إلى من أنجبت حديثاً لنتعاون حتى لا نهمل أزواجنا
 

السلام عليكم و رحمة الله و بركاته

حديثي للبنات الي ولدو جديد زيي يعني

الفترة هاي صعبة انا قربت اطبق الشهر

لكن عندي شبه كابة

او تقلب في المزاج

وتعب وانشغال وهلكان وسدة نفس عن كل شي بالحياة

زوجي مقدر وعاذرني وبقولي فترة وتعدي

وكان اخد اجازة وساعدني ولاكانو امي مش زوجي ماشاءالله عليه

لكن انا حابة نفتح هالموضوع عشان اذكركم لازم مانهمل ازواجنا بالفترة هاي ولو انها صعبة

وحابة اسالكو حاسين ازواجكو اكتئبو شوي؟

انا حاسة زوجي الو يومين تلاتة كانو مدايق مع انو بيمزح عادي وكل شي عادي

لكن حاسة في شي مش طبيعي

خايفة يكون من الوضع

لما اسالو بقلي لا حياتي عادي بس الي يومين تلاتة مش نايم وضغط شغل

بس انا خايفة يكون زهق من المسؤولية من بدري ومن فهود ومن صراخو لانو صراخو بطفش بلد

المهم انا بدعي الله لايغير علينا

عندي ضيق وازمة خايفة حياتنا تتغير ونصير مملين وروتينين

كل مااقول لزوجي بقلي انت موسوسة هينا يامحلانا

يمكن انا حساسة زيادة

وكل رجل بمر بفترة انشغال او ضغط بتاثر عليه

لكن حابة نقترح عبعض كيف نهتم بحالنا وازواجنا ولو بشكل بسيط هالفترة الفظيعة الي احنا فيها

انا صراحة حالتي حالة

بالبيجاما 24/24

مالي نفس اعمل شي طيب غصب عني سهر طول الليل والنهار تعب

الحمدلله زوجي مقدر بس انا مدايقة من حالي

المهم انا ببعتلو دايما مسجات حب

وهلأ بعتلو كرت حب عالايميل

ويعني بحاول احسسو اني برجع زي اول

ايش عندكو اقتراحات بسيطة يا بنات عشان نحسس ازواجنا انو مافي شي تغير

وانو هما الاهم

حتى لو هما مقدرين و حاسين فينا

بس بدنا نردلهم احساسهم بانا نكون كما يستحقو

اكتب هالكلام والانهيارالعصبي على وشك ان يسحقني:(لاني تعباااااااااااااااااانة

على الله في ميزان حسناتنا

باختصار طولت الموضوع

ياريت تقولو افكار بسيطة لاسعاد الزوج في هالفترة

انا بكرة ناوية اعملو شغلة كنت اعملو اياها من فترة لاخرى

حركة رومانسية يعني

بدي اكتبلو عمراية الحمام واحطلو رسالة عالمراية وهيك

خلونا نتبادل الافكار

لانو احنا زوجات قبل منكون امهات

يارب الصبرررر

معك حق ملك لازم نرجع بس على فكره مين قال انه حيصير في روتين بالعكس قدوم المولود الجديد احلى مايكون سواء للام وللاب صدقيني حتسيروا متابعين نموه ولما يضحك ويناغي ويضحك بصوت ويتقلب ويطلعوا اسنانه والزحف والمشي والكلاه والتنظيف ووووووالمدرسه وووووووووووووو .......ز
ان شاالله راح تلاحظي انه حياتكم احلى من اول الله يحفظه يارب وحتى لما تخلفي تاني وكل مره راح يكون المتعه فيه اكتر واكتر الله يحميهم يارب
حتى بتعرفي انه سبحان الله الحيويه ترجع تاني

ماشاء الله تبارك الرحمن ..

الف الف مبررووووووك ..

بوركت الموهوب وشكرتِ الواهب ورزقت بره وبلغ اشده .. الله يقر عينك بصلاحه في الدنيا والآخره ..


ماعندي خلفية والله , بس من شفت انك ولدتِ حبيت ابارك لك , لأني كنت أقرأ عن خوفك من الولاه قبل فترة !!


بشري عن امورك ان شاء الله تمااام وطلعت الولاده حلوة وخفيفه ومو مرعبة :)

اختي رانيا شكرا الك خليتيني اتفائل الله يخليكي احكيلي تجربتك اكتر وكيف بتنظمي وقتك
واحكيلي الي بنمر فيه طبيعي حاسين حياتنا خبصت وتلخبطت ومافي وقت لشي وكل منيجي نعمل شي حلو بنقول هلأ فهد بينكد علينا ببكاه وهيك عنجد ملخبطين عادي هيك يعني لسة في فرصة وحنحس بالي بتحكي عنو؟؟؟؟؟؟؟


اخت رارا شكرا الك الولادة كانت كتير سهلة نص ساعة وولدت والحمدلله لامرعبة ولااشي بالعكس بتمنا يرجع هاليوم كتير حبيتو بس خلص خسارة
عقبالك


اختي ايام الطفولة شكرا الك ياريت تفصلي وتحكي كل شي عندك لانو بجد ملخبطة وانا ام جديدة زي متوقعتي
وانا شارية ملابس وقمصان نوم وكل شي من قبل الولادة وناوية اعمل رياضة بس بستنا اخلص الاربعين الاول واعمل تجديد
بس انا هلأ مش قادرة اعمل اشي لانو لسة عمر البيبي شهر تقريبا ولسة ملخبطة الامور وزوجي شغلو كتير بالليل وهيك
فرصتنا الخميس والجمعة
الله يوفقك ادعيلي بظهر الغيب انا المشكلة دايما صرت بائسة وبشكي وحاسة زوجي تاثر فية
ودايما عندي طبع المبالغة
ادعيلي واحكي كل شي عندك وبارك الله فيكي

عزيزتي أم فهد..

