|
سهر زوجي!
السلام عليكم
مشكلتي باختصار متزوجه من 4 سنوات .. زوجي طيب الى حد ما .. لكنه عصبي الى حد كبيـــر تغير دوامه وصار عنده فراغ اكثر .. لكن بديت ما اشوفه زي اول كان يرجع البيت بالليل بدري شوي ونسهر ونسولف .. وما افقده .. لان غيابه عني بالنهار اعوضه بالليل بال5 وال6 ساعات ومرات اكثر صار له شهر او اكثر من بدت العطله حقت رمضان وسهر الشباب .. بدا يسهر بالاستراحه لحد 1 و2 سكت .. قلت دامه مايمنعني اروح لاهلي خلاص على راحته .. واعرف مرات مع مين يطلع وادري ان شاء الله انه باشياء حلال .. لكن بديت أمل .. ولمحتله مره وتضاااااااايق .. وقال انتي ماتبين وناستي وتحبين النكد انا عمري مامنعتك من طلعه وروحه لكن انتي تبين تخربين على نفسك... سكت ومرت الايام بدون اي تغيير قلت يمكن يمل لكن لاحياة لمن تنادي الايام تمر عندي روتينيه .. لو اقول له خلنا نطلع .. يقول مشغول ... ياساتر مشغول من شهر!!! انا ادري انه عنده التزامات ماديه لازم يسددها بفتره معينه لكن انا وين حقي عليه.. ابي ارفه عن نفسي .... المهم امس انا عند اهلي وقال لي بتاخر اتصلت عليه الساعه 12 قال تونااااااا نلعب دوري بلايستيشن كورة بتاخر مررررررره ارسل لي رساله مسوي فيها طيب يقول: قلبي اليوم فيه الشباب جايين من برا من زمان عنهم بتاخر للساعه 4 هنا انقهررررررررررت بس قلت منهم؟ وقال لي اسمهم رجعت لبيتي مع سايق اهلي واتصلت فيه وعلمته رجع ماشالله 3 ونص <=== مبكر بنص ساعه ويقول راسه يعورة .. عطيته بندول وعلى اني زعلانه .. بس بينتله انو كل شي عااااااااااادي انا كنت مزكمه وكان يبي (....) وحاولت ارفض لاني اصلا متضايقه من سهره .. فوق كذا اني مريضه ... بعدت عنه وقال تبين ازعل عليك؟؟ جيت له غصب عني لاني ما ابي مشاكل واطلع اللي بقلبي وهو ناوي(...) قلت ليش تسهر وتخليني انت وعدتني تخليلي يوم خااااص فيني المهم قلت انت ماتحبني لو تحبني ماتسهر برا البيت : قام عني وقال انتي تفتحين مواضيع بهالوقت؟مين اللي لاعب عليك؟؟ : وقايلك قولي لزوجك اللي تبينه بهالوقت قلت كل شي اسويه تقول الناس معلمتك؟؟ ليش انا ماعندي تفكير واحساس .. اتحرك من كلام الناس؟ قال تكفين قفلي الموضوع وخلينا ننام .. خلي هالليله تعدي على خير.. وهالشي مو اكبر همي لو اصبر عنه سنـــه وفعلا صار اللي يبي .. ومن غير ولاكلمه قمت وحطيت راسي على المخده ونمنا قمنا وحطيت غداه واكل وسولفنا عادي ماكان صار شي بس... مو منه لا والله بس قعدت استغفر وادعي ربي ان الله يعديها بدون مشاكل طلع عادي جدا .. لا قال بطلعك اليوم ... ولا قال تبين شي.... انا مليييييييييييت ياعالم احس اني ودي اشيل اغراضي واروح لبيت اهلي ما انكر انو عنده شغل .. بس حتى ولو هذا الشباب يوميا معاهم لاخلص شغله ... شسوي تكفون ساااااااااااعدوني حاولت اخلي نفسي عادي .. بس لما طلع تضايقت ضيقه مايعلمها الا ربي |
الله يعينك
