مشكلتي الصغيرة مع زوجي هل أنا أبالغ ؟
 

السلام عليكم ورحمة الله بوركاته

بداية ابغي ادعي لأهلنا في غزة الله يشيل كربتهم ويوحد صفوفهم وكلمتهم وينصرهم ويرد كيد العادين عليهم .. ولا نملك غير الدعاء والله مطلع ع الأنفس ... الله يرحم شهداءنا ويشفي جرحانا ..

وثانيا أبغي اقول للمتزوجات الله يعينكن على الحياة الزوجية لا صارت هم ونكد ... ربي يكون في عونكم

والحين أبغي اعرض مشكلتي ومتأكدة إني راح ألقى الحل عندكم لأنكم أهل للعقل والمنطق ورجاحة العقل كما تعودت منكم

أنا متزوجة صار لي أقل من سنتين وعندي ولد وحيد وأنا الحين حامل حمل ما توقعته وخاصة انه جا وولدي بعده ما كمل السنة وتوه صغير بس الحمدلله على رزقه ..

بعرض مشكلتي باختصار لأني كتبتها مطولة لكن اللابتون انتحس معاي وانطفى والحين أعيدها على عجل :

زوجي انسان يحبني وأنا أحبه بعد ويحاول يرضيني ويعيش معاي حياة هنية لكن ..آه من لكن .. فيه صفات في بداية العرس تحملتها لكن الحين خلاص أنا طفشااااااااااانة بمعنى الكلمة

زوجي طبعه ما يحب يطلع ...ولا يحب الروحات والجيات ...ولا يحب قعدة المطاعم حتى لو كانت فيها كابينات خاصة بالعوايل ومسكرة ...وما يحب الطلعات المخطط لها ...وما يحب طلعات السوق الا للضرورة القصوى جدا جدا جدا ...وما يحب الزحمة ..وما ...آآآآآآآآآآآآآه ... وأنا عكس زوجي تماما النقيض ..أحب الطلعات والروحات والجيات والسيرات وطلعات المطاعم والوناسة والكشتات وحجز ليلة على الأقل في فندق للتغيير ...ولكن زوجي أبدا ما يحب ها الشي ....

زوجي الله يسلمكم طول الاسبوع مو معاي يعني شغله في مدينة مو بعيدة وايد لكنه في مدينة وأنا في مدينة ولما يرجع يقعد معاي يومين ثلاثة ويروح مرة ثانية ...يحب قعدة البيت ويكره الخروج حتى لو كانت فيه اجازة طويلة

كانت عندنا اجازة تمتد 13 يوم تقريبا وكنت مخططة معاه انا نروح مع بعض اماكن معينة لكنه ماراح ودايما يطلع اعذار..(أنا تعبان أنا احب البيت ..ما أحب اطلع ) وانا بصراحة طفشت من ها الوضع أحس اني اختنق في غرفتي وبين الزوايا الأربع مع العلم اني اعيش مع اهل زوجي وهو عنده سكن منفرد له في مدينة الشغل ماله بس ما يوديني وياه والأعذار كل يوم تتغير !!!
أنا نفسيتي تعبت والله ما ابالغ ....النفس أحيانا تبغي التغيير وتبغي تتطلع وتكسر الروتين لكنه ما يحب ها الشي ابدا ... وطول الاسبوع حياتي كالآتي ...يوم في بيت أهله واليوم اللي بعده في بيت أهلي وهكذا !! خلاص ملييييييييييييييييييييييت من الوضع وأحس اني أختنق أختنق أختنق

أنا تعودت في بيت أهلي على الروحات والطلعات حتى لو كانت خفيفة وزوجي رافض لها الشي وأنا بصراحة ما أقدر اعيش بها الوضع ! كلمته مرات ومرات ...بعصبية أحيانا وأحيانا بهدوء وفي قعدة رومانسية أشتكيله الحال وهو يرد علي شو أسوي يوم الله بلاج بزوج ما يحب يطلع من البيت !!!!!!!!!!!!!!!:29:

والبارحة بالذات تزاعلنا لأننا كنا نبغي نطلع وهو تأخر علي يقضي كم شغلة بس هو كسووول وايد ويأخر الشي والشي يسويه في خطوتين مو خطوة ...فقلت له وين كنت ولحد الحين متأخر فرد علي بعصبية بتحاسبيني وين اروح وبتحققين معاي ! مو بالضبط بس نفس المعني
المهم اننا تزاعلنا ولليوم ما نكلم بعض الا كلام عابر ولو ما بيننا ولدنا اللي يلعب ما كنا تكلمنا ولا نطقنا باي كلمة ..

