|
زوجي يتغير على أدني مشكلة تحدث بيننا ساعدوني أرجوكم
ارجوكم ساعدوني قصتي انا متزوجه من بضع سنوات زوجي طيب وحنون نوعا ما لاكن اذا زعل ينقلب ميه وثمانين درجة يصارخ ويسب ويهدد لاسباب تافهه فقط لاني زعلت اخر مشكله البارح قلت له متى توديني اشتري ملابس العيد ((هو في العاده يشتري لي لكن يتاخر ليوم العيد يعني البسه في العيد الثاني))قال مفيه قلت ليه قال ماحد يشتري ملابس لعيد الأضحى محد زي مين قال ابوي وامي واخواني ما اشترو قلت انا بنت وكل البنات الي في العيله يشترو لبس للعيد وانا ماابغى إلا طقم واحد بسو ذكرته بقول الرسول عليه الصلاة و السلام (واتقوا الله في النساء فإنكم أخذتموهن بأمانة الله واستحللتم فروجهن بكلمة الله ولهن عليكم رزقهن وكسوتهن بالمعروف)صحيح مسلم
قال هذا المعرف قلت انت فصلت سته ثياب من عيد الفطر للحين قال انا فصلت للدوام والبس يومياً وانتي مالبستي لبس العيد إلا كم مره بس قلت برضه الواحد لازم يحل في ثوب جديد يوم العيد قال جديد بمعنى نضيف مو تو شاريته انا خلاص لحد هنا ماقدرت استحمل اكثر جلست ابكي وهو ولا على باله قلت انت ماتحبني وانا ابكي قال كيف عرفتي قلت من تصرفاتك قال اية تصرفات وما قدرت اتكلم جلست ابكي وهو جنبي زي السرير الي نايم عليه انا قمت ورحت الغرفة الثانيه يمكن يأنبه ضميره ويجي يراضيني لكن لاحياة لمن تنادي جلست لين ماهديت ووقفت بكىرجعت الغرفه لقيته نايم وصحاني بعد الظهر الساعة 3 قال سوي فطور راح فطر عند امي قلت له طيب انا وهو صايمين رجعت نمت وصحيت الساعةاربعه ونص سويت فطوره وجا بعد المغرب ياخذه وانا اذا زعلت ماحب انظر فيه ولا اكلمه إلى كلمه ورد غطاها ولما شافني بهل الأسوب صار يختلق مشاكل تافهه لش سويتي فطاير اللف بالتونه والجنه ليش ماسويتي بالجبن بس قلت انت قلت كثري فطاير التونه قال اريدها كبقات مو لف طيب انت ما قلتلا اريدها كذا اريدها كذا جلس يسب ودعي ويهددد قلت جزاك الله خير كمل سب وتهديد وخرج وما جا لين الحين اش اسوي ارجوكم ساعدوني ومعذره على الهجه العاميه والله تعبانه عفواً تم تعديل العنوان ليتضح المضمون و يرجى تحري الدقة عند الاستشهاد من الادلة الشرعية الإشراف |
يعني بالله حلو انك تزعلي زوجك ويجي العيد ولكل يعرف عن زعلكم
والا تاخذي الامور بكل بساطه وتعيدوا وانتوا مبسوطين من بعض بلا هم ملابس العيد واحس ان الازواج صاروا يكرهوا العيد من طلبات زوجاتهم ولا تنسي ان الذبايح في العيد تصير غاليه جدا المره الثانيه اشتري في عيد الفطر لعيد الاضحي وريحي دماغك ودماغ زوجك بالتوفيق |
@ الـقـلم الصريح @..قال الله تعالى في سورة البـقـرة آيه 233 : (وعلى المولود له رزقهن وكسوتهن بالمعروف لا تكلف نفس إلا وسعها )فمن واجبات الزوج على زوجته النفقه..إلا أن هذه النفـقـة تكون بـقـدر السعة..فيجب على الزوجة تـقـدير ظروف زوجها..عليك بالدعاء أختي في هذه العشر الباركة..وفـقـك الله وزوجك..وأصلح بينكما
|
شوفي اختي دام ان زوجك يستطيع ان يفصل له ثياب للعمل هذا معناته انه قادر ان يعطيك قيمة ملابس متوسطه السعر للعيد .. قولي لزوجك الان الناس لا تنظر لي على اني بنت فلان .. انما ينظر لي على اني زوجة فلان .. فهل يا زوجي العزيز تقبل ان يقولوا انك بخيل ؟؟ |
اقتباس:
|
اقتباس:
|
اقتباس:
شاكرة مرورك يا صاحبة القلم المتميز |
هلا حبيبتي
لما قريت كلامك حسيت وش قد انت حساسة الله يوفقك حبيبتي الموضوع له جزئين: 1-انه اذا عصب حط من الحبة قبة 2-الموقف اللي حصل 1-كونه عصبي هذه صفة لن تتغير! ولذلك حاولي تتكيفي معاها مش لانه زوجك وله حق زلانه طيب ووو الخ لا بس علشان انتِ ترتاحي!! صدقيني بعض العيوب اذا تقبلتيها وتكيفتي معاها صارت الأمور أسهل بكثير مثلا اذا حصل نقاش وحسيتي انه بيحتد لا تكملي!! او قولي كلمة تبينين فيها انك مش موافقة بس ما تبغين الموضوع يكبر وهو مع الوقت يتغير ....... مو معنى كذا انك تتنازلين لا طالبي بحقك مرة ثانية بس يكون هو اهدى شوي او فرصة مناسبة المهم يكون الوضع افضل علشان ما ينقلب عليك سب وشتم بعدين في اي فرصة ثانية والوضع هادي وحلو بيني له ان الأسلوب هذا مش في صالحكم جميعا! يعني حصل خلاف مو في كل مرة بيصير بعدها صراخ وسب وشتيمة وو الخ!! فممكن انت بعد تطلعين من طورك وتستخدمي الأسلوب هذا او مع الوقت معد يهمك سب وشتم او اي شي ثاني طبعا هذا ما راح يحصل منك ان اشاء الله بس بيني له ان الأمر مع الوقت يصير أسوأ 2-بالنسبة للموقف انا ما ادري بالضبط وش اللي حصل بس شكلك من خلال كلامك حسيت انه لما رفض اصريتي عليه بقوة! وهذا خلاه يعاند! لكن لو اخذتيه بالهدوء واجلتي الموضوع يمكن يهدى ويغير رايه باقي وان شاء الله يمديك على العيد بس انتي اختاري الفرصة والاسلوب المناسب بالتوفيق |
اقتباس:
جزاك الله خير على المساعده وعلى اسلوبك الرائع شكرا لكِ ياغاليه |
ارجوكم ساعدوني والله تعبانه كيف اخليه يتأسف على كل اهانته وتجريحه لي
علماً اني اذا زعلت اجلس اسبوع والله مايجي يتأسف وارجع انا اتأسف له وعلى غلطه على والله تعبت |
| الساعة الآن 03:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©