لكن ما إلك إلا الكلام معه و النصح يعني اتفقي معه يوم إلي و يوم لصحابك انا كمان الي حق عليك قولي له يحط نفسه مكانك كم رح يكون غاضب لو انك كل يوم بتسهري عند اهلك و اخواتك و بتتركيه في البيت وحده مشتاق لك و اذا كان ملتزم اطلبي منه يسأل شيخ يثق فيه هل اللعب هذه البليي ستيشن و مثيلاتها جائزة ؟ المشكلة انه زوجك مدمن و المدمن يلزمه معاملة خاصة صدقيني بكونوا عاشقين للعبة و مو قادرين يستوعبوا أي شي غيرها كان زوجي بأول زواجنا مدمن على كم لعبة في الكومبيوتر و ما بوقفها إلا للصلاة بصلي و برجعلها إلى أن جاء يكون (بعد سنة و نص) شعر انه أسرف على نفسه كتييييييييير و انه الوقت المتبقي من أجل كتابة اطروحته التخرج صار ضيق جداً سبحان الله رب العالمين من عنده جعله يقطع عهد على نفسه انه يتركها (متل ما ترك الدخان قبل عشر سنين) الحمد لله إلى الآن من أكثر من سنة ما رجعلها صحيح انه لا يزال مدمن كومبيوتر لكنه منتديات يعني شي أحسن من شي حاولي الدعاء كل يوم و لا تتوتري لما تتكلمي معه احكي معه بلطف و بطريقة مقنعة حسبنا الله و نعم الوكيل الله يعينك ما في أصعب منها اسألي مجربة |
اتذكر انج طرحتي مشكلتج هذي من قبل
الله يعينج وتنحل |
الله يعيننا وياك ...
اول شبء دوري لك على وظيفه ... او ادخل دوره في اي معهد اذا كانت ظروفه الماديه كويسه ... او استني زوجك ع العشى ... بس مو تحطينه بدري ...الساعه 12 ... وحاولي تتابعون فلم .. تلعبين شطرنج معاه ... حسسيه انك تنطرينه ع العشى ... واساليه شنو يحب ... ياكل .. اقترحي عليه مع الايام 3 ايام لربعه و 4 ايام لك ولعيالك ... لانّا احنا اولى فيك ... قللي من زياراتك عشان يحس ان فيه احد ينتظره وماعنده احد غيره |
لاتخلي بقلبك قوليلة كل شي
افضل لك ولة |
اقتباس:
اختي الكريمة .. مقدر ماتمر ين به .. والواجب على زوجك الموازنة .. مابين وناسته ووناستك .. غالبية الشباب يكون سهرهم كثير ولاكن يجب وضع حد معين .. انا هنا ماابرر لهم سهرهم .. ولكن طالمــا ان الواحد قائم بأمور بيته .. ومهتم بزوجته .. فما المانع مرة مرتين بالاسبوع يسهر الى وحدة تنتين بالليل ؟؟ واقول للشباب دائما (من زملائي )لو تاخذبزوجتك لفة بالسيارة .. وتاخذلها قهوة من اي كفي .. وتجلسون في مكان عام لو نصف ساعة .. تفرح زوجتك وتستاهل .. مع ان الامر بسيط .. افضل وسيلة لحل الموضوع الحوار .. والتفاهم .. مع زوجك .. الله يوفقك .... ويسخر لك زوجك .. |
نفس حااااااااااااالتي بالضبط
تدري صرت وش اسوي اذا زودها الحبيب اسوي له حركه رومنسيه والبس لبس حركااااااات والشعر كريزي ومكياج وعطر وبعدها رساله ع الساعه 11 بمعنى الكلام انه مدعوا على عشا رومنسي او عندي لك حركه ثانيه ارسلي له رساله ثانيه تقولي فيها ان ملكه جمال الكون تنتظر قدوم زوجها ولكن محتاره ماذا ترتدي له وماذا يحب ان يرى زوجها مرتديته بانتظار ارائك واقتراحاتك علما بانها تريد زوجها على الساعه (انتي حددي الساعه) واخر شي اكتبي بانتظار اقتراحك حبيبي صدقيني راح ينتظر للساعه اللي انتي محددتها عشان يرجع البيت |
الله يكون بعونك أختي
اشغلي نفسك دوري على وظيفة او ادخلي معهد |
| الساعة الآن 05:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©