|
كل مايحتاجه المطبخ من أدوات ؟ مساعدتكم اخوات
السلام عليكم ورحمة الله وبركاته أخواتــــــــــى الغاليات العروسه تستشيركم :) عايزه أسئلكم عن شيئ فى جهاز العروسه الخاص بالمطبخ كام أطقم الحلل التى تشترونها أنا عن نفسى أشتريت طقمين إلى الأن (تيفال - وطقم جديده من برا أستليس ومن جوا ألمونيم (أسمه مارينكس تقريبا) وسهل تنظيفها لأن عندنا هنا فى البيت مثلها ) وسوف أشترى ايضا طقم لنوع أخر صاج بسبب حلله صغيره وجيباها زياده للحاجه فقط هل هذا كفايه أم محتاجه أطقم أخرى وللعلم الطقم( مجموعه كامله كل الاحجام )>>>بوضح عشان البنات الصغيــــــــره :15: وايضا سؤال عن الصوانى اللى هتدخل الفرن أشترى من كل حجم أتنين أم أكتفى بواحده من كل حجم واى حاجه من عندكم زودونى بيها يعنى وانا حسب الميزانيه هشتريها بس انا خايفه انسى حاجه عايزاكم تساعدونى فى كل شيئ بسيط وكبير فى المطبخ لأن عالم المطبخ عالم واااااااااااسع والتفكير فيه يصدع |
انا فهمت طلمة أطقم بس اللي ما فهمتو (حلل)
بالنسبة لصواني الفرن بلزمك باريكس (زجاجي و معدني) من الحجم الكبير و باقي الحجوم وحدة وحدة لا تكتري لما تبدأي بالطبخ و الحياة العملية بتشوفي شو اللي بلزمك منو اكتر من وحدة بتشتري لكن الآن أنصحك أنك تكتفي بأعداد قليلة هذا رأيي |
حلل يعنى طنجره تقريبا كده بتقولوا كده فى سوريا
|
أولا يا حبيبتى الف مبروك وأنا دخلت مخصوص أرد عليكى لأنى بأحبك وفرحانه لك قوى
من خبرتى فى الجهاز بتاع العروسه يكفيكى جدا طقم التيفال والصاج والحلل الاستانلس اللى بتقولى عليها أما صوانى المطبخ اللى بتدخل الفرن فلازم يكون على الأقل عندك أربع أحجام من الصوانى الدائرية ومثلهم من المربعة وأنا أفضل يكونوا سته بالإضافه الى ثلاث صوانى بيركس أحجام وصوانى مخصوصة للكيك بتكو على أشكال زى شكل قلب ووردة ودبدوب وكمان صينية خاصة بالبسبوسة بتكون حوافها قصيرة جدا وصينية خاصة بالبيتزا بيكون معاها قطاعة البيتزا وسلك لتبريدها ومقصوصة أما أطقم العصير فهاتى ثلاثة وصوانى التقديم هاتى طقمين كل طقم بيكون بداخلة ثلاث صوانى نفس الفورمة وطبعا طقمين كاسات ماء وطقمين كوبايات شاى وطقم صينى كامل وطقم توزيع وطقم خشاف وطقم آيس كريم طقم شاى استانلس وطقم ميلامين ودورق ماء زجاجى وأطقم حافظات طعام للثلاجة وطقم حافظات طعام للرحلات وميزانة مطبخ ومفرمة وعالق وشوك وسكاكين فردانى وطقم سكاكين بالمسن بتاعها وقطاعة لتقطيع الخضروات عليها وقشارة فاكهة ومعلقة آيس كريم وقمع زواق للكيك وماكينة بيتى فور ومناقيش للكحك وطقم علب توابل وولاعة للبتوجاز حتى لو كان اشعال ذاتى هتحتاجيها لو قطعت الكهرباء وطقم مريلة مطبخ وفوط مطبخ وساطور وأكياس ثلاجة ( طبعا دول للإرهاب) ولو افتكرت حاجة تانية هأقولك آه وما تنسيش الكتشن ماشين وربنا يتمم بخير |
والله ياحبيبتى انا بحبك جداااا والله
الله يسعدك يارب أصدقى انى مقعده اختى فى بيتها وجمبها كراسه وقلم اى حاجه تفتكرها تكتبها لأن المطبخ كراكيبه كتير ودوووووشه وخايفه انسى حاجه وانتى والله فكرتينى بالميزان لم يخطر فى بالى خااااااااااااالص وده فعلا ضرورى ولسه ماجبتش الطقمه الصينى لحد دلوقتى ومش عارفه أجيب حسب الموضه ألوان ولا حسب ذوقى بحب الفضى والدهبى جدا شكلهم أرق أختى اسئلك سؤال هو المفرمه الخاصه بالحمه مش هى اصلا موجوده مع عائلة براون او عائلة مولنيكس لأنى جايبه العائلتين