|
زوجي يرفض الخروج للعمل او الدراسه
السلام عليكم ،، انا ام لاربع عيال ،،، اسكن مع اهل زوجي ،،، في المنزل كبير ،،، ولهم فيها خادمتان تخدمنا ،،، وزوجي طيب ويصرف علينا ،،، بس مشكلتي اني من صبح حتى مساء مجابله النت ،،، ما عندي شغل ،،، اصيب بالضيق والملل ،،، وكل ما افتح له موضوع العمل او دراسه ،،، يرفض ،،، ولما اطلب منه السبب يقول انتي شغلج تربيه العيال ،،، والله حاله ،،، هذا شغل كل ام على وجه الارض ،، بس انا وقت الصبح خاصه لما يكون العيال في مدارسهم يصيبني ملل وضيق بشده واكون مكتئبه وايد ،، ما ادري شو اسوي ،،، مره ياتلي فكره اروح نادي رياضي للنساء ،،، فتره صباحيه رفض ،،، وما شجعني ،،، وحتى تعليم في المعاهد مثل ( اللغه الانجليزي ،،، او تقنيه المعلومات او برمجه الكمبيوتر ) قلت له شو رايك لما انزل العيال المدارس واروح ادرس في المعهد ،،، هم رفض ،،، هو يشتغل في مكان بعيد وما يرجع البيت الا اخرالاسبوع ،،، ساعات اصيح وبشده ،،، لاني ملانه ومتضايقه من قعده البيت ،،، من زمان ما دخلت المنتدى الغالي ،،، بس حسيت اني ابا مشورتكم ،،، وانا في انتظار ردودكم الحلوه ،،، وشكرا لكم لوجودكم في موضوعي ،،، ، |
والله حاله .. في بعض الرجال يحب يتحكمون في زوجاتهم لاقصى درجه .. فيك تضيعي وقتك في الاشغال اليدويه .. من تريكو و كروشيه و اشغال اخرى .. النت مليان من هذه المواقع المفيده .. واذا كان عندك القدره انك تحملي و تنجبي مولد اخر فهذا راح يشغل كل وقتك ... |
نعمة عظيمة عندك الفراغ استغليه في حفظ القرآن ضعي لك جدول وامشي عليه ياما ستجدين من الخير العظيم أجر وراحة وانشراح صدر وتوفيق وتيسير وفي الحديث ( نعمتان مغبون فيهما كثير من الناس الصحة والفراغ )
أسأل الله أن يدلك على ماينفعك |
أختي الفاضلة والله إنكِ في نعمة تحسدين عليها ومن حق زوجكِ عليكِ أن تطيعيه إلا إذا أمرك بمعصية حينها لا طاعة له فلذلك إستغلي فراغكِ وإجعليه طاعة لله في قراءة القرآن وسماع المحاضرات من الإنترنت وحاولي تتعلمي أي حرفة يدوية لتشغلي فيه وقت فراغكِ ولا تتمللي من قرار زوجكِ فهو في صالحكِ وفي صالح بيتكِ فليس هناك مكان أجمل و أروع من وجود المرأة في بيتها كأنها دُرة مصونة ومحفوظة في حفظ الله ورعايته أختكِ فرحية |
صحيح اني في نعمه ،،، لكن تخيلوا ريلي ،،، من نوع ما يحب يطلعنا احنا والعيال ،،، وايد يا دوب مره في شهر ،،
وصرت اذل عمري علشان يطلعنا بس هو مصر على قراراته ،،، طلعته وسهراته مع ربعه ،،، ونوم باقي نهار ،،، العيال قطعوني من طلباتهم بالطلعه ولما اقول لهم قولوا لبابا يصرخ عليهم ويقول اكيد امكم معلمتكم ،،، |
اقتباس:
اختي فهمت من كلامك انك عندك سيارتك الخاصه .. اذا استأذني من زوجك اذا هو يسمح لك تاخذي العيال و توديهم المجمعات او المنتزهات .. تقدري تتفقي مع اهلك على مكان معين و يوم معين وتتقابلوا و تنبسطوا مع العيال ... |
أختي الغالية معاناتك فاهماها لإني واقعة فيها بس معاناتي اشدانا متزوجة من 3 سنواتوماعندي عيال خلصت ثانوية وتزوجت زوجي مانعني ادرس او اشتغل بحجة الغيرة دورت ع جامعة قبلتني انتساب يعني منازل هم رفض مانع عني كل شي اذا قلت لأحد في التلفون ولو كان زوج اختي يعملها قضية مادري ايش الحل معاة خاصة واني متزوجة في بيت لوحدي يعني الضيق والفراغ قاتلني بس احاول احفظ قرلأن وادعي ربي عسى الله يهديهم لنا ان شاء الله
|
اقتباس:
|
وش لك في العمل وجو العمل
المكان الوحيد المناسب للنساء هو المدرسة اما العمل والاختلاط مع الرجال مشكلة مهما لو سويتي اكيد بتحصلين ناس بتتكلم فيك وفي عرضك من ورى ظهرك والبنات مايحرمون ايضا .. تنعجبين في احداهن وتفتحين قلبك .. واسرارك تكون عندها وبعدين شوي اشوفين وحده ثانية عفت والى ان تصل الى شاب ! الشغل والاختلاط مع الرجال يشعل غيرة الزوج .. والله الاخوات ماقصروا .. اعطوك بعض الحلول .. واضيف بانك تقدرين تتعلمين عن اي شيء من خلال الشبكة العنكبوتية سواء كمبيوتر او لغة انجليزية وحوالي مثل ما قالو الاخوات انك تروحين مثلا مع اخت الزوج او امه تفسحون الاولاد تحياتي |
| الساعة الآن 08:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©