وكبريائي ما يسمح لي اراضيه وهو نفس الشي ... ولا يبغي يعترف بغلطه ..وأحس انه ما يعرف من الأصل يتعامل وياي مثل ما أبغي ... كنا نتزاعل قبل مو أول مرة هذي لكن كنت دوم انا اللي اراضيه حتى لو كنت مب غلطانة...

الحين المرة غير لأنها ناتجة عن تراكمااااااااااااااااات في نفسي المكبوتة وليست وليدة موقف واحد ..

أنا تعبت
طفشت
نفسي ملت
وزهقت من وضعي خاصة اني ما اشتغل وبعدي ادور لي وظيفة

بليز بليز قولولي وش الحل لأني خلاص طقت نفسي
خاصة أني اشوف اخواتي المتزوجات يروحن ويطلعن وأزواجهن مثل وضع زوجي بل بالعكس زوجي وضعه أحسن بوايد بحكم قرب المسافة من المدينة اللي يعمل فيها !

بليييييييييييييييييييييييييييييييييييييييييييييييي يييييييييييييييييييييييييييييز نصحوني لأني والله وربي ما أقدر أعيش مع ها الوضع ولا اسوق سيارة علشان كل ما أطفش اروح برا مع ولدي ...

ملييييييييييت وعلى فكرة اغراضي اجمعها لنهاية الاسبوع واشتريها هي وحاجياتي لأنه ما عني أحد يوديني وها الشي يحسسني اني ناقصة ...عكس اخواتي :25:

أنتظر ردودكم بفارغ الصبر وقليل من الحيلة

تم إجراء تعديل بسيط على العنوان
الإشراف

دامك معترفه أنها صغيره ليش مكبرتها وماتبين تتاقلمين معها ؟؟



آختي أحمدي ربج ألنعمه الي أنتي فيها واتركي عنك صغائر الامور



ترا آهالي غزة يدفعون نص أعمارهم ويعيشون بالامان الي آنتي عايشه فيها



آذكري الله ترا الانسان مايعرف النعمه الا يوم يفقدها


والانسان الي ماعنده مشاكل كبيره يجيه طفش ومايرتاح الا لما يخلق لنفسه مشكله

الى الحبيبة غارقة في همي
 

السلام عليكم ورحمة الله وبركاته

شوفي حبيبتي انا من الاردن متزوجة من 4 سنين وجوزي نفس حكاية جوزك لا بحب يطلع ولا ينزل ولا يروح فرح ولا مطعم ولا مكان .. كنت اول سنة تزوجنا اضل كل خميس اقول له شوف كل الناس طالعة خلينا نطلع
لا خلينا نروح يقول لا نروح نتمشى بدون ما نشتري شي يقول لا كنت ابرم بوزي وابقى زعلانة
بعدين اخدت مضاد حيوي ضد الزعل صرت بس بدي اروح مشوار اروح عند اهلي وهم يودوني وهلأ تعودت صار شي عادي جدا وكتير من صاحباتي هيك وازا طلع معها ع السوق يصرخ ويخليها تشتري اي بلوزة عشان يروح البيت ... عادي شي طبيعي الرجال بيتوتي بس انتي ما تحطي بقلبك ولا اشي
انسي الزعل ومزمز مريندا وهلا ازا بدي اروح السوق اخته توديني وازا بروح الجمعية بروح هو لحاله او انا واخته اما انا وهو مع بعض ما بقبل بتدايق ما بعرف ليش يمكن بخاف يشوف حدا بيطلعلي مع اني محجبة والبس العباءة بس هو هيك ما قدرت اغيره ف انا تغيرت لانه كنت عند اهلي اطلع اكتير والله هلأ بالاسبوعين بروح عندهم مرة المهم انا وهو متفاهمين وشوي شوي بتنحل الامور فاهمة لا تشيلي هم

شكلك عروسه جديده

عموما هذا بدايت الزواج بكره بتتعودى

يعني ما في انسان كامل
ازا هادا هو العيب الوحيد الواحد بتقبلو
ولو يعني تصلي معو لحل انو تطلعوا ولو مرة بالشهر مثلا ممكن يكون حل يرضيه ويرضيكي
والله يوفقك
ديري بالك عحالك وعلى البيبي الجاي

انا مثلك كنت ازعل واسوي المستحيل وما فيه فايده وبالنهايه رضيت ورضخت له وتأقلمت معاه والحمدلله امورنا جيده خصوصآ بعد ما رزقني الله بطفلة ملأت علي البيت واشغلتني:)