كلهم بولادهم هههههههههه يعنى احتمال المفرمه معاهم أكيد والكبه حتى مضرب الكابتشيونى جاى هديه مع عائلة براون فهذا هم وانزاح الحمد الله بالنسبه للسطور بجد مش هزار أشتريه ولا ملهوش لزمه اصل بحب شكله نسيتى على فكره تكتبيلى الهون أسمع كلام خالتك ساااااااااااااع وانا بنتظارك لأنك فكرتينى بحاجات نستها والله بس ممكن سؤال كمان السكاكين اللى اشتريتها ضعيفه أووووووووووووى رفيعه كده والسكين نفسه ممكن يتنى فى ايدى زى الصفيح مع انه حاجات نضيفه معرفش ليه عايزه سكاكين زى اللى عند أمى هنا تخينه وايدبها قويه زى الخاصه بالجزارين تفتكرى متوفره ممكن أعرف اشتيها ؟ والميكرويف ايه رأيك فيه؟؟؟؟؟ ماما بتقولى ملهوش لزمه صحيح بتهيألى جمعنا حاجات كتير احنا وهكتب دلوقتى اللى ناقصنى من اللى كتبتيه فى ورقه والله عشان اجيبهم كمان كام يوم بس ياجماعه ساعدونى لأنى مستعجله محتاجه الردود خلال يومين فقط |
فتاحة العلب
مخرطة الملوخية الملاعق الكبيرة الخشبية المقورة بتاعت المحاشي المصفاة بأنواعها ترابيزة ضغنونة بتوقف بتاعت السرير لاول فطار في السرير يعمله العريس شيالة الكعك بتاع العروسة البونبونيرة قشارة البطاطس والكوسا حافظة الكبيرة للخبز طبق بلاستيك خاص بالسلطة بالمعلقة بتاعته اطباق المدورة للشوربة للا ستعمال اليومي الاطباق دي بتتعلق اللبانة بتاعت اللبن والكنكة بتاعت القهوة ترمس الشاى لما الضيوف يزوركي مش كل شوية تدخلى المطبخ تعمليه شيالة البلاستيك الاطباق والملاعق والاكواب اللى جنب الحوض بعد غسلها |
ربينا يتم لك على خير
اختى الكريمة ويسعدك ويحصنيك ويحفظك من كل سوء اولا المفرمة يا اختى لا توجد فى اى عائلة الظاهر ملهاش اصل :d:d طقم البراون به كبة وهى لا تفرم اللحمة ولكن تجعلها مثل العجينة ولكن طبعا هناك مفارم منفصلة مثل المفارم الموجودة عند الجزار وهى قدرات يعنى 1200 وات ويوجد 1500 وات ومنها انواع ناشونال وهى جيدة جدا وبتاعة شغل ما شاء الله اما بروان او مولينكس طبعا ضعيفة واعتقد ان المفرمة مهمة لانها تنفع فى فرم اللحمة وكذلك عمل الطعمية اما موضوع الميكروويف لا بلاش يا اختى لانه خطر جدا اولا من الاشعاع الذى يخرج منه ثانيا يضر جدا انسيجة الاطعمة لانه فى بعض الاحيان يستخدم فى اذابة الاشياء المثلجة مثل اللحمة او الفراخ بدلا من الانتظار حتى تذوب تلقائيا وهذا ضرر كبير جدا ويمكن ان تستغنى عنه بالفرن الكهربائى وطبعا بيكون فرن وشوية فراج فى نفس الوقت وطبعا هناك النوع الصينى مش بطال وهنال المولينكس ولكن مشكلته انه حتى مع اكبر حجم لا يمكن ادخال الصوانى الكبيرة عكس الصينى ونحن تحت آمرك فى اى استشارة ولا تنسى صلاة الاستخارة قبل القدوم على شراء اى شىء مهما صغر وطبعا صلاة قضاء الحاجة لكى توفقى فى انواع جيدة واسعار جيدة موفقة بأذن الله |
ينقل إلى مكانه الأنسب
قسم المنزل |
اقتباس:
:22::22::22: ألف شكر أنين حبيبتى وفعلا وضحتى أشياء كنت ممكن أنساها وفى أشياء اشتريتها خلاص الحمد الله بس تربيزه ليه ؟ مهو فى تربيزه فى المطبخ وعربية الشاى يحضر عليها العريس الفطار :d شكرا حبيبتى وشيالة الطباق هى حديد وليس بلاستيك :) بس مدهونها حتى لا تتعرض للصدى من المياه شكرا ياحبيبتى ذكرتيتى بأشياء كثيره |
اقتباس:
جزاك خير ياأخى وعقبال مانخدمك فى أفراح البنات يارب :22: |
| الساعة الآن 06:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©