|
زوجي لايريد أولآده ؟؟
السلام عليكم ورحمته وبركاته00
مشكلتي أعزائي بأختصار انا منفصله عن زوجي لي خمس شهور وعندي منه ولد وبنت00 الولد عمره خمس سنوات والبنت سنتان ونصف00 (الله يحفظهم ) وزوجي متزوج وعنده ولد في حول السنه المشكله زوجي مايحب أولادي ولايسأل عنهم مع اني مو مانعته يعني اذا يحب يأخذهم يجلسون عنده يوم,,يومين ثلاث ماعندي أية مشكله وهو عارف هذا الشي الي قاهرني انه من يوم جيت بيت أهلي ماأخذهم الا مره سمع ان ولدي مشتاقله وتعبان نفسيا وتنازل و جاء واخذه ليومين بعدين رجعه00 اما البنت مايسأل عنها ابدا ولا كأنها بنته00 ومن يوم كنت عنده وهو مايحبها ويعاقبها على ابسط شي 00 المشكله00 في ولدي مرررره متعلق فيه ويحبه بشكل موطبيعي وفاقده وكل يوم يسأل عنه ويقول فينه وبأروح عنده00 وبحكم قرابتنا وصله ان ولدي يبغاة ويبغى شوفته وهو ولاحياة لمن تنادي00 ياعالم فيه أب مايبي عياله 00حسبي الله ونعم الوكيل فكرت اني أرسل الولد في الويك أند لبيت جدته منشان يشوف ابوه 00 ماابغى ولدي تجيه حاله نفسيه ايش رايكم؟؟أرسله ولا أنتظر لما يفوق ويعرف انه عنده اولاد ويجي هو بنفسه ياخذهم؟؟ محتاره؟؟ |
وعليكم السلام
طيب كيف علاقتك مع أهله هل هي جيده أم لا ؟؟؟ اذا كانت جيده أرسلي الولد لأهله على الأقل هناك ابوه يتعود يشوفه ويمكن يحن عليه لما تكثر زياراته لبيت أهل أبوه والولد يعيش قريب من أهله وفي نفس الوقت قريب منك . ومن وجهة نظري لو فيه واحد من العائله كلمته مسموعه عند طليقك ويحترم رأيه كلميه في هالموضوع عشان يكلمه ويحرصه على عياله ومايهملهم الله يعينك ويسهل أمرك يارب |
اقتباس:
مشكور على مرورك وجزاك الله كل خير علاقتي انا بأهله منقطعه بس الوالده تقابلهم والعلاقه ان شاء الله طيبه وانا مومتطلقه الى الحين يعني معلقه انا بفهم ليه يسوي كذا هذولاء اولاده ليييه يعاقبني فيهم000 |
السلام عليكم ورحمة الله وبركاته
ارسلي الولد لجدته الويك اند ما دام انكم اقارب وعلاقتهم بامك طيبه الله يهدي سركم ويجعل لك فرج ومخرج من امرك هذا |
اقتباس:
مشكور حبيتي على مرورك طيب اذا وديته في الويك اند هذا وبعدها بيومين أكيد بيرجعه أجلس انا كل أسبوع انا الي أرسله00 |
ارسليه حبيبتي كل مره
هذا عمل خير وصلة رحم اهم شي الولد يشوف ابوه وهو متعلق فيه كتير عشان نفسية الولد واذا تقدري ترسلي البنت ما تقصري انما حسب نفسية البنت ولازم تحضريها نفسيا قبل ما تروح انو بابا يحبك وامك توصي جدتها فيها اي شي فيه مصلحه للاولاد ورضى لرب العالمين اعمليه الله يجعل لك فرجا ومخرجا من امرك هذا ويكتب لك الخير انتي واولادك |
طيب ما حاول يرجعك
وانتي ما لك نيه للرجعه عشان اولادك |
عادي وديهم كل نهاية اسبوع وقولي مشتاقين لبيت جدهم وهذا شي عادي انا بناتي دايم يشتاقوا لبيت جدهم احيانا اروح معاهم واحيانا اخلي ابوهم ياخذهم واحيانا احد من اعمامهم يجي ياخذهم عقب ما اتصل اقول له اطفالكم يبون يروحون عندكم واحيانا بعد اخلي اختي توديهم وتنزلهم وتتأكد انهم دخلوا وترجع واحنا اهل بس انا مو مطلقة . بس عن جد الاطفال بيشتاقوا للجمعة عماتهم واولادهم فما بالك بابوهم اكيد بيفرحوا اذا شافوه بس اذا بيجرحهم وما بيلتفت لهم وبيهملهم وبيكسر بخاطرهم لا لا توديهم الله يكون في عونك اختي وفي عون اولادك والله يحنن قلب ابوهم عليهم
|
طيب و مين يصرف على الأولاد انتي و لا هو ؟؟؟
|
=green222
مشكوره حبيبتي مرة أخرى على مرورك افكر ارسل الولد بس البنت لا هو اصلا مايحبها ولما يسأل بس يسأل عن الولد آما هي مالها وجود وبعدين أخاف عليها هي لسه صغييره القانته00شاكره لك وجزاك الله كل خيير على مرورك هو يحاول من بعيد لبعيد بس أنا رافضه لعدة أسباب00 غدير الابرار مشكوره وجزاك الله كل خير على مرورك وشكلي برسله والله يعين ماريا جزاك الله خير وشاكره مرورك هو يرسل مصروفهم كل شهر موبرضاه انا أطلب من خالتي تقوله يرسلهم ويرسل المصروف بالقوة |
| الساعة الآن 06:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©