلاع ووقت الهبوط
وان شاالله بالسلامه يارب

اصغر اخواني
شكرا عالدعاء الطيب

رنون
والله انتي شاطره ما شاء الله عليك من كندا الى الرياض مع رضيع ههههههههه
الله يستر والله اني شايله هم
وشكلي رح احطله رضعه وقت الاقلاع والهبوط عشان خاطر اذانيه لا توجعه..
شكرا لك.

الله يسهلك يارب بالسلامه ان شاالله هلا طبعا ابنك حينفرد فيك من غير شر اهلك مش معاك وزوجك اكيد مش شاطر بهالاشياء الله يعينك يارب
انا هيك بنتي الكبيره جلست ببيت اهلي شهر وبعدين رحت انا والهانم على البيت وعينك ماتشوف الاالنور تفردت فيني وبد الشغل معاها

انا اولادي عندما اسافر وهم بهذا العمر اول ما تبدا الطائرة بالاقلاع
يذهبوا في نوم عميق وما يصحوا الا بعد النزول من الطائرة ماشاء الله تبارك الله
واول مرة سافرت بابني البكري ضل نايم من يوم ماطلعت من بيت اهلي
لحد ما وصلت لبيتي بالسعوديه والرحله استغرقت ساعتين بالطيارة غير
كم ساعه قبل وبعد بسبب الاجراءات والجوازات ماشاء الله ..
لا تخافي ان شاء الله بيكون نايم اثناء السفر .. ممكن تحضريله بيبرونه اعشاب
حتى اذا كان فايق وقت الاقلاع او الهبوط يمص فيها حتى ما توجعه اذانيه
الله يوصلك بالف سلامه ..

اتوقع انه راح ينام لان الطيارة تجيب النوم للاطفال انا ابني اول ماتمشي الطيارة يناااام لييييييين مانهبط وتوقف عند المطار ولا تهتمين ربك بيساعدك وبيسهلها اكيد توكلي على الله واقري وتحصني اهم شئ

انا ايضا اتوقع انه راح ينام .. لكن اختي حاولي اذا مانام وقت الاقلاع تعطيه مصاصه او رضاعه عشان ماتنسد اذنه ...

وساعه ونص تطييير ...

ان شاء الله بتوصلي بالسلامة انتي و عبودي ...

انا سافرت مع يارا و هي عمرها 3 شهور والحمدلله نامت اول ما طلعنا بالطيارة لغاية ما ركبنا بالسيارة بطريقنا للبيت والله ستر أما بالرجعه ما نامت و لا شوي لأنه حماتي الله يرضى عليها حبت اطعميها لأخر مرة قبل ما نسافر فالبنت شبعت و ما عرفت أرضعها ولا أنيمها و عملتلي عرس بس الحمدلله أبوها كان معي و الله ستر انه ما كان موسم سفر و الطيارة فاضية :) ..
انا بنصحك ما تشبعيه نوم و لا أكل قبل ما تطلعي بالطيارة و بس تركبي بالطياره وتبلش الطيارة بدها تقلع تعطيه رضعه و ان شاءالله رح ينام عليها .. والأفضل يكون معك رضعتين و مجهزة مي و حليب لو احتجتي و اذا ما نام عالرضعه أعطيه اللهاية عند الهبوط عشان أذانيه ما تسكر و يصير ضغط عليه