مشكلة مع خطيبي00أبغى حل؟؟
 

:( السلام عليكم ورحمة الله وبركاته00
أنا بنت عمري 20 سنة صار لي سنة مخطوبة
وقريبا راح أتزوج بإذن الله00خلال هالسنة00
بس بصراحة أنا أعاني من مشكلة تعبت وأنا أدور لنفسي الحلول
بس مالقيت أي حل يخليني أرتاح وأنا أتمنى ان ربي مايخيب ظني
واني ألاقي حل يقنعني ويرضيني ويرضيه00

خطيبي يشتغل في العسكرية يروح يغيب عني
لمدة شهرين وأحيانا3 من شغله00موبكيفه

والأعظم انه بس يجلس لمدة اسبوعين فقط لا غير00هذي إجازته
والي متعب نفسيتي انه متغير علي00صاير عصبي بزيادة
على أتفه الأسباب يعصب علي
ويصارخ وأنا متعلقة فيه بجنون
ولاأقدر أستغني عنه وهو نفس الشي يحبني موت حتى هو نفسه يتضايق لما

يعصب علي ويتعذب داخليا أكثر مني لأنه مايقدر يجرحني ومايتحمل ودايما

يوعدني انها آخر مرة ويعيدها
لدرجة انه مرة قام يصارخ علي جدام أخته وانحرجت وبكيت
لحظتها كرهت نفسي أكره ماعندي إن يجيني أحد ويهيني جدام شخص00هو

يقول مو قاصد00على سبب تافه00هو يبي يتغير بس مو قادر دايما يقول لي

غصبا عني 00والمشكلة اني ماعدت اتحمل اكثر من كذاالى متى أخاف

نعرس ويظل اسلوبه معي كذا

وفي النهاية ننفصل00هذا الي مستحيل يقواه قلبي وبلأخص لأن احنا اثنينا

أهل هو ولد عمتي ونحب بعض من5سنوات يعني معقولة تضيع هالسنين على

شان شي تافه

بصراحة عاذرته والله اني أعذره المعاناة الي يعانيها بشغله موهينة00 لكن

تحملت كثيروماعدت أقوى اتحمل أكثر00دايما أقول له مايكفيني هم بعدك

عني00يجرحني أسلوبك ليه بعد00وأدورله أعذار كثيرة الله العالم كم عددها00
قبل مايخطبني ماكان كذا00عصبي شوي لأني بعيدة عنه ومايقدر يتوصل لي
بس يسمع أخباري من بعيد00ويرتاح اذا سمع خبر حلو هانت عليه بلواه00

المشكلة مو عارفة كيف أتصرف معه والي أبغاه هو كيف أتعامل معاه عشان

تخف عصبيته ويتغير أسلوبه معي؟؟



وفي النهاية00آسفة طولت بكلامي
مع تحياتي واحترامي
أتمنى يكون في حل لمشكلتي
وشكرا

أختي العزيزة :نوووووور
ما زلتي صغيرة وخبرتك قليلة في الحياة .... فبعد قراءتي لموضوعك ترك لدي انطباعين:
الأول : البنت دائما رومانسية ..حساسة ..وأحيانا نتفوه بكلمات نراها نحن جد عادية ..ولكنها تجرح مشاعر الآخرين لأنها تمثل عقد وأزمة نفسية لديهم ، لاتتكئي كثيرا على طبيعة عمله فهو لا دخل له فيه وقد يكون هذا أحد أسباب عصبيته كوني هادئة معه في حديثك واختاري المواضيع التي يرتاح إليها للخوض فيها.
الثاني : عصبيته فورية فعلى ماتقولين سرعان مايثور وبعدها عندما يهدأ يعتذر ويعدك
بألا يكررها وهذا دليل على بياض قلبه وصفائه..
ومثل ما يقولون أصبر على مينونك لا ييك اللي أيّن منه.

كلام الأخت وهج صحيح وعل فكره شغل العسكريه قاسي شوي ويتعبون في الله يعين وكمان هو اكيد بيكون مقهور من فترة الغياب صدقيني لازم تمتصي غضبه والله العمل مو هين وبالذات العسكريه ودام انه يندم هذا قلبه ابيض بس تعودي على امتصاص غضبه وممكن بطريقه حلوه تفهميه انه حتى لو نفسه سهاوشك يكون بينكم وبين بعض علشان تتضايقي من الاحلراجات بين الناس
الله يوفقك يارب ويسهل الأمور
ادعي الله كثيرا

اختي العزيزة انا اتفهم مدى الاهانة التي تشعري بها عند صراخه عليك و لكن عزيزتي و مثل ما قلتي هل يعقل ان تضيعي حب 5 سنين و انسان عدا ذلك رائع لسبب تافه؟؟!! كوني اكثر حكمة وصبرا معه و حاولي فهم اسبابه فلربما ظروف العمل هي التي تدفعه لا اراديا لهذا التصرف؟! و هناك قاعدة في علم النفس تقول بما معناه ان الانسان يخرج غيضه في اقرب الناس الى قلبه.. تحمليه عزيزتي و اصبريه عليه و ان شاء المولى سيتغير بمجرد تغير اوضاع عمله و تذكري ان دوام الحال من المحال. والله المستعان في كل شئ.
تحياتي ام ايهم

اتكريه
 

احسن حل اتركيه

فترة خمس سنوات كافية اكيد عرفتي طباعئه
قدري ظروف شغله
الي ان يغير الله الحال الي احسن
واعلمي ان الحياة فيها الكثير من المعناة
ولكن بالصبر يستطيع الانسان التغلب علي الكثير من المشاكل
ربنا يوفقكم

يبدو فعلا انك لازلت صغيرة على المشاكل

اصبري فانتي طيبة وبحسب وصفك ابن عمتك ايضا طيب

وعندما يتم الزواج سيكون خيراا بفضل الله ((((( الطيبات للطيبين))))

مشكورين
مشكوريييييييييين
ألف شكر
والله انكم ريحتوني بهالردود الطيبة
وعطيتوني الأمل في انه يتغير
بس الشي الوحيد الي ماوصلني هو كيف المفروض
اسلوبي يكون معاه 00مثلا لما يعصب على شيء معين
شسوي 00راح أعلمكم عن أسلوبي معاه
أنا الي يخليني على أقل شي أتضايق وأبكي موبس حساسيتي كبنت وعاشقة
أنا ودي إنه مايتعود على هذا الأسلوب معي انه يعاملني كذا بعصبية جدام
أي شخص كان00إذا من الحين عصبيته معي في فترة الخطوبة كذا
فمابالكم لما نعرس00يعني بصراحة ولا حمار يتحمل هالأسلوب
وأنا الي محيرني شسوي معاه؟؟
ولكم جزيل الشكر00والله
ان المنتدى وأصحاب المنتدى بغاية الروعة ماشاءالله طيبين وحبوبين وردودهم سريعة00 حلوة وتريح الأعصاب
وأنتظر ردكم مع تحياتي واحترامي