|
دعواتكم فأنا بحاجة لدعم في علاجي
بسم الله الرحمن الرحيم السلام عليكم ورحمة الله أنا دايما ادخل القسم واقرأ وانبسط بالروح الحلوه اللي بيننا انه قلوبنا على بعض بالدعوات والحلول رغم اننا مانعرف بعض لكن يجمعنا الاسلام والحب في الله اليوم بديت بداية جديدة في رحلة علاجي واسأل الله انه يثبتني ويوفقني ويشفيني عشان امي وابوي اللي خاطرهم مسكوور عليا انا اعاني من 4 انواع من السحر لي 12 سنه سحرني عمي وانا عمري 12 سنه واتوعد امي انه يحرق قلبها علي انا واخواتي لانها رفضت ولده يتزوج اختي المهم .. انا عمري 24 الحمدلله جميلة ومثقفه والحمدلله ملتزمه وقريب بحول الله راح اختم القران حفظا ً رغم كذا ماقد تقدم لي أي احد .. سبحان الله كنت اظنه شي عادي الين رحت لشيخ وقرأ علي الايات وتأثرت وطلع عندي سحر تعطيل زواج وتفريق وأسر في البيت انصدمت يومها من الحقد الشديد من عمي وعندي عين قوية في حفظ القران والصوت والتعليم والصحة وحتى الراحه النفسيه وتخيلوا كل ماافسر حلم يطلع عندي حسد من اقرب الناس لي المهم .. بديت رحلة علاج السنه الماضيه وصرت اقرأ سورة البقره كل يوم وبعد ثلاث اسابيع ربنا فرجها ورأيت رؤيا وفسرها الشيخ المتابع ان البأس زال .. وفرحنا مررررررررره وماتتخيلوا امي وابوي والله يبكو من الحزن يوم ماعرفوا اني مسحوره ويبكو من الفرحة ياعساني مااشوف دموعم ثاني يااااااارب وماكملت شهر الا وتم تجديد السحر بسحر اقوى وصرت احس بحركة في جسمي وكان فيه شي داخل جسمي وبالفعل بعد مدة كان عندي اذى من الجن في رجلي الله المستعان بديت من ثاني العلاج وبشكل اقوى من قبل وكل همي اتعالج عشان امي وابوي مايحزنوا عليا وافرح قلوبهم وانا كنت متأكده انه ربي بيعوضني عن كل لحظة هم وحزن لان ربي ارحم من امي وابوي فيني المهم .. جلست تقريبا شهرين كل يوم اقرأ سورة البقره واتروش بخلطة الرومي واشوف احلام مزعجه جدا ولاقادرة افسرها واحس بحركة في جسمي ووخز شديد كنه احد يقرصني وسبحان الله مايأست لكن وقفت ماادري ليش تعبت والله تعبت ادري ربنا مو ظالمني وواثقه ومتوكلة عليه انه هو اللي بيشفيني لكن وقفت العلاج بعد التعب اللي تعبته والحال مااتحسن مشاكل طول الوقت بيني وبين صديقتي , تمر علي ايام ماابغى اكلم احد من اهلي وحتى القران يصير مابغى اقراه رغم اني روحي في القران والله وحلم حياتي اني احفظه والحمدلله مابقي كثير وعلى فكرة انا في بلد مع الأسف مافيه شيوخ رقية الا واحد وبطل يرقي والشيخ اللي كنت اروح له في بلد ثاني وصعب اني استمر كل اسبوع اسافر له اليوم قررت اني ابدأ من جديد في سورة البقره والاستغفار والقيام بالقران في الليل والصيام وكلها بهدف ان ربي يشفيني ويعافيني ويجمعني بمن احب يارب ويبلغني حفظ القران كامل وماابغى منكم الا دعوه صاااادقه والله محتاجتها ومحتاجه دعمكم خايفه اني اضعف واوقف العلاج من ثاني خايفه من التعب اللي كنت اشوفه واحسه من اذى الشياطين يزيد أدعو لي الله يفرج همومكم واسفه طولت عليكم لكن مرررره محتاجه احد يدعمني ماابغى اقول لأمي اني بديت ارقي نفسي ثاني عشان لايصير قلبها متعلق وتزعل لو مالقيت نتيجة بسرعه أسأل الله انه يشيفي كل مسحور ومعيون ومحسود ومريض وأسأل الله انه يسامح عمي ويغفر له ويهديه ويغفر لكل اللي حسدوني وضروني بشي: |
حسبنا الله ونعم الوكيل
الله يفرج همك يارب ويشفيك ويعافيك اسال الله العلي القدير ان يشفيك شفاء لابعد سقما استمري وتواصلي بالقراءه وان شاء الله الفرج جايكم بحول الله |
لا حول ولا قوة إلا بالله العلي العظيم
حسبي الله ونعم الوكيل حسبي الله ونعم الوكيل حسبي الله ونعم الوكيل .. حسبك ربك اختي .. سيفرج همك .. وينجلي كل هذا الألم والتعب .. ابقي متمسكة بحبل الله .. ولن يخيب ظنك به .. ابقي هكذا .. ووالله لن يضيع أجر لحظة ألم وتعب .. احتسبي كل ذلك عند الله .. الله يكون لك خير معين .. ويهون عليك رحلة العلاج .. ويجعل كل لحظة تكفير لذنوبك .. ويلهمك وأهلك الصبر .. ويفرج همك .. ويريح قلبك .. ويرزقك الشفاء العاجل .. داومي على الإستغفار يا أختي .. والله يطمنا عنك قريب بإذنه تعالى .. إنه سميع قريب مجيب . |
اقتباس:
آآآآمين وهمك ياام السوسه ويرد اولادك يارب جزاك الله خير |
اقتباس:
حسبي ربي لااله الا هو والحمدلله على كل حال جزاك الله خير |
لا اله الا الله
حسبي الله ونعم الوكيل معقول فيه ناس ايمانهم ضعيف لهذه الدرجه اختي ربنا يشفيك ويعافيك ويرفع عنك السحر والعين والحسد لا تحزني ولا تيأسي وثقي بان الله معك وان شاء الله قريب نسمع خبر خطوبتك ونفرح بيكي آمـــــــــــــين |
يارب يشفيكِ ياقلبي
انا مثلك والله تعذيب بجسمي من الم وقرص تعبت والله شجعتني ابدأ معاكِ وإن شاء الله ربي بيفرجها لي ولك الله يكون بعونك ويفرح ابوكي وامك بشفائك بدعيلك من كل قلبي.........ولا تنسيني من دعواتك تحيـــــــــــــــــــــاتي |
اقتباس:
آمين يارب وجزاك الله خير |
اقتباس:
وربي يشفينا سوا واكيد بدعي لك وربي ان شاء الله يهون عليك وييسر لك ولي العلاج يارب |
ياااااه معقولة فيه ناس في الدنيا كده
سبحان الله كيف عمك ده يقدر ينام بالليل مرتاح وهوه ياذيك كده ربنا يشفيك يا حبيبتي ويبعد عنك كل سوء استمري علي ما انت عليه من قراءة البقرة والاستغفار وربنا يحرسك ان شاء الله يارب نسمع عنك كل خير طمنينا عليكي |
| الساعة الآن 11:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©