احمدي ربك ياشيخة ونصيحة لاتقارنين بين زوجك وغيرة صدقني تتعبين

ليش احمدي ربك انة بيتوتي فلة استغلية لصالحك سوي حفلة مرة

سوي تغير بسيط اعزمية على حفلة شواء وفليها سومرة نفسك سورية بكلامك منيحة تؤبرني وسوي حمص وتبولة واي شيء لوبسيط يكسرالروتين

ان شاءالله يجيكك ولد وتنشغلين شويات ياحبيتي الله يسعدك لاتطفشينة من البيت وبعدين يروح يسهر برالبيت وتندمين بالعكس اجلسي معة وسولفي وغيري جو
انشغلي عنة شوي سجلي بدورة او
اقراي مجلة

ومنها تنشغلين عنة شوي والله يسعدكم


ترامافية احد كامل وانااختك احمدي ربك الف مرة نصيحة فية ناس زوجها عصبي واحد يدخن شيء اهون من شيء الله يفرج همك ويرزقك الذرية الصالحة

تدرون ... وأنا اقرا ردودكم قعدت ابكي ما قدرت اتحمل ...

دكتور الحب : الحمدلله الف مرة على نعمته على الأقل عندي زوج وعايلة صغيرة بدأت تكبر وأنا عارفة وممتنة لهذي النعمة .. لكن برايك الحب ما يزيد لو زوجي يسوي مثل ها الأشياء لي ؟ لا تقوللي ما تأقلمت أنا غيرت اشياء من حياتي مب لازم اذكرها هنا علشان زوجي ليش ما يتخذ نفس الخطوة تجاهي ويغير من أشياء بسيطة .... أنا احب زوجي بس ها الشي ما أقدر اطيقه !!

fatounie1983: أهلا عزيزتي

أنا ما اقدر اسوي مثل ما تسوين لأني مرة رحت بيت أهلي وطلبت من أخوي يوديني مكان معين قريب من البيت اشتري شغلة معينة وأخوي مسكين خدوم وما يرفض لي طلب لكن أمي قالت شي وانتبهت له زين بمعناه: ليش ما تخلين زوجج هو اللي يوديج ؟ لا تعودينه على ان اخوج او ابوج هو اللي يقضي حاجياتج

وطبعا امي عصبت علي ليش أتعب اخوي واخليه يوديني فصرت نادرا ما اطلب من اهلي يودوني مكان معين

على فكرة عزيزتي: أغراض كثيرة لولدي الأول اشتريتها مع أخوي واختي وليس مع زوجي !!!!

السيف المهند:

أخوي الفاضل أنا ما أبغي زوجي يصير يطلع دوم ويسهر برا لكن أبغيه يطلعني معاه من باب التغيير وتآلف القلوب ...وأنا والله أحاول أتأقلم مع الوضع لكن كل ما أتذكر ان فيه اشياء ضرورية لاازم أقضيها من شهرين تقريبا وأنا أحن عليه يوديني لكن لا حياة لمن تنادي !!
وأما عن المقارنة فيا اخي والله اني انسانة فاهمة ومتعلمة وأحاول اني ابدا ما أقارن بس وصلت لمرحلة من اليأس تخليني أقارن فيها ولا أنا ما كنت ابدا اقارن نفسي بأحد
وأما عن الكبرياء فما أدري هل اقول انك منحاز له لأنك رجل وكبريائك من كبرياءه !؟ كثيرة هي المرات اللي راضيته فيها واكون انا مب غلطانة لكنه وأعتقد بها الشي انه تعود اني اراضيه أو اني اطرش له مسج يحنن قلبه علي او اني اتدلع عليه ويرضى بس خلاااص انا مليت من ها الشي ! أبغي أعلمه درس اني مب انا اللي اتنازل دوم ...يا ربي هل انا على حق

انا بعدي ما كملت سنتين يعني سنة ونص تقريبا ... بس الله يكون في عوني ويسخر لي زوجي

حبيبي دوما:

عزيزتي أنا في ها السنة الكاملة اللي فيها 12 شهر تدرين كم مرة رحت السوق فيها معاه:

ان شاء الله ما أكون ظالمته بس يمكن 6 او سبع مرات ! والسوق اللي اقصده مب البقالة ولا لجمعية

كيكة فراولة : الله يآجرنا ويصبرنا ويسخر لنا أزواجنا

شكلي بالأخير برضى وبنسى
شكرا لك

زينة الغنادير: حلو اسمج يا زينة

بحاول اسوي اللي تقولينه مع إني سويته كثير من قبل شبيه له

بس تخيلي نفسج محبوسة كل اسبوع وما تروحين الا بيت اهلج بس !!!! تخيلي

شكرا ع المرور