|
عيد آمريكا وسفريات زوجي ..!
السلام عليكم ورحمة الله وبركااته ..
كل عآم وآنتم بخير .. آول شيء زوجي مسافر لآمريكا وقايل لي عشرة آيام بس واللحين تعدى عشر آيام ومارجع وبعد ماقلت له قال يوم الروحة ويوم الرجعه ماايحسب وثاني يوم للرحلة ماايحسب لآن كله نوووم :( <~ آنقهرت والله من كلامه وآنا عارفة يدور عذر عشان يطول .. وثااني شيء اليوم ما عايدني وآتصلت عليه وقلت ليش مااعايدتني قال آمريكا عيدها بكرة آنتظري بكرة آعايدك ويقولها وهو ميت ضحك <~ آنا عارفة يستهبل علي وبيسكتني لآنه يحب يستفزني هل آتصل عليه بكرة آعايده ولا آخلي الاتصال يكون بشكل عاادي << مقهورة وثالث شيء قهرني يوم سآلته ويش بتجيب لي من آمريكا قال آمريكية :(:(.. ورابع شيء اذا رجع من آمريكا بيجلس بدبي ثلاث آيام سآلته ليش قال نقااهة وآنا آنجنيت جنوني رحلة آمريكا ويش كااااانت آجل قال لا آمزح معك عشان حاجز بروح لمصر بشتري كتاب لبحث رسالتي ماايوجد الكتاب الا بمصر وع طول من مصر للرياض وبجلس في مصر حدود اليومين وراجع ان شاء الله قلت خلاص بروح معك قال آنتِ حاامل مااينفع لك السفر وسعي صدرك بس .. بجد آنا مقهورة من هالسفر معجبه بقووووة ويش الحل معه ؟؟؟؟؟ هل الى الان متحسس من كلمتي آني ماابي ريحته بحملي مع آنه يكلمني عادي آو مستانس ..؟ |
ياحليلك ياهناوي
اعم شي انتي استودعتيه الله صدقيني الله بيحفظه ولاتهتمي كثير علشان نفسيتك والي في بطنك ادعي الله ان يحفظه ووكلي امرك له الله يكون بعونك انا عاد لو مكانك كان وضعي نفس وضعك واسوء لاني اكره شي الرجال يسافر لحاله بس وش بتسوي خلاص راح الله يرده لك سالم معافى ويكفيه كل سوء وكل حرام انه على كل شي قدير |
ههههههههههههههههههههه
وربي ذكرتيني بايام حملي ياهناوي انتي ع الاقل كنتي تكرهي ريحته انا اكرهه بالكامل من يجي استفرق ربي يعز القارئين واعصب ع طول عليه يابنت الحلال فتره وبتعدي ان شاء الله بالنسبه للي سواه زوجك لو انا مكانك كان قلت له اذا انت راح تجيب لي امريكيه انا اغيرك لان اللي يزهق مني يدور للجديد انا بعد ادور للجديد بكذا هو راح ينقهر وينتبه لكلامه بس لاتسوينها وتوهقيني بعدين مع زوجك وبالنسبه لمصر وروحتك معاه انا ما أأيدك اذا ماجات منه غصب تروحي خليه يروح بس في يوم رجعته كوني انتي ملكة جمال الكون بعيونه من كشخه ودلع وغنج وعشا رومنسي على اضواء الشموع ومافي اي مانع اذا كانت طاولة العشا في غرفة النوم لحظتها الاخ راح يندم انه تركك لحالك ويتمنى انه مايسافر الا معك ربي يوفقك ياقمر وتقومين بالسلامه |
بالعكس اتصلي عليه وعايديه مافيهاشي
وعلى فكره انتي بسرعه ينقص عليج واستفزازج امر سهل وهو مستانس على هالشي @@............................@@ اظن لحظتها بيندم على الساعه اللي جاب فيها طاري الامريكيه ^_^ بالتوفيق^_^ |
هناوي يا قلبي .. كل عام و انت بخير .. وسعي صدرك خيتووو.. بالنسبه للكتاب اللي زوجك رايح مصر عشان يجيبه للبحث فزوجك في هذه النقطه صااادق ... زوجي قبل شهر كان في رحلة عمل في مصر و اتصلت عليه بنت اخته و قالت له يا خالي انا اعمل بحث للجامعه و محتاجه الكتاب الفلاني و هذا الكتاب موجود فقط في مصر .. وبالفعل اشترى لها الكتاب من احدى المكتبات هناك.. صدقيني يا هنوووي زوجك يحبك .. لا تضغطين عليه كثير عشان ما يستفزك .. وربي يقومك بالسلامة و يسعدك .. |
يووووووه الله يعينك يارب ..
لكن اتوقع زوجك راح يعاقبك من كلامك انك قلتي ما ابغى ريحتك .. قال خليني اوريك شغلها واخليها ما تتدلع هي وحملها .. ترا الرجال ما يقتنعون بالوحم ومشاكل الوحم .. لانهم ما جربوه ويقولون انه دلع حريم .. لكن انتي تحملي وترا كل الرجال يحبون يستفزون حريمهم بالزوجة الثانية .. الله يرجع لك زوجك سالم وعاجلا غير اجل .. |
عزيزتي يكفيك هم الحمل ومتاعبه
فلا تدوري علي النكد بنفسك وزوجك راح امريكا يعني ما تفرق لو راح اي بلاد ثانيه استودعيه الله وخلاص |
حفظ الله زوجك ورجع سالما وانتي اخبر بزوجك ورسالته هدئ اعصابك وافرحي بالعيد والباقي على الله
|
اقتباس:
استودعته الله وتوكلت على الله لكن الشيطان يوسوي لي وعجبه السفر مااخذ راحته بزياادة الله يهديه بس .. اللهم آمين .. مشكورة .. |
اقتباس:
ريحته وشكله كله الله بس يعدي هالوحم على خير .. اخااف اقوله ابي امريكي يحوس الدنيا على راسي لا لا خلينا بعيدين عنها ..! لو كل شيء بالطيب ان كان مااخذت نصيبي منه .. بصلح له اجواء رومانسية بس مو آول يوم .. آول يوم بزعل وبتشره << الله يعينه .. اللهم آمين ويااك .. تسلمين يالغلا .. |
| الساعة الآن 08:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©