الواقعية شيء جميل .. ومريح.

والواقع يقول إن فهد (الآن) هو من يحتاجكِ أكثر .. لذلك طبيعي أن يكون هو (حالياً) رقم (1) ثم بعده يأتي شادي .. لذلك وبصراحة أرى أنكِ تقسين على نفسكِ عندما تفكرين بتلك الطريقة وتشعرين بكل هذا الذنب تجاه زوجكِ .. وربما تظلمينه باعتقادكِ أنه مل الوضع الجديد ... لأنه غالباً ليس كذلك حسبما أظن.

لذلك هوني على نفسككِ قليلاً وحاولي أن تسيطري على تلك الأفكار التي تعتريكِ حتى تتمكني من تصفية ذهنكِ و الاعتناء بفهد كما يجب .. لأنني أخشى أن شعوركِ بالذنب تجاه زوجكِ ربما ينعكس سلباً على رعايتكِ بصغيركِ.

وتذكري أن مثل هذه المواقف والظروف هي التي تُظهر معدن الرجل الحقيقي ومدى تفهمه لوضع زوجته ومدى تقبله لفكرة أن الطفل يحتاج لأم أكثر مما يحتاج هو لزوجة ..... وتبارك الرحمن أرى أن زوجكِ يتصرف بشكل ممتاز .. فلا تجعلي أفكاركِ السلبية تحرمكِ من الاستمتاع بتلك الحقيقة الجميلة.



وبالمناسبة .. أرى أن الأمور البسيطة التي تفعلينها الآن من رسائل نصية وبطاقات الكترونية هي كافية (في الوقت الحالي).

اهلا وسهلا ملك كيف فهودي إن شاء الله بس يكمل شهر راح تحسي بالنظام عارفه انا حموده كتير كان مزعج بس لما عقل انانسيت كل شي هلا بحاول اتذكر هو المفروض يرضع كل 3-4 ساعات بعض المرات مابينام على طول ممكن تجيبيه وتشغلي التلفزيون ترى الاطفال بيحبوا التلفزيون كتير وتعملي اي شغله ولما ينام ممكن تنامي او تجلسي مع زوجك يعني بدك تسوي جدول وبماانه زوجك بيجي متاخر على هيك ماتخلي فهوده ينام قبل الساعه10 و هيك بسحبها ان شاالله للساعه 4او 5 الفجر المهم يكون راضع كويس ومغير ولابس كويس واذا بغلبك دفي زيت زيتون ودلكيله جسمه ولفي كويس
انا هلاء صحيح عندي شغاله بس عندي اشياء اكتر من شغل البيت عندي مسؤليات ودراسة البنات الله يخليهم وبنتي الي عمرها 4 مجنيناني بس خلص الواحد بتاقلم وبيصير يستمتع
واحكيلي الي بنمر فيه طبيعي حاسين حياتنا خبصت وتلخبطت ومافي وقت لشي وكل منيجي نعمل شي حلو بنقول هلأ فهد بينكد علينا ببكاه وهيك عنجد ملخبطين عادي هيك يعني لسة في فرصة وحنحس بالي بتحكي عنو؟؟؟؟؟؟؟
يعني المسكين بيكون نايم وبينظلم لا لا عادي كلهم هيك ومش مشكله لو بكيله شوي وهادي الفتره مافي احلى مها وكل فتره الها جمالها
الله يارب يفرحك فيه ويخليه ويباركلكم فيه

كيفكم ياغاليات موضوع جدا مهم
انا باقي اسبوع اخلص فترة النفاس نفسي ارتب وقتي لمن ارجع بيتي كيف اطبخ متى انظف متى اشوف نفسي ووقتي مع زوجي وعندي ولدي ماابغى انشغل عنه حتى لايشعر بالغيرة ..

مالنا الا ندعي ربنا يعيننا ويساعدنا

بالعكس الحياة بعد أول طفل مافيها ملل أو روتين دائما بتكون متجدده ولا يهمك فهودي كلها كم شهر وبتعدي بسرعه رح ينتظم نومه ونومك كمان ورح يسير ياكل ورح يخف التعب الجسمي والنفسي حبة حبة بس خلي بالك طويل وأدعي الله يرزقك الصبر في تربية الولد ويهونها عليك وبأذن الله بترجعي تهتمي بزوجك مثل أول وأحسن كمان
الله يوفقك ويوفق كل الأمهات الى مايحبه ويرضاه