|
أتأسف على غلطي ومو عاجبه ؟
اقلكم الحكاية ومافيها....
أمس الخدامة سوتلنا سمبوسة عالعشا ولمن أكلها قال انها دسمه.. وكان فيه جنبه بيض قال اش به البيض قليل؟؟ قلت عشان الاكل مايزيد.. وانا ماحسبت حسابي عشان كدا سويته قليل. المهم اليوم عالفطور في المغرب الخدامة سوت سمبوسه بس طريقة جديدة ومرررررررا طعمه ومررررررررررررا عجبتني وجيت متحمسه اقله ذوق؟؟؟؟؟ يقلي ما كإنها مليانه زيت؟؟؟:30: قلت اش بك انت من امس مو عاجبك أكلنا ؟:( من أمس وانت تلقح في الهرج؟ قال يعني ما أتكلم؟ قلت بس مو من عادتك. وعدَت الهرجة الا طلع السيد زعل من الكلام:19: جيت وقلتله اش بك انت زعلت ؟ قال لا ولاشي. قلت ترى كنت امزح قال لا ماتمزحي انتي من جدك ودا مو مزح قلت طيب أنا آسفة قال طيب وخري عني قلت خلاص انا آسفة لاتزعل ودفني عن وجهه وطبعا أنا ولعت وكتمتها في نفسي:19: وجا هو خارج لصلاة العشا قلتله تعال اكلمك وانادي عليه ويطنشني في النهاية قال نعم اش تبغي؟ قلت تعال ابغا اكلمك قال مايمديني وراح وطنشني قلت طيب انا اوريك باللـــــــــــــــــــــــه عليكم اش رايكم قلت في نفسي خليني اطنشه اعتذار واعتذرت اش يبغا اكتر من كدا؟؟ وفي نفس الوقت انا ما أحب انام وهو مو راضي عني اش يدريني اصحا اليوم التاني ولا لأ؟ وما ابغا اذل نفسي له بزيادة خلاص يكفي اش رايكم وش اسويله ترى واصلة معايا الكلام مايستاهل انه يزعل لدي الدرجة:(:mad: |
اختي كبريها و تكبر و صغيرها و تصغر .. معلش اختي الموضوع بسيط .. فوووووتي .. خليك عاديه يعني لا تعتذري و لا تقطي نفسك عليه ... واذا هو لا زال ما يكلمك مو مشكله .. قولي له وقت النوم تصبح على خير و نامي .. وان شاء الله الصبح يكون طحن الحب اللي في راسه و يطيح الحطب ... |
السلام عليكم ..
اختي الفاضله ... الاعتذار له اسلوبه و طريقته ووقته .. يعني لو صبرت قليلاً ثم اعتذرت بعد فنرة معينه ساعه أو أكثر .. لكان تقبله لللعذر أكبر .. لذا على رسلك .. سيقبل عذرك ولكن لا تدعي مثل تلك المشاكل تتكرر .. فعليك بالصبر فقط لا غير و اعطاء مساحه للرجل لكي يهدأ .. المهم .. همسة .. نصيحة .. اطبخي لزوجك الأكل بنفسك .. و لا تدققي كثيرا اذا عارض شيئا بل سايري زوجك .. على فكره احمدي الله كثيرا بإن مشاكلك لا تتعدى هذه الجزئيه .. قلت اش بك انت من امس مو عاجبك أكلنا ؟ من أمس وانت تلقح في الهرج؟ قال يعني ما أتكلم؟ ذلك الحوار تذكريه فهل كان صوتك عالي ، او اسلوبك تهكمي او نحوه .. وألا هذا ناقش عادي يحصل في أغلب البيوت .. ادفني المشاكل الصغيرة ولا تجعليها تتراكم .. و السلام عليكم .. |
لا ان شاء الله بسيطه ماتقلقي تلاقيه شويه ويهدا ويسير مااحلاه هو اكيد في شي مزعله من الشغل وارهاق الله يهديه يارب ويصلح بينكم
|
ياناس افهموني انا اللي مزعلني في الموضوع انه الهرجة كانت عاديه جدا مو انه بزعيق او قلة ادب...
دا أولا .. وتانيا: المشكلة انه هوا اللي يقلي خلي الخدامة تطبخ فاضية ماعندها شغل وانا اقله لا ما احب الخدامات يطبخوا.. وتالتا: اقله اني كنت امزح ومو مصدقني وفوقها اعتذرت وسلمت على راسه ولاتزعل مني.. يعني اش يبغا اكتر من كدا؟؟؟؟ |
اقتباس:
هوا من ناحية الشغل والإرهاق فهوا مضغوط جدا بس برضوا مو ذنبي؟؟!! وانا عارفة لو انه كلمني حاكون انا الغلطانه وانا مااقدر تعبه... بس الشكوى لله........ |
اختي يمكن زوجك يريد طعامه ان يكون من يديك انتِ... حتى لو هو طلب ان تطبخ له الخادمة..يمكن قالها مراعاة لك..
انت جربي و انتظري النتيجة..و حاولي ان لا تفتحي الحوار وقت الطعام..او في اي وقت يكون فيه مزاجه غير صافي.. إسأليه عن يوميه..او دعيه هو من يبدأ الحوار.. |
صراحة القصة مش مستاهلة ابدا
وغريبة انك زعلتي عشان بقول عن اكل الخدامة دسم يعني هادا اكل الخدامة مش اكلك انتي وحدة غريبة تماما عنك مش انو قال عن اكل امك او اختك فصراحة استغربت انو زعلتي عموما القصة مش مستاهلة لازعلك ولازعله كبري عقلك وراضيه بعد شوي بكون راق وهدي |
اقتباس:
ي ا أختي أنت أخطأتي بالأعتذار بهذا الوقت خليه يروح يصلي ويجي ويعدين قولي له والله ماكان قصدي وأنا أسفة كان تقبل منك بعدين المشكلة ماتستاهل الله يوفقكم وياريت كل مشاكل البيوت تكون هيك |
اكتفي بردود الأخوان
من الحين افضلك طنشي الموضوع ولاتعتذري واعتبري ماصار شي عادي كلمه واضحكي وفرفشي مع الأيام راح يعترف بخطئه وان كان غير مباشر الله يوفقكم ويحفظكم من كل شر |
| الساعة الآن 03:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©