|
هل اكمال دراستي يأخر زواجي ؟؟
السلام عليكم جيمعا ياأعضاء المنتدى الرائع
بصراحه انا مشتركه في هذا المنتدى من اكثر من سنة لكن عمري ماكتبت الا كم موضوع بسبب ظروف دراستي وانشغالي .. بصراحه موضوعي الي حابه اقلكم هوا يمكن هوا موضوع معتاد وانكتب كثير خاصة في هذا القسم بس ماادري انا حسيت نفسي متضايقه ونفسي افضفض لي احد الكلام الي في قلبي مالقيت غير هذا المنتدى والناس الي فيه الي كتير منهم وضعهم مثل وضعي واكيد حيفهموني انا عمري 24 سنه اتخرجت ليا اكثر من سنتين من الجامعه وربنا ماكتبلي اني اتوظف فقدمت بعثه وانقبلت اني اكمل ماجستير في دولة اوربية فسافرت واخي سافر معي ليكون محرم ومرافق ليا في السفر وانا الان ليا 7 شهور ادرس والحمدلله مبسوطه في الدراسه ومرتاحه بالحياة هنا لكن المشكله دايما احس انو في شي ناقصني احس نفسي اكون مع شخص يكون معايا وجنبي خاصة ان كل البنات الي معايا يدرسوه كلهم متزوجات ... احيانا احس نفسي شاذه عنهم واحيانا احس اني وحيده كل وحده مشغوله بزوجها وعيالها الا انا زي ما انا :( والي زاد ضيقتي اكثر انو بعد اسبوع فرح اقرب وحده من صديقاتي ليا هيا الوحيده الي كانت باقيتلي وعايشة معاناتي بس ربنا رزقها بنصيبها والله يوفقها يارب.. احيانا احس انو سفري يمكن هوا سبب بقائي لحد الان من غير زواج بس انا فعلا ماكنت قدامي فرصة تانيه يعني ماحبيت فرصة الدراسة دي تضيع من يدي وانا من غير وظيفه او زوج بس من جد انا دحين خلالالالالالالالالالالالاص حاسه مني قادره استحمل حاسه اني كبرت خلاص وانو عمري ماراح اتزوج خاصة لو كملت دراستي برا اتوقع حارجع بعد 3 او 4 سنين يعني خلاص مااتوقع احد ممكن يجي يخطبني عشان خلاص حيشوفوني كبيرة وراحت عليا زي مايقولو والله محتاره ايش اسوي نفسي ارتااااح نفسي اعرف حيجي يوم واسير عروسه ويكون ليا بيت زي كل البنات الي معايا نفسي احس دا الاحساس احيانا احس دا شي من المستحيل احسو خلاص راحت عليا والله والله نفسي افرح ماما وبابا اكتر شي هما الي مزعلينني حاسه بعيونهم انهم نفسهم يشوفوني عروسه ومبسوطه خاصه انهم مرضى وشايلين همي وهم اخواتي اتمنى تقولولي أرئكم وهل عندكم اي شي ممكن اسويه او يعطيني شوية امل وياريت ماتنسوني من دعواتكم |
الله يرزقك الزوج الصالح عاجلا غير آجل
أتوقع أنه دراستك وبعثتك هي السبب وبعدين هذا شيء كاتبه رب العالمين والزواج ماله سن معين وسعي صدرك وعيشي حياتك ونصيبك راح يجيك بإذن الله أكثري من الاستغفار |
نصيبك راح يجيك اختي حتى لو كنتي بالصين..
لا تستعجلي بالعكس ما اشوف سنك كبير لسى الحياه قدامك وماشاء الله تبارك الله حصلت لك هذي الفرصه الثمينة للدراسه الله يوفقك وييسر أمرك لا تشغلين بالك وأكثري من الدعاء والاستغفار وصدقيني ماراح تلحقي من كثرة الخطاب وبالعكس بعضهم يكون يقدر التعليم يبحث عن وحده زيك ماشاء الله... الله يوفقك وييسر أمورك والمسلمين أجمعين |
اقتباس:
مشكوره اختي حرم المعلم ويكن على قولتك نص الاسباب بعثتي ودراستي بس صدقيني ماكان قدامي غير هذا الحل وهاذي الفرصة |
اقتباس:
تسلمي والله كلامك ريحني كتير والله يوفقنا جميعا يارب:) |
ياحبيتي كل وحدة يجيها نصيبها لا لاتياسين العمرقدامك
وربي يسعدك ويفرج همك وسعي صدرك وبكرة احلى ادعي ربك اخرالليل وتصدقي واكثري من الاستغفار وعيشي حياتك ولاحقة إن شاء الله نشوفك عروسة في السنة الجديدة وربي يهنيك ويخليك ويوفقك دوم |
[QUOTE=زينة الغنادير;2056788]ياحبيتي كل وحدة يجيها نصيبها لا لاتياسين العمرقدامك
وربي يسعدك ويفرج همك وسعي صدرك وبكرة احلى ادعي ربك اخرالليل وتصدقي واكثري من الاستغفار وعيشي حياتك ولاحقة إن شاء الله نشوفك عروسة في السنة الجديدة وربي يهنيك ويخليك ويوفقك دوم [/QUOTE مشكورة اختي زينة الغتادير والله يسمع منك يارب:d |
توك ماشاء الله صغيرة ليش محمله نفسك كل هالهم
24 سنه موبيرة خالص ماشاء الله حبيبتي دراستك مالها دخل بزواجك متى ماربي كتبه راح تتزوجين حتى لو كنتي بغابه لحالك وربي كتبلك زوج هم راح تتزوجين بالعكس فيه عالم كثيرة الحين دور على الى مثلك ماشاء الله دارسات ومثقفات طمني بالك واكثري من الاستغفار والدعاء واحفظي الله دايم حتى يحفظك دايم باذن الله |
انتى قلتيها بنفسك
كل البنات اللى معك بدراستك متزوجات بمعنى لم يؤخر هذا زواجهم لان الزواج قسمه ونصيب الله يرزقك بالزوج الصالح قريبا |
تسلمي يا غموض السنين على ردودك الي دايما كلها تفاؤل وامل
عارفه يا غموض انا دايما لمن ادخل المنتدى هذا ادور على مشاركاتك ومواضضيعك بصراحه مره يشدني التفاؤل الي فيكي ماشاء الله عليكي عشان كدا انا مره مبسوطه انك رديتي على موضوعي صدقيني كلامك اعطاني امل الله يسعدك ويرزقك انتي واخواتك الازواج الصالحين ويفرح قلبك اهلك فيكم يارب:) |
| الساعة الآن 11:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©