|
لا أريد الوظيفة ولا أريد أن أُغضب أمي ماذا أفعل
السلام عليكم ورحمه الله وبركاته
كل واحد مننا يتمنى ان يستقر في وظيفه ويشغل نفسه بالنسبه لى اول سنه اجلسها باليبت مع بدايه المدرسه كنت بتجنن ادور في كل مكان واوزع السي في تبعي فى كل مكان بعد شهر جاتنى وظيفه ادرايه في مدرسه مجرد ماجتنى الوظيفه حسيت انى كارهتها ونفسيتى تعبانه ودي ابكي جلست يومين وبطلت منها وبعدها على طول جاتنى وظيفة استاذه في معهد ورفضت لبعد المكان وبنفس الوقت تدربت في مدرسه اسبوعين بس وكنت كل يوم اروح غصب عنى كل عشان ((اسكت امي )) ماتحب القعده بالبيت تبينى اشغل نفسي قبل مااخلص مده التدريب بطلت برضو امى تقول انى متخاذله ولا احب المسؤليه وكسوله وماعندي طموح واتضايق كثير من كلامها وانا ادرى انها تبغا مصلحتي بس صرت اكره سيره الوظيفه المهم الحين جاتنى وظيفه جديده في مدرسه وانا تعذر بانها بعيده وماعندنا سائق حاليا يودينى ويرجعنى وماابغا اتعب الوالد لإنها تاخذ مابين 30 الى 40 دقيقه وقالت لى امي براحتك بس واضح انها زعلانه ابي حل في الخذلان الى فيني:29: ماااااااااااابغااا الوظيفه انا مرتاحه كذااااااا تعودت على القعده بالبيت والراتب مو ذاك الشي الى يشجع وخايفه بنفس الوقت اندم بعدين والله اول مااتصلو عليه وقالو نبغاك تجين عشان وظيفه كنت راح ابكي ولو امى ماسمعتنى وانا اتكلم كان رفضت على طوووول والله ماابغا يوم السبت يجي عشان مااروح اشوف المدرسه مااعرف اش اسوي الاشراف: تم تعديل العنوان لـ يتناسب مع المضمون... |
يقولون عنك بالانكليزي بيبي سوك
يعني الطفله المدلعه نفسها قومي اشغلي نفسك وشوفي مين قريب من الزميلات بالمدرسه بعد ان تتعرفي عليهم وتصير تمر تاخذك معها انتي عاجبك جلستك خلف النت وكل طلباتك مجابه الحياة عمل وكفاح ولو المدخول قليل الله يرزقك احسن منه |
عليكم السلام ورحمة الله وبركاته
عذراً .. يُنقل للقسم المناسب . |
اقتباس:
هلا فيك جرين الحبيبه:d ان شاء الله احاول اشد الهمه شويه واتشجع بس بخاف من اتخاذ اي نقطه كل ماجتنى وظيفه احط لنفسي عقبات حتى لومافيه شي والله بوافق عشان مامتى تفرح بس انا ابغا حل عشان اقتنع داخليا انو لازم اشتغل واطور نفسي مااعرف اذا فهمتونى ولالا |
اقتباس:
|
اختي الكريمة ..
تحمليني شــــوي .. ماالفــائدة من قعدتك بالبيت !!! يعني سبحــان الله ناس تدور على الوظائف بشمعة .. وانتي ماشاء الله الوظائف جات لعندك .. بعدين اش عندك في البيت غير النوم :( اعذريني على التعبير .. والحمدلله الوظيفة مافيها اختلاط ولامكان عام .. وتساعدك على تكوين نفسك والاحتكاك مع الناس وتطوير نفسك .. والحقل التعليمي ممتع .. واحتسبي الاجر في ذلك .. ومايخفى عليك ثواب تعليم الناس الخير .. قال صلى الله عليه وسلم(ان الله وملائكته .. واهل السموات والارض حتى النمله في جحرها وحتى الحوت في البحر ليصلون على معلمي الناس الخير) اوكماقال عليه الصلاة والسلام .. وان شاء الله فال خير عليك بالزواج .. الله يوفقك .. |
وعليكم السلام ورحمة الله وبركاته اختي اجلسي مع الوالده الله يطول عمرها بطاعته ويحفظها لكم وفضفضي معها قوليلها يا امي انا مالي رغبه بالوظيفه وودي أجلس بالبيت بس احسك متضايقه من هالشي واساليها قولي لها ليش ياامي تبيني أتوظف وماتبيني اقعد بالبيت؟ وقتها اخيتي ستشعرين ان والدتك معها حق وانه طالما الفتاة ماجاها نصيبها فالاولى تتمسك بوظيفه اهلنا يفرحون لنا باحد امرين الزواج اذا كان في نصيب أو الوظيفه اذا ماتيسر الزواج لانهم بنظر كل ام واب صمام الامان لابنائهم انا لي اخت متخرجه من الجامعه بتخصص مرغوب اشتغل فتره بمستشفى وتركتها امي حاولت معها ومازالت تخيلي 10 سنين وهي تحاول باختي لدرجه كانت تقولنا حايلوا اختكم واقنعوها تتوظف انا مابي اموت الا اذا تطمنت عليها واشتغلت والعريس مابيدنا حيله ان الله كتبه اهلابه فهذا الشعور من القلق والخوف يااخيتي سيرافق والدتك وستحملينها الهم والحزن ان لم تتوظفين باختصار توظيفك شي ايجابي لك ولوالدتك لكن الجلوس يالبيت اثره السلبي على الوالده كبير جدا وصدقيني اخيتي مع الوقت ستكبر مشاعرك وتتازم بالشعور بالخساره اذا لم تتوظفي الان انت مبسوطه ولكن غدا لاتعلمين كيف سيكون الوضع عليك استخيري في كل امورك بالاخص الوظيفه اسال الله لك التوفيق والسداد وان تنالين رضى والدتك وسعادتها |
اقتباس:
جزاك الله خير اخوي والله ماعندي غير النوم لا شغله ولامشغله والحمد لله التخصص تقريبا مطلوب بس مشكلتى التردد وان شاء الله احاول اشد على نفسي مشكور على نصايحك في حفظ الرحمن |
اقتباس:
امى حفظها الله متفاهمه جدا وانا صريحه معاها لابعد الحدود ونفس كلام والدتك حفظها الله هي خايفه عليه وقالت لى انها تتمنى تشوفنى مستقره في وظيفه وتحب الشغل ومثل اي ام تتمنى تشوف عيالها افضل الناس يكفينى دعائها هى والوالد ومثل ماقلت يهمنى انها تكون مبسوطه وان شاء الله ربي يكتب لى مافيه الخير تسلمين يالغاليه |
اعزمي وتوكلي على الله وارضي امك ومنها تظهر ابداعك وتقضين على وقتك وفقك الله
|
| الساعة الآن 04:38 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©