مرت الأيام و حلمي انهدم
 

......
...... حلم السنين تاه وفي قلبي مية آه من يومها طعم الحياة زي المرار ...

..............
.... ممكن اقول اني ما عشت مراهقتي و ما عشت زي اللي ب جيلي وماكنت في يوم افكر انو حياتي كذا يمكن رسمت حياتي في خيالي شيء تاني
ايام الثانويه وكنت احلى ايام وثالث ثانوي احلى ايام عشتها بحياتي كنت اضحك يمكن كنت ضحكتي من قلبي

تزوجت واحد مو من نفس المنطقه اللي اهلي فيها يعني عايشه في منطقه تانيه وتخرجت من الثانوي عشت اولى سنه تبعا سنه حلوه بس كان فيها الم في اول سنه عملت تحليل للحمل والحمد لله معاندي مشكله وهو كمان ماعندها أي شيء يمنع الحمل بس سبحان الله تأخير من الله وجاء طرح فكرة نعمل منظار
من شان نتأكد انو كل شيء سليم عملت المنظار والحمد لله ماعندي ايش شيء والمنظار عملتو حتى امي ماتدري عنو

اهلي ما احد يعرف انو عملت عمليه كله عشانه

بس السنه الثانيه جاء في رمضان يقول انا بطلقي قلت ليش قال بطلقي ااستغربت بس بكيت قلت مع البكي ارتاح بس ماقلت لاهلي انو قال كذا.بيطلقني قلت امكن متضايق من شيء وفعلا جاءت فكرة الطلق في راسه بدون سبب
برغم هدا كله يضغط عليا بخصوص الحمل وانا تعبت من كثر ما افكر في الحمل وبعدين مو عايشه مع اهلي في نفس المنطقه يعني جالسه لوحدي في البيت وبس افكر انا ايش حياتي كنت خايفه انو يطلقني

وبعدين في سنه التانيه عملت تلقيح صناعي اولى مره كله عشانه يوه كنت اتالم برغم هد الالم مااتوقع كان يحس فيا

لو يحس ماكان عمل معيا كذا

عملت تلقيح صناعي اربع مرات والله في كل مره اتالم كله عشانه

ما اذكر في يوم طلب مني شيء وقلت لا
كنت اعمل أي شيء عشانه
حتى لو زعل مني وانا مو غلطانه هو غلطان عليا كنت ما اخلي ينام الا وهو راضي عليا
كنت اطلب منو يسامحني قبل ماينام
هو كان طيب معيا وفي نفس الوقت قاسي هو كان يجرحني بكلامه بخصوص الحمل برغم ماعندي شيء يمنعني عن الحمل

وكان يقول انو يبغني وماراح يتركني ومرات احس العكس

يعني كنت معا مو في اسقرار يعني كنت خايفه لانو كل يوم بكلام

وكان يقول لو في يوم طلبتي طلاق ماراح اطلق راح اخليك تفكرين مره مرتين

تدرون وشان كان يقول كان يقول انا بديت معك بدايه غلط انو لو زوجت تانيه ماراح اعمل معه زي ماسويت معكي

يعني كنت غلطان لمن كنت اخليكي تفكرين بالحمل شوفت كيف يعترف وشيء تاني كنت قاسي في تعامل معكي يعترف



جلست اضحك وفي نفس الوقت اكابر بس حسيت كلماته خنجر يطعن في قلبي بكيت بس ياليت لمن ابكي يرجع كل شيء راح مني تركت دراستي اربع سنين من عمري راحت كذا

يعني هو ويقول الكلام لي ما اتذكر العمليات والالم والخوف اللي كنت احس فيه وكله كنت اسوى عشانه
بس اعادي جلست اضحك واتكلم سويت نفسي انو نسيت الكلام بس نا مانسيت كنت أتعمل معه تقولين انو توني متزوجة انا بطبعي كذا انو حتى لواني زعلانه ما احب امشي ال وهو راضي عني تصدقون كنت اعمل هيك معها وكنت متفقه معها ع الطلاق

تدرون انو كرهت شيء أسمو زواج يعني إنا انخطبت بس قرارت انو بعد كذا ماراح اتزوج بعد اللي شفتو

بس كان يقول انو ماراح يطلقني انو حتى لو انا ابغى راح يخليني افكر تدرون ايش سوى في اقل من شهر جاءت ورقة طلا قي شفتو كيف الكذب

والحين اكمل دراستي بس من جد انا ع اختبارات سا عات افكر انسحب من الجامعه لانو تفكير ذابحني
طلقني بعد ماكان بقول مراح أتركك في أي يوم حتى لو أنتي طلبتي برغم هذا كنت أعيش حباتي بخوف وقلل ما اذكر انو في الأربع سنوات والنص ارتحت
ل
سوري الكلام مو مرتب بس مضايقه اكتب وانا ابكي

الإشراف/ تم تعديل العنوان
عليك الابتعاد عن اللهجات العامية البحته
و كتابة العنوان تكون بالفصحى باختصار و دالة على المضمون
وفقكم الله

هما الرجال كذا يقول احبك ومااستغني عنك

وبلحظه يبيعك ............

حرام والله لما نتعلق فيهم يسيبونا

الله يصبرك.............

الله يعوضك خير يارب

اختي الكريمه مش عارفه اقول ايه فوالله قصتك هذه ابكتني ...اختي انتي تستاهلي كل خير وتاكدي ان ربنا مش هيسيبك
وهيعوضك ...اصبري واستعيني بالله

شوفي كل حاجة في الدنيا بتعدي وبتمر الحلو بيمر والوحش بيمر

صدقيني احنا الي بنكبر مشاكلنا بطريقة تفكيرنا فيها
ليه حاسة انك بتعذبي نفسك
انتي شايفاه يستاهل تعذبي نفسك عشانه احمدي ربنا انك ماخلفتيش منه ارمي ورى ضهرك وابدئي من جديد وربنا معاكي

عيش ايامك ضحك ولعب وجد وحب

حبيبتي

اهم شي هلاء دراستك ثم دراستك ثم دراستك

وطول الوقت رددي اللهم اجرني في مصيبتي واخلف لي خيراً منها

وان شاء الله ربي رح يعوضك عنه أحسن منه بمليون مرة

ديري بالك على حالك واهتمي بدراستك لان هيه الي بتنفعك

الله يوفقك يارب وييسرلك